EZRA 4:12 - Bibilia Kui Mdedie fo Kimochi

¹² Luwekundi mangi numanye ke Wayuda walya walecha na iya wawuka njorukenyi tsingi tsa wumangi wopfo walesamia iya Yerusalemu walewika ko wuhya mṟi fulya mtahachi na mnyamaṟi. Walewoka iwika njomombo tsa mṟi fu na wulalu nyi imarisia njotende wai.

EZRA 4:12 ပူးပေါင်းရင်းမြစ်များ

2WAMANGI 18:20

Ngesa nyi ukusirie madedo ha wulya nyi ho wuṟango na pfinya kiidi kya shida? Nyi ukusirie nau itane onjimina?

2WAMANGI 24:1

Nebukadneza mangi o Babeli nalekapa Yuda. Yehoyakimu kamṟundia maka iṟaṟu kamda nalakimiindie se kamleha.

2MBONYI TSA MAHERI 36:13

Sedekia nalewa mtahachi kihadi na mangi Nebukadneza, sa awemtana nalye nyamu kui rina lya Mndumii, ke nechiwa mhendeli koke. Nalewada mkuchu kaleha idumbuya na iwuuya Mndumii-Ruwa, Ruwa o Israeli.

EZRA 4:11

Baruo yo iwehambie le: ‘Ko Mangi Artashasta, so waṟundi wapfo luwukie molyolya fo meda Eufrate, lukudikia kiṟikiṟo.

EZRA 4:15

Hamba maṟeho ha walya wawekusongoye haambuyo. Kowuta kudo nochiwona ke mṟi fu fuwewode waṟiingi wokia kacha, na wokia kacha fuleinenga wamangi na wachili kipfulupfulu king'anyi, wandu wa mṟifu wawekewa ihoṟokiapfo. Ikyo nyi kyo kiletewa mṟifu fukarumatso.

EZRA 4:19

Njilewawasa wasoṟe mbonyi tsa mṟi fu na kikawonekana ke mṟi fo Yerusalemu fuweichuo waṟingi weṟingia, wamangi ngoseṟa fuweichuo wandu wa ngaruo na wesohuo mondu.

EZRA 5:3

Kiheri kikaida Tatenai mchili o ora lo kyukanyi lo meda fo Eufrate, Shelthar-bozenai, wakacha Yerusalemu hamu na wanene wengi wakawesa, “Nyiu alemuinenga momu fo wika hekalu li na imarisia omombo lu.”

EZRA 5:9

Nalyo lukawesa wanene walya nyiu alewainenga momu fowikase hekalu lilya ko wuhya na iwika omombo tsilya kudo.

NEHEMIA 1:3

Nawo wakanjihaluo wechihamba, “Wayuda walya waletsuhaa kulya orukenyi nyi wakeri kiidi kya wukiwa wung'anyi mnu na sonu tsing'anyi. Ambuya omombo lo mṟi fulya fo Yerusalemu nyi wulewunduyo na mongo iya yafo ikawekoṟo ko modo.”

NEHEMIA 6:6

Baruo iya iwenjiṟehiye kudi, “Ambuya nyi kimanyikie kiidi kya mkambo ya wandu, na Geshemu nyi ai mṟingishi o mbonyitso, ke iyo na Wayuda nyi mukundi ikuashuo; nkyo kitewe muitambahana iwika omombo na iyo nyi ukundi iwa mangi chando mbonyi tsi tsikeri ihambo.

ESTA 3:8

Hamani kawia mangi Ahasuero, “Kuwode wandu wa Isanga liliwe warahanyikie nawo wai kiidi kya wuchili wopfo na isanga shose sha mangi. Wawode chile tsilafananyi na chile tsa wandu wengi, waminyie na wuwawaso wo mangi, ko ikyo kiwaṟi mangi naduane nawopfo.

YEREMIA 52:3

Mndumii-Ruwa kasukio mnu kya wandu wa Yeremia na Yuda itane awawingia wakae kuleshe nao. Sedekia kalekana na mangi ya Babeli.

DANIELI 3:8

Kikashika Wakalidayo maata wakahenda ko Mangi ikumba Wayuda.

DANIELI 9:25

Kyasia wulalu umanye, wokia wuwawaso wo isungusia na iṟeheṟa wuhya Yerusalemu mtano kiheri kya icha lya ichu amshie mafuda ang'anyi; kochiwa mfungade mfungade. Ko mfungade makumi haṟandaṟu na iwi (62), mṟi fo Yerusalemu fochiwiko se ko wuhya na fochiwada mtandaṟa mnene na mṟeshi kyaindi kiheri kyo kochiwada wukiwa.

LUKA 13:34

Ee-Yerusalemu, Yerusalemu, okewaaha wadedi wa Ruwa kowekumbia na iwo wawadume kopfo maho, nyi kafoi kada njiwekundi isanyia wana wapfo handu hamu chando nguku yekesanyia malea hayo makungonyi nanyo mulakunde!

MAWUTO HA WASU 24:5

Kyamba lombona mndu chu m mwambutsi sa mbicho awa moamtsa mapaṟatsano kiidi kya Wayuda wose iwo wadung'anye wuyana wu wose, nao nyio msongoru o siṟi ya Wanasareti iya ikuwikye kyanya.

1WATESALONYIKYE 5:22

Mudiche kilya kii kiwicho kya orio mbaṟi yose.