EZRA 4:15 - Bibilia Kui Mdedie fo Kimochi

¹⁵ Hamba maṟeho ha walya wawekusongoye haambuyo. Kowuta kudo nochiwona ke mṟi fu fuwewode waṟiingi wokia kacha, na wokia kacha fuleinenga wamangi na wachili kipfulupfulu king'anyi, wandu wa mṟifu wawekewa ihoṟokiapfo. Ikyo nyi kyo kiletewa mṟifu fukarumatso.

EZRA 4:15 ပူးပေါင်းရင်းမြစ်များ

2WAMANGI 24:20

Mndumii-Ruwa kasukio kya wandu wa Israeli na Yuda, itane awafuna wahende kuleshe nao. Sedekia kaleha mangi o Babeli.

2WAMANGI 25:4

Kyasia ora lumu lo mawanda ha mṟi lulefunjo, na waaskari wose wakadicha ili kio wechiida kiidi kya kyahu kya mangi kichuminyi makidi hawi ha mawanda hawi, wakahenda ora lo Araba, ma chandu Wababeli waringichie mṟi.

EZRA 4:12

Luwekundi mangi numanye ke Wayuda walya walecha na iya wawuka njorukenyi tsingi tsa wumangi wopfo walesamia iya Yerusalemu walewika ko wuhya mṟi fulya mtahachi na mnyamaṟi. Walewoka iwika njomombo tsa mṟi fu na wulalu nyi imarisia njotende wai.

EZRA 4:14

Kyaindi kyambaso lui wahendeli wapfo mangi lulakundi iwona ishi shewutika kopfo, kochifunjo wuindi, nkyo kitewe lowona lukuwie koikyo luwehamba le wai:

EZRA 4:16

Koikyo lukuwia mangi, kokoya mṟi fu fomarisika iwiko ko wuhya na njomombo tso tsafo tsikamarisia iwiko, iyo mangi ochiidimase ihoṟokia ora lo kyukanyi lo Eufrate pfo.’”

NEHEMIA 2:19

Kyasia Sanbalati, Mhoroni, Tobia, Mwamoni mṟundi oke na Geshemu, Mwarabu, kiheri waleicho wado wakaluseka na ilusalucha. Wakahamba, “Nyikindo kida ikyi mukeri iwuta? A ngesa nyi mukundi ikuletsana na mangi?”

NEHEMIA 6:6

Baruo iya iwenjiṟehiye kudi, “Ambuya nyi kimanyikie kiidi kya mkambo ya wandu, na Geshemu nyi ai mṟingishi o mbonyitso, ke iyo na Wayuda nyi mukundi ikuashuo; nkyo kitewe muitambahana iwika omombo na iyo nyi ukundi iwa mangi chando mbonyi tsi tsikeri ihambo.

ESTA 2:23

Kiheri walesoṟa mbonyi i na iwada wulohi woyo, iwa wawi wakamaso ikidihu. Isho da shikaṟehio kiidi kya kitapu kya mbonyi oshangunyi lo Mangi.