EZRA 3:11 - Bibilia Kui Mdedie fo Kimochi

¹¹ Wakaimba shiimbo sheṟumisha Mndumii-Ruwa, wechiwuya wuya, “Mndumii nyi akeri mcha na ikunda lyake ko Waisraeli nyi lya mlungana.” Wandu wose wakairia maṟu hawo huye wechiṟumisha Mndumii-Ruwa kipfa otende lulya lo hekalu lulewoka iwiko.

EZRA 3:11 ပူးပေါင်းရင်းမြစ်များ

1MBONYI TSA MAHERI 16:34

Anenyi Mndumii, kipfa kya wucha woke, Na ikunda lyake nyi lya mlungana.

1MBONYI TSA MAHERI 16:41

Dawidi kawaengeṟiase Hemani, na Yeduthuni na wengise wawei wasambuṟe ko marina hawo, waane Mndumii-Ruwa kipfa kya ikunda na isaṟia lyake lilawode matsitsionyi.

2MBONYI TSA MAHERI 5:13

Kiwekisumuhanyi ke waimbi wekapa ombe na waimbi wa maṟu, waimbe handu hamu wechiichika na iana Mndumii-Ruwa. Kiheri wechiichika Mndumii-Ruwa wechikapa ombe na iimba: “Mndumii-Ruwa namcha, na ikunda lyake liwode matsitsionyi-pfo.” Ko oweṟe lumu, hekalu lilya likaichuṟo nyi ipuchi,

2MBONYI TSA MAHERI 7:3

Kyasia wandu wa Israeli wahende iwona modo fulya na ngela ya kiṟumi kya Mndumii-Ruwa huye ya hekalu, wakapfira ndi na iadapfuma Mndumii-Ruwa shamu shawo shechiambuya wanda. Wakaana Mndumii-Ruwa, wechihamba, “Mndumii-Ruwa nai mlalutsu o mrima, na ikunda lyake nyi lya mlungana.”

NEHEMIA 12:24

Wanene wa Walewi; Hashabia, Sherebia, Yeshua mana o Kadmieli nyi walehoṟoka sumuhana na wanene wamae; iwa nyi waleimba shiimbo sheṟumisha na sheana, kiwei chando Mangi Daudi mndu o Ruwa awewawasie.

NEHEMIA 12:40

Kyasia makamba halya hahawi haweiimba shimbo sheṟumisha, hakahoṟoka kiidi kya mba ya Mndumii-Ruwa, handu hamu na inyi na kyenga kya waṟundi;

SHIIMBO SHA DAWIDI 100:5

Kyamba Mndumii nai mcha, isaṟia lyake nyi lya mlungana; na wuhendeli woke oshari na oshari.

SHIIMBO SHA DAWIDI 103:17

Kya indi wuoloru wo Mndumii wui na iwo wekemwindia, wokia mlungana tane mlungana, na wusumhanyi woke wui na wana wa wana wawo.

SHIIMBO SHA DAWIDI 106:1

Haleluya! Anenyi Mndumii kyamba nyai mhoo, cha kipfa wuoloru woke nyi wo mlungana.

SHIIMBO SHA DAWIDI 107:1

Anenyi Mndumii kyamba o nyi mhoo, kyamba wucha woke nyi wo mlungana.

SHIIMBO SHA DAWIDI 118:1

Haleluya Anenyi Mndumii kyamba o nai mcha, Kyamba wuoloru woke nyi wo mlungana.

SHIIMBO SHA DAWIDI 131:1

Mndumii, ngoo yako iwode wutimbiripfo, manya meso hako hekekuiriapfo. Manya njekekuwinyisha na shindo shinenepfo, manya na shindo shiidie pfinya yakopfo.

SHIIMBO SHA DAWIDI 135:3

Ichikenyi Mndumii kyamba Mndumii nai mcha, imbienyi rina lyake kipfa lichihiṟie.

SHIIMBO SHA DAWIDI 47:1

Nyo wandu wose, kapekapenyi mawoko, kapyenyi Ruwa onu ngululu na ṟu lya sia.

SHIIMBO SHA DAWIDI 47:5

Ruwa nado ruwehu kui ngululu tsa sia, Mndumii kui ṟu lya iranda.

IWUKA 15:21

Miriamu kaimba nawo wakamiidikia, “Imbienyi Mndumii-Ruwa, kyamba nalewinza kui kiṟumi, Frasi na wedoya frasi nalewakumba ipalyipalyinyi.”

YESAYA 12:6

Koṟoṟoma, fahia, wenyi wa Sioni; Kipfa Mwele o Israeli nyi ang'anyi kiidi kyapfo.”

YESAYA 44:23

Imbenyi nyo ngina kipfa Mndumii amekuwutia isho; Fahiyenyi nyo mapichi ha oruka; Iriyenyi maṟu ha shiimbo nyo mafumvu; Na iyo ngeṟa na orio ikidi kiidi kyapfo. Kipfa Mndumii akiṟa Yakobo, Nao nechikuṟumisha kiidi kya Israeli.

YESAYA 6:3

Wakalahana, orio umu na odoye wechihamba, “Mwele, Mwele, Mwele, nyio Ruwa Mndumii-Ruwa Sabaoti, masanga haichuo kiṟumi kyake.”

YEREMIA 33:11

maṟu ha wali na sia, maṟu ha waimbi kiheri waiende mwano yeana kiidi kya mba ya Mndumii-Ruwa: ‘Anenyi Mndumii-Ruwa menyi matorito, kipfa Mndumii-Ruwa nai mcha kipfa woloru woke wokaa mlungana.’ Njechiwihiṟia orukalu mboṟa iya yake ya mboko. Inyi Mndumii-Ruwa ngahamba.”

HAGAI 2:3

Kiidi kyanu nyiu atsuhee ho alewona kiṟumi kya mba i lilya mbooko? Na wulalu mwiwonyi kuda? Na iwaṟi chando mwiwonyi wulalu?

ZEKARIA 4:7

Iyo nyui fumvu ling'anyi? Oshangunyi lo Zerubabeli nyi ochiwa oruka luramiri, nao nechiende iho lilya lyewika huye handu hamu na ngululu tsa osaṟio, osaṟio loke lukukae.

ZEKARIA 9:9

Chihiyo iyo mana o Sioni Kapa ngululu iyo Yerusalemu Ambuya mangi yapfo nyi akuchea Nyi o wusumhanyi nyi arie okiṟo Ai mwoloru ambawe nyi nzoi Lii ihache lya nzoi.

LUKA 1:50

Na isaṟia lyake nlyechikaa mtano marika na marika; ko walya wamwowoye.

YOSHUA 6:10

Yoshua kawawasa wandu wo, “Mlafahie ma itoṟotsana, manya iwuta idedo lyose dumbunyi lyanu, itane mkonu fo njechimmbia fahienyi nyi lyo mandi mochifahiya.”

YOSHUA 6:16

Kiheri waletengetia ka mfungade na wakohanyi wamemaa ikapa maranda halya, nalyo Yoshua kawia Waisraeli, “Fahiyenyi kyamba Mndumii-Ruwa amemudambikia mṟi fu.

YOSHUA 6:5

Kyasia kiherikyo wechikapa marandaho ko ṟu ling'anyi, mukomeicho ṟu lyo wandu wose wafahiye ko ṟu ling'anyi, nalyo njomombo tsose tsa mṟi fo nyi tsechioloka wanda. Koikyo orio mndu nyi echiolokia mṟi fo iwuka njora tsose handu muwehoṟoki.”