EZRA 5:16 - Bibilia Kui Mdedie fo Kimochi

¹⁶ Koikyo mchili ulya Sheshbaza kacha iwoka otende lo hekalu na iṟundali wawodanyi nalyo mṟasa inu - kyaindi lyamemarisikie pfo.”

EZRA 5:16 ပူးပေါင်းရင်းမြစ်များ

EZRA 3:10

Lilyamandi walewoka iwika otende lulya lo hekalu, wakohanyi waleṟaa maṟao hawo warie na tarumbeta tsawo na wana wa Lewi walya wa oshari lo Asafu wakahoṟoka na matoasi hawo. Wakaṟumisha Mndumii-Ruwa, chando Mangi Dawidi o Israeli awawasie.

EZRA 3:8

Iṟunda lyewika hekalu lilya lya Yerusalemu lilewoka meri fo kawi wokia wawuka wusingenyi. Zerubabeli, Yeshua, na wana wa wamayawo, wakohanyi na Walewi na walya wose walewuka wusingenyi walewoka iṟunda. Wakawika Walewi waweshitsie maka makumi hawi na ngoseṟa wahoṟokie iṟunda li lyewika hekalu li ko wuhya.

EZRA 5:14

Kawewihiṟa shindo shilya sha sahabu na fesa shilya mangi Nebukadneza awewutie kulya hekalunyi lya Yerusalemu kashiwika hekalunyi lya Babeli. Shindoshi kashiwihiṟa kui owoko lo Sheshbaza ulya awemsambuṟie nawe mchili o Yuda.

EZRA 5:15

Koikyo mangi nalembia nawihiṟe shindoshi kulya hekalunyi lya Yerusalemu na iliwikase ko wuhya alyando liwei kuwoka.

EZRA 5:2

Zerubabeli mana o Shaeltieli hamu na Yeshua mana o Jehozadaki wekiicho ṟu lyo wakawokase iwika hekalu lilya alya Yerusalemu na wechiikanyio nyi waikimbi walya.

EZRA 6:15

Mmba iya ilemarisika mfiri fo kaṟaṟu fo meri fo Adari maka fo kaṟandaṟu fo wumangi wo Dario.

HAGAI 2:18

Kusaṟenyi ngamuterewa wokia mkonu fu fo inu na mkonu yechiituma; wokia meri makumi hawi na nyanya meri fo kenda, ee, wokia mkonu lulewika otende lo hekalu lya Mndumii, kusaṟenyi isho.

ZEKARIA 4:10

Nyiu alemina mkonu fo shindo shitutu? Kipfa wechichihiyo, nawo wechiwona orusu lo hesha mba lokehoṟotsa omombo luwodo nyi Zerubabeli, ee da ka mfungade; ho meso ha Mndumii hai ipfo na ipfo wuyanenyi kose.

ZEKARIA 4:9

Mawoko ha Zerubabeli halesuma otende lo mba ii, mawoko hake naaho hechiimarisa; na iyo nyi ochimanya ke Mndumii menyi Matorito anjiduma konu.

YOHANE 2:20

Nahong'u Wayuda wakahamba, “Hekalu lyi liliwike ko maaka makumi haana na iṟandaṟu na iyo noliwike-se lingi ko mfiri iṟaṟu?”