EZRA 2:68 - Bibilia Kui Mdedie fo Kimochi

⁶⁸ Wandu wo walewuka wusamiṟonyi na ishika kulya Yerusalemu, wanene walya wawo wakalekia masaa hawo kui mrima kundu waidime ihoṟotsa mba iya ya Ruwa alya handu iweinjiwike kuwoka.

EZRA 2:68 ပူးပေါင်းရင်းမြစ်များ

1MBONYI TSA MAHERI 21:18

Kyasia, msu o Mndumii-Ruwa kawawasa mwikimbi Gadi, nahende iwia Dawidi ke kikiwari nahende handu halya ha Arauna hehuya Ngano, nasungusieho rasio lyeana Mndumii.

1MBONYI TSA MAHERI 22:1

Kyasia, Dawidi kahamba, “Kikiwari hekalu lya Mndumii-Ruwa liwiko handu ha hehuya Ngano. Na handu ha nyi ho rasio lyewutia Mndumii-Ruwa shidaso shemaya modonyi sha Waisraeli wose, lyechiwa.”

2MBONYI TSA MAHERI 3:1

Kyasia Solomoni kawoka iwika hekalu lya Mndumii-Ruwa kulya Yerusalemu fumvuhu lya Moria, handu Mndumii-Ruwa alechea ndeye o Mangi Dawidi, handu Dawidi aweteseheṟie, hehuya Ngano kyahunyi kya Ornani Myebusi.

EZRA 2:67

Ngamia tsawo; mahana hana makumi haṟaṟu na tsitanu (435), nzoi tsawo shiku shiṟandaṟu mahana mfungade na makumi hawi (6,720).

EZRA 2:69

Wakainengia shisumbo shawo chandu wawewasumbe. Wakaichuṟa ipfo kikuchunyi kilo mahana hatanu tsa sahabu (500), na kilo shiku shiwi na mahana nyanya (2,800) tsa fesa na maṟao ihana limu (100) ha makuhanyi.

EZRA 3:3

Ma chandu wandu walya wawelee kulya orukenyi walewaowesha walya walewuya wusingenyi wo Babeli walewika rasio lilya alyando lilya lya kuwoka liweliwike. Wakawokase idasa shidaso shawo shekoṟa modonyi ngamenyi na kyukanyi.

EZRA 9:9

Ma chandu luwei masinga, Ruwa odu alekunda iluda luengeṟe iwa masingapfo. Kyaindi naleluloṟa ikunda lyake kodu oshangunyi lo wamangi walya wa Persia iwa walelulekia lukacha iwika mba i ya Ruwa odu na iachikia kulyando iwewundukie. Lukaowewona oringo loke iya Yuda na Yerusalemu.”

SHIIMBO SHA DAWIDI 110:3

Wandu wapfo wekekuwuta kui mrima, mkonu ochihenda ikapa watuuri wapfo; wanake wapfo wechikuchea huye ya mafumvu hapfo maele; cha mlewi fuioloka ngamenyi kilawo.

IWUKA 25:2

“Wia wana wa Waisraeli ke wanjiwikie mwano; orio mndu sa mrima fo foke fomnenga ikunda, mochiambia koke mwano foko.

IWUKA 35:21

Wakacha orio mndu chandu mrimafo foke fomduma, na orio mndu chandu ngo yake yamnenga ikunda, nawo wakaende mwano yeinenga Mndumii-Ruwa, kipfa kya ihema lilya lyekusanzia, na kya wuṟundi woke na kipfa kya maṟao halya maele.

IWUKA 35:29

Wana wa Waisraeli wakaende shiano sheinenga Mndumii-Ruwa kui mrima fo ikunda; wose womi na waka, sa mrima yawo ilewaitika wakunde iende kipfa kya iṟundalyo Mndumii-Ruwa alewawasa lyiṟundo kui owoko lo Mose.

IWUKA 36:3

Nawo wakaambia mawokonyi ha Mose mwaano yose, wana wa Waisraeli waweendie kipfa kya wuṟundiwo wo handu haele, kundu waṟundieho. Numa wakaende shiano orio mkonu ngamenyi kui mrima fo ikunda.

2 WAKORINTO 8:12

Kyamba mteseheṟye fo chila kokoya fuiho nyi fuchihiṟye ipfo kundo kuwode kindo chi ipfo kundo kulawode.

2 WAKORINTO 8:3

Ngawaṟingishya ke waweṟamkye ilekya kiidikyanyi na wuidimi wowo na kiwuidye.

2 WAKORINTO 9:7

Orio mndu nalekie chando akudumbuya ipfo mdonyi kilawe nyi lya mnung'u ng'u kya mkoṟomu, kyamba Ruwa akundi mleki molekya na kyamu kilyi.