EZRA 6:10 - Bibilia Kui Mdedie fo Kimochi

¹⁰ Mochiwuta mudi kundu waidime iwuta shidaso shi ko Mndumii-Ruwa, wechinjiterewia inyi hamu na wana wako.

EZRA 6:10 ပူးပေါင်းရင်းမြစ်များ

MAWOOKIONYI 8:21

Mndumii-Ruwa kaicho opfamo lumchihiṟie, kahamba mrimenyi, “Njechisesa-se oruka numa ya ishi kipfa kya mndu o wandu-pfo kipfa mahio ha mrimenyi fo mndu o wandu, nyi hamawicho wokia wurika woke, manya njechikapa-se numa ya ishi orio kindo kii na moo chando njilewuta-pfo.

EZRA 1:2

“Ilyi nyi iwawaso lya mangi Koreshi mangi o Uajemi, Mndumii-Ruwa o ipfo Ruwehu, nyio alenjiwika inyi njiwe mangi o wuyanawu wose, kawenjinengase iṟunda lyemmbikia hekalu lyake kulya Yerusalemu ya Wayuda.

EZRA 6:9

Orio mkonu muinenge wakohanyi wo wa Yerusalemu shindo shose wechihamba; mmbe, machondi, shihuṟuwi, ko shidaso shemaya modonyi ko Mndumii-Ruwa na Ngano, monyo, mvinyo, na mafuda, mamlatiṟe iwainenga.

EZRA 7:23

Orio kindo kyose kikiwawase nyi Ruwa chu o ruwehu, kiwuto necha kipfa kya mba yake. Kundu nyashi yake ilaolokie wumangi wu woko ang'u wana wako.

IWUKA 12:32

Irenyi machondi hanu mmbe tsanu chando mlehamba, hendenyi konu, mkenjiwikia na inyi mboṟa-da.”

YEREMIA 29:7

Fulangienyi ofoṟo mṟi fulya njiletewa wadao wusingenyi mufuterewie ko Mndumii ko kipfa kya mṟi fo mochiwona ofoṟo.

DANIELI 2:46

Kyasia Nebukadneza ulya mangi, kaho wanda na kyaamu kapfiria Danieli ndi, kawawasa ke nainengo shiano na uvumba.

WALEWI 1:13

Kyaindi maula hakyo, na madende hakyo, nechisanja na mṟinga; na mkohanyicho nechishiseheṟia shose ishirumatsia rasionyi; nyi kidaso kemaya modonyi; nyi kidaso keseheṟia kui modo kya opfamo luchihiṟie Mndumii-Ruwa.

WALEWI 1:9

Kyaindi maula hayo, na masasio hayo nechishisanja na mṟinga; na mkohanyicho nechishikoṟa shose huye ya rasio, kundu shiwe kidaso kemaya modonyi, kidaso keseheṟia kui modo, kya opfamo luchihiṟie Mndumii-Ruwa.

WAEFESO 5:2

Muchumie mhendo fuu mchilie nyi ikunda, chando nao Kristo awelukundi kahenda ikudambikya Ruwa hando helukaya-pfo so kambiia odambiko na kidaso sha opfamo sa lolo da.