EZRA 5:8 - Bibilia Kui Mdedie fo Kimochi

⁸ Lukaundi ikumanyisha mangi, ke lulehenda kulya orukenyi lo Yuda, kulya kuwode mba ya Ruwa ang'anyi. Lukaaida kulya mṟinyi lukokoya hekalu lilya lya Mndumii-Ruwa lilewikose ko wuhya. Lilewiko na maho hang'anyi na mriti ing'anyi injiwike ipfo omombohu loke. Iṟundalyi lilewuto ko wurahari wung'anyi mnu.

EZRA 5:8 ပူးပေါင်းရင်းမြစ်များ

EZRA 2:1

Iwa nyiwo walewuya wawuka wusingenyi wo Babeli chando waledao pfo kui iwawaso lya Nebukadneza mangi o Babeli, wakawuya na Yerusalemu na Yuda orio mndu mṟinyi foke.

EZRA 5:7

Ii nyi paruo waledikia mangi yawo Dario. Ko mangi Dario ofoṟo lukae na iyo.

EZRA 5:9

Nalyo lukawesa wanene walya nyiu alewainenga momu fowikase hekalu lilya ko wuhya na iwika omombo tsilya kudo.

EZRA 6:10

Mochiwuta mudi kundu waidime iwuta shidaso shi ko Mndumii-Ruwa, wechinjiterewia inyi hamu na wana wako.

EZRA 6:4

Omombo lo mbayo lochiwa lo mbau, ido huye ngamba tsiṟaṟu tsa maho hang'anyi. Wuhuru wo shindoshi wochitao ifo kisenyi kya mangi.

EZRA 7:23

Orio kindo kyose kikiwawase nyi Ruwa chu o ruwehu, kiwuto necha kipfa kya mba yake. Kundu nyashi yake ilaolokie wumangi wu woko ang'u wana wako.

NEHEMIA 11:3

Kyaindi kiidi kya mṟi na shihongo shilya shingi, wandu wa Israeli, wakohanyi, Walewi, waringi wa mongo, na wana wa waṟundi wa Solomoni, wo nyi walekaa shihongonyi shawo na mṟinyi yawo wawenyi.

NEHEMIA 7:6

Walya wawei wusingenyi wo Babuloni nyi walewuya Yerusalemu orukenyi lo Yuda, orio mndu nyi alewuya na mṟinyi foke. Nawo nyi walya mangi Nebukadreza awewadaye wusingenyi. Walya waledao wusingenyi wo Babuloni kiheri kya mangi Nebukadneza, nyiwalewuya Yerusalemu orukenyi lo Yuda. Orio mndu nyi alewuya mṟinyi foke amonyi.

ESTA 1:1

Mangi Ahasuero nalewada wumangi, wumangi wu wuwewode masanga ihana limu makumi hawi na mfungade (127), wokia India mṟasa Ethiopia.

ESTA 1:22

Nahong'u kaduma paruo ko orio isanga na isanga kui mdedie yawo na mṟeho imanyikie kowo; ke orio mndu msoṟo nawe mndumii o mba yake, na ionguo mbonyi kui kishomo kya wandu wake.

SHIIMBO SHA DAWIDI 145:3

Mndumii nyio mnene ekeichiko mnu, Manya unene woke wumanyikiepfo.

DANIELI 2:47

Mangi kahaluo Danieli kambia, “Nyi kya lohi Ruwa chu onu nyi Ruwa kota maruwa hengi, nyi Mndumii-Ruwa o Wamangi aichi iloṟa shiṟike na ishihaluo pata - kipfa iyo noleidima iloṟa kiṟike ki.”

DANIELI 3:26

Kyasia Nebukadneza katikiria alya afui na nungu iya ya modo. Kalaha, “Lanye Shadraki, Meshaki na Abednego, waṟundi wa Ruwa o Huye; wukenyi ipfo mche na kunu.” Naalyo Shadraki Meshaki na Abednego wakawuka kulya modonyi.

DANIELI 4:2

Inyi njiwonyi ke kinjiwaṟi njihambe mbonyi tsa ṟiho tsilya Ruwa alenjiwutia.

DANIELI 6:26

Inyi ngawika iwawaso kiidi kya wumangi woko ke: Wandu wose waowuo Ruwa chu o Danieli: ‘Kipfa o nyi Ruwa menyi moo mokaa mlungana, wumangi woke wulamanda wuitoṟi woke wo mlungana.

NGUMBUO YA MAWAWASO 10:17

Kyamba Mndumii-Ruwa, Ruwa onu, nyio Ruwa o maruwa na Mndumii o wandumii. O nyi Ruwa mnene na menyipfinya, naoweshie; ekekundiapfo, manya ekeambia kitsutsumopfo.

NGUMBUO YA MAWAWASO 32:31

Ma wakituwa wadu wawenyi, waṟingishia napata ruwa owo awode pfinya cha Ruwa o Waisraelipfo.