EZRA 6:14 - Bibilia Kui Mdedie fo Kimochi

¹⁴ Wanene wa Waisraeli wakaidima iwika mba iya ya Ruwa wechitaramo nyi waikimbi Hagai na Zekaria. Hekalu likamarisika chandu Mndumii-Ruwa awewawasie na chando wamangi walya wa Uajemi, Koreshi, Dario, Artashashta walewawasa.

EZRA 6:14 ပူးပေါင်းရင်းမြစ်များ

EZRA 3:8

Iṟunda lyewika hekalu lilya lya Yerusalemu lilewoka meri fo kawi wokia wawuka wusingenyi. Zerubabeli, Yeshua, na wana wa wamayawo, wakohanyi na Walewi na walya wose walewuka wusingenyi walewoka iṟunda. Wakawika Walewi waweshitsie maka makumi hawi na ngoseṟa wahoṟokie iṟunda li lyewika hekalu li ko wuhya.

EZRA 4:24

Koikyo iṟunda lyewika mba iya ya Ruwa liletirima handu ha maka iwi ya wumangi wo Dario, mangi o Uajemi.

EZRA 4:3

Zerubabeli, Yeshua na wanene walya wa shishari wakawahaluo, “Lukaundi mulatarame iwikia Mndumii chu ai Ruwa odu mba-pfo! Lochiwika so luwenyi chando Mangi Koreshi o Uajemi aleluwawasa.”

EZRA 5:1

Kiheri kyo wakahoṟokaho waikimbi wawi, Haggai na Zekaria mana o Ido, wakawuta wuikimbi kui rina lya Mndumii-Ruwa o wana wa Israeli, wechiongoya wandu walya wawei kulya Yuda na Yerusalemu.

EZRA 5:13

“Kyaindi maka fo kuwoka fo wumangi wo Koreshi mangi o Babeli, nyio alewuta momu fowikase hekalu li ko wuhya.

EZRA 5:2

Zerubabeli mana o Shaeltieli hamu na Yeshua mana o Jehozadaki wekiicho ṟu lyo wakawokase iwika hekalu lilya alya Yerusalemu na wechiikanyio nyi waikimbi walya.

EZRA 6:3

Maka fo kuwoka fo wumangi wo Koreshi, mangi Koreshi nalewawasa hekalu lilya lya Yerusalemu liwikose ko wuhya alyando shidaso shekewutio. Lyiwiko necha alyandu lilya lya kuwoka liwei liwike. Wulandari wolyo wuwe meta makumi hawi na mfungade na ido huye liwe meta makumi hawi na mfungade.

EZRA 6:8

Kindo njimuwawasa nyi iwaikanyia weri wo shindoshi mutae ko okamba lo mokesanyia ifo ora lo kyukanyi lo meda fo Eufrate kundu iṟunda lyo lilakeleo.

EZRA 7:1

Numa ya ishi kiheri kya mangi Artashasta mangi o Uajemi, kuwewode mndu umu elaho rina lyake nyi Ezra, mana o Seraya, mana o Hilkia,

EZRA 9:9

Ma chandu luwei masinga, Ruwa odu alekunda iluda luengeṟe iwa masingapfo. Kyaindi naleluloṟa ikunda lyake kodu oshangunyi lo wamangi walya wa Persia iwa walelulekia lukacha iwika mba i ya Ruwa odu na iachikia kulyando iwewundukie. Lukaowewona oringo loke iya Yuda na Yerusalemu.”

NEHEMIA 6:15

Kyasia omombo lulya lukamarisika iwiko mkonu fo makumi hawi na katanu (25) meri fo Eluli, na iṟundali lyose nyi lilemarisikia ko mfiri makumi hatanu na iwi (52).

YESAYA 44:28

inyi njekewia Koreshi, mlisi oko na icho mowuta shilya njikundi; mṟasa nadedie Yerusalemu, nochiwiko; na hekalu lyo, otende lopfo lochiwiko.”

HAGAI 1:1

Maka fo kawi fo Mangi Dario meri fo kaṟandaṟu, meri limu, idedo lya Mudumii lilechea Zerubabeli, mana o Shealitieli, mchili o Yuda, na Yosua mana o Yehosadaki, mkohanyi ang'anyi kui dumbu lya miikimbi Hagai kehamba,

HAGAI 1:8

Donyi na mtsudu, muhende imanya mashidi muwike mba, na inyi njichihiṟo nyiyo, njiichiko, Mndumii ahamba.

ZEKARIA 1:1

Meeri fo nyanya, maaka fo kawi fo mchili Dario, Idedo lya Mndumii lilechea Sakaria, mana o Berekia, mana o Ido, mwikimbi, kehamba,

ZEKARIA 1:16

Kui kipfa ikyo Mndumii nahamba adi, njiwuyase iambuya Yerusalemu kui Osaṟio na mrewa fochiwiko huye ya Yerusalemu, Mndumii menyi matorito ahamba.

ZEKARIA 4:9

Mawoko ha Zerubabeli halesuma otende lo mba ii, mawoko hake naaho hechiimarisa; na iyo nyi ochimanya ke Mndumii menyi Matorito anjiduma konu.

ZEKARIA 8:9

Mndumii menyi Matorito nahamba adi, “Mawoko hanu hakarie, nyo mukeri iadanyia madedo ha waikimbi maheri-ha, walya waweipfo kiheri walesuma otende lo mba ii ya Mndumii menyi Matorito, hekalu lyi kundu lyiwiko.