EZRA 5:12 - Bibilia Kui Mdedie fo Kimochi

¹² Indi wafee wadu wakasuiṟa Mndumii-Ruwa chu o ruwehu na oruka kawada wakawiko mawokonyi ha Nebukadneza mangi o Babeli, Mkalidayo, ichu nyio alewunduo hekalu li na iwaduo wusingenyi wo Babeli.”

EZRA 5:12 ပူးပေါင်းရင်းမြစ်များ

2WAMANGI 24:2

Kyasia Mndumii-Ruwa kamdikia makamba ha Wababeli, Waaramu, Wamoabu na Waamoni wakape oruka lo Yuda na ilunyamaṟa sumhana na idedo lya Mndumii-Ruwa alededa kui waṟundi wake waikimbi.

2WAMANGI 25:1

Mkonu fo ikumi fo meri fo ikumi fo maka fo kenda fo wumangi wo Sedekia, Nebukadneza mangi o Babeli nalecha na wandu wake wa mbahanyi, kakapana na mṟi fo Yerusalemu, kafutengetia, kawika oṟiho kaṟingichia riti.

2MBONYI TSA MAHERI 36:20

Wandu walya wose sa walekia shidenyi, nalewaduo wose usamiṟonyi Babuloni. Ipfo nalewatana wakawa masinga hake na wandu wake mṟasa mawookionyi ha wumangi wo Persia.

SHIIMBO SHA DAWIDI 106:40

Nyashi ya Mndumii ikaaka huya wandu wake, kasuo kyoṟa kyake.

YESAYA 47:6

Njiwesuuye wandu wako, ngafanyitsa ngafu kyoṟa kyako ngawawika mawokonyi hapfo; iyo ulewasaṟia-pfo; noledika wameekuṟio lyapfo, lilemeri mnu.

YEREMIA 5:29

“Ngesa njitae kiṟache kipfa kya isho? Mndumii ahamba; Na mrima foko njilafutaye kiṟache kiidi kya mkambo fu fo wandu.”

YEREMIA 51:59

Maka fo kana fo wuitoṟi wo mangi Sedekia nalehenda Babeli kimu na mnene o oshari loke elaho nyi Seraya mana o Neria na mchuku o Maseya. Kipfa kya mwanya fo, inyi Yeremia njileinengia Seraya ndumi.

YEREMIA 52:12

Mkonu fo ikumi fo meri fo katanu maka fo ikumi na kenda fo wuitoṟi wo Nebukadneza, mangi o Babeli, Nebuzaradani mnene o waringi wa Mangi ichu aleṟundia mangi o Babeli, naleida na Yerusalemu.

DANIELI 9:5

Lulenyamaṟa, lukawewada ngoo njiumu, lukatana mawicho, lukakuda iyo, ee da, lukaweda mawawaso hapfo na chile tsapfo.

NGUMBUO YA MAWAWASO 31:17

Nlyondi nyashi yako yechiwachea mkonufo, na inyi njechilekana nawo njiowishe kyamu kyako kuleshe nawo, wechikombetso. Mawicho hafoi na mawina shechiwarohia tane wakumbuo ke mawichoho hawahoya kipfa Ruwa owo ai kiidi kyawopfo.

NGUMBUO YA MAWAWASO 32:30

Mndu umu nechiidima ada iwinga wandu kiku angu wandu wawi wechiidima wada iwinga wandu shiku ikumi, shile na kokoya Mndumii-Ruwa owo awakumba. Mndumii-Ruwa owo alekana nawo?

WACHILI 2:14

Naho nyashi ya Mndumii-Ruwa ikado kipfa kya Waisraeli nao kada wasoki waduo masaa hawo. Nalewadambikia wakituwa wawo wakawaṟingichia walaidime ikuwuta mawokonyi ha wakituwawo.

WACHILI 4:2

Mndumii-Ruwa kawadambika mawokonyi ha Yabini mangi o Wakaanani, awekekaa Hazori. Mnene o wandu wa mbahanyi, nyi Sisera o kikunyi kya Haosheth-hagoimu.

WACHILI 6:1

Waisraeli walewuta mawicho oshangunyi lo Mndumii-Ruwa, nao kawawika mawokonyi ha Wamidiani maka mfungade.