EZRA 4:20 - Bibilia Kui Mdedie fo Kimochi

²⁰ Mṟi fu fuwehoṟokie nyi wamangi waapfinya hamu na oruka lose lo molyolya ya meda Eufrate, wawekusanyia okamba na fesa tsingi.

EZRA 4:20 ပူးပေါင်းရင်းမြစ်များ

MAWOOKIONYI 15:18

Mkonu fulya Mndumii kawika mkundana na Abramu, kambia, “Oshari lopfo ngaluinenga orukalu, wokia meda fo Misri tane medafo fung'anyi, meda fo Frati.

1WAMANGI 4:21

Wumangi wo Solomoni wukawokia meda fo Eufrate mṟasa oruka lo Wafilisti, kashika mṟasenyi na Misri. Wandu wose wakaṟundia Mangi, wakataa okamba kiheri kyose kya moo foke.

1WAMANGI 4:24

Ee naweitoṟie oruka lose lo meda Eufrarte kya ora lo kyukanyi wokia Tifsa mṟasa mṟi fo Gaza, iwei kiidi kya wumangi woke, kawekuwadia ofoṟo na njoruka tsa mṟasenyi.

1WAMANGI 5:1

Nalyo Hiramu Mangi o Tiro awei mbuya ya Dawidi, kaicho ke Solomoni naleshimbuyo nawe Mangi handu ha ndeye, kaduma waṟundi koke.

1WAMANGI 5:4

Kyaindi wulalu Mndumii-Ruwa, Ruwa oko amenjinenga ofoṟo njora tsose, njiwode-se mkituwa ma wukiwapfo.

1MBONYI TSA MAHERI 18:13

Kawika shiṟaṟo sha machekeṟo hake orukenyi lose lo Edomu, na wandu wake wakawa masinga ha Mangi Dawidi. Na Mndumii-Ruwa kainenga Dawidi uwinzi hando hose alehenda.

1MBONYI TSA MAHERI 18:3

Dawidi kakapa na iwinga Hadadezeri, mangi o Soba, oruka sa luwekeri kufui na Hamathi. Kiheri kyo Hadadezeri nawehendie ihoṟotsa wumangi woke oruka lo huye lo meda fo Frati.

1MBONYI TSA MAHERI 18:6

Kyasia, Dawidi kawika kiṟaṟo ya walemali wake kulya mṟinyi fo Shami ya Damasko; Wasiria walya wakawa masinga ha Dawidi wakawa wemtaa mashido. Mndumii-Ruwa kamtana nawe mbizi hando hose ahenda ikapana.

1MBONYI TSA MAHERI 19:19

Wamangi walya wawei wanda ya wusongoru wo Hadadezeri wakawona ke wakapo nyi Waisraeli, wakadeda chila ya ofoṟo na Dawidi, wakaidikia ke Dawidi nawe Mangi yawo mhya. Kyasia, Waaramu walaidikie itarama se Waamoni.

2MBONYI TSA MAHERI 17:11

Wafilisti maata waleendie Yehoshafati shindo sha nga handu hamu na fesa tsifoi, na Waarabu wengi wakamuendie masuwa (7,700), na shioṟo (7,700).

2MBONYI TSA MAHERI 9:14

itsi nyi ngoseṟa ya tsilya awekeendio na wasuṟi na wandu walya wawekekapa mbucha. Wamangi wose wa Arabia, na wasongoru wa Israeli nawo waweke mendie sahabu na fesa.

EZRA 4:13

Mangi mwafinya mṟi fu fukawiko se ko wuhya na njomombo tsafo tsikasia wandu wechitaase okamba, ma kodi pfo, na masaa hapfo hechinyia.

EZRA 4:16

Koikyo lukuwia mangi, kokoya mṟi fu fomarisika iwiko ko wuhya na njomombo tso tsafo tsikamarisia iwiko, iyo mangi ochiidimase ihoṟokia ora lo kyukanyi lo Eufrate pfo.’”

EZRA 4:19

Njilewawasa wasoṟe mbonyi tsa mṟi fu na kikawonekana ke mṟi fo Yerusalemu fuweichuo waṟingi weṟingia, wamangi ngoseṟa fuweichuo wandu wa ngaruo na wesohuo mondu.

EZRA 4:21

Koikyo wawasenyi walya wawika mṟifo wade mṟasa mandi njewuta se iwawaso lingi.

EZRA 7:24

Lukaeri imwikimbia se mulawese okamba lose ko Wakohanyi, Walewi, Waimbi waringi wa mongo ang'u waṟundi wengi wose wa mba i ya Ruwa.

SHIIMBO SHA DAWIDI 72:8

Nawade wuitoṟi wokia ipalyipalyi mṟasa ipalyipalyi, Wokia meda mṟasa mtsitsionyi fo oruka.

SHILIO 1:1

Ambuya nyi kiṟiha kya mṟi fuweichuo wandu, wulalu nyi fukeri wulya! Nyi mṟi fuwewode mng'ano kiidi kya wandu wa mkambo; indi wulalu nyi fukeri cha mndu mka mkusu. Kiidi kya mṟi ingi nyi fuwei cha mana o kika o mangi; kyaindi wulalu nyi fukeri isinga lya wandu wengi.

EZEKIELI 19:11

Maṟamba hafo hawei mashimbi; hakang'ana hakawase ndichi tsa wumangi. Msabibu fukalea huye mapuchini, na orio mndu kawona chando lileshe, na maṟamba sa hafoi.

MATAYO 9:9

Kyasia Yesu amewuka alya kaida mbele kawona mndu adamye alya kisanyonyi kya okamba, ewio nyi Matayo. Nao kambia, “Kenjo nooshane na inyi!” Nao kakure kahenda oshana nao.