EZRA 3:6 - Bibilia Kui Mdedie fo Kimochi

⁶ Ma chando walawemewoke iwika otende lo hekalu lilya, walewoka ikoṟa shidaso shemaya modonyi mawookionyi ha meri fo mfungade wokia wawuka wusingenyi.

EZRA 3:6 ပူးပေါင်းရင်းမြစ်များ

EZRA 3:5

Ngoseṟa ya isho wakawikase shidaso shemaya modonyi sha orio mfiri na shilya sheambia meri hamu na shilya shekewuto ili wakoyana iindia Mndumii, hamu na shidaso shilya mndu umu umu awekeinenga Ruwa alamwitike.

EZRA 3:7

Waleinenga waaria wepaṟa mbau na walya wewika mba fesa hamu na wandu wa Tiro na Sidoni shelya na shenyo na mafuda kundu wailache na mashidi halya ha meresi iwukie Lebanoni iidie kulya Yopa. Ishi shose nyi kui iwawaso lya Koreshi mangi ya Uajemi.

WALEWI 23:24

“Wia wandu wa Waisraeli kudi: Mfiri fo kuwoka fo meri fo mfungade mochifuhaluo mfiri fosia moo, mfiri fo ngumbuo yechiedio kui ṟu lya maranda na iwada kisanzio kiele.

WALEWI 23:25

Mulaṟunde kindo mfirifo na kimuwaṟi munjiendie Inyi Mndumii-Ruwa, kidaso kemaya modonyi.”

MAITALA 29:1

“Mfiri fo kuwoka fo meri fo mfungade, mochiwika kisanzio kiele. Manya mulaṟunde kindo. Ifo nyi mkonu fokapa iranda.

MAITALA 29:2

Mochilekia mwano fokoṟa modonyi, mpfaamo mcha fochihiṟa Mndumii-Ruwa: mapung'a hawi ha ndawanana; masuwa hawi, na shisuwa shitutu mfungade sha maka fumu, isho shose shilawode tewe yose.