EZRA 10:11 - Bibilia Kui Mdedie fo Kimochi

¹¹ Koikyo dumbuyenying'u oshangunyi lo Mndumii-Ruwa o waku wanu, muwemowuta kilya akundi. Kuletsanenyi na wandu wa oruka lu, muwelekana na waka wo wahenu.”

EZRA 10:11 ပူးပေါင်းရင်းမြစ်များ

2MBONYI TSA MAHERI 30:22

Kyasia, Mangi Hezekia kaichika na iwanza mrima ya wakohanyi kipfa kya ili walehoṟokia iṟunda leindia Mndumii-Ruwa ko wuaria wung'anyi. Komesia mkonu mfungade wandu wechilya, na iwuta shidaso sha ofoṟo na iṟumisha Mndumii-Ruwa, Ruwa o wasahuye wawo.

EZRA 10:10

Nalyo mkohanyi Ezra kahoṟoka kawia wandu walya, “Nyi muledeko, mukaalika waka wahenu, koikyo muleengeṟia Israeli owingo.

EZRA 10:12

Nalyo mamwingi fulya fo wandu fukahaluo ko ṟu ling'anyi, “Yee nawudo. Lochihenda iwuta chando oluwia.

EZRA 10:3

Ko kipfa kya ikyo luwikese kiteṟio na Ruwa odu. Luhende ilekana na waka wa wahenu hamu na wana wawo. Luwute chandu iyo hamu na walya waowoye Ruwa wechilulosha. Luhende iwuta kudo chando mawawaso hahambie.”

EZRA 9:1

Shindosho shamemarisika, wanene walya wakacha na koko wakanjiwia Waisraeli na wakohanyi wawo na Walewi, walemekuletsane na wandu wa wa oruka lu wai wewuta mawicho pfo; Waamoni, Wamoabu, Wamisri, Wakaanani, Wahiti, Waperizi, Wayebusi na Waamori.

NEHEMIA 13:3

Kiheri Waisraeli waleicho iwawaso wakakuletsana na wandu wa mkambo ingi.

NEHEMIA 9:2

Mandiho wana wa Israeli nyi walekaa haleshe na wandu wa mkambo ingi wahoṟoki wakatocha njonyamaṟo tsawo na tsilya tsa waku wawo.

SHIIMBO SHA DAWIDI 32:5

Njilekuwia wunyamaṟi woko, Ma njileṟika deko lyakopfo. Njilehamba njechitocha wunyamaṟi woko ko Mndumii. Na iyo konjihoṟia wunyamari woko wose.

MFANANO 28:13

Moṟika wunyamaṟi woke echitaramo-pfo; Indi motsitocha na ida nechiwona osaṟio.

YESAYA 56:4

Kipfa Mndumii nyi awia adi manzenge, iwo wekeindia mfiri fo sabato tsako na isambuṟa shilya njishikundi na iwada mnu mkundana foko;

YEREMIA 3:13

Tocha njoyamaṟo tsapfo tsose ke nyi uledekio, Mndumii-Ruwa opfo, na njia tsapfo ihendia wahenu, wanda ya orio ikidi liwode maṟa mawishi ma ulakunde iicho ṟu lyako.” Mndumii ahamba.

YEREMIA 7:3

Keadanyienyi-wo idedo lya Mndumii-Ruwa. Mndumii-Ruwa menyi matorito ai Ruwa o Israeli, nyi ahambie adi, ‘Mukuitike ichumia mchumie isumhanyi na iwuta mawuto mecha, na inyi njide handu-ho mukae-pfo.’

EZEKIELI 18:30

“Koikyo njikerihenda ikuanduya iyo mba ya Israeli, orio mndu mbutie foke, nyi wudo Mndumii-Ruwa ahamba. Dumbuyenyi muhaluke, muhende ida mawicho hanu hose kundu njonyamaṟo tso tsanu tsilahende imunyamaṟa.

YOHANE 9:24

Nahong'u wakawuya wakalaha-se mndu ulya awei kipfupfuṟe wakambia, “Hamba lohi oshangunyi lo Ruwa. Kya mndu chu luichi ke nyi akeri mnyamaṟi.”

WAROMA 12:2

Ma mulawone mokuwakisha na wuyana-wu wo kiwulalu, kya indi muhende kuhalwo mochikulawukya mhie, kundu muidime iidikyana na kilya Ruwa akundi, kilya kii kicha kichihiṟye, kyawukye swai.

2 WAKORINTO 6:17

Nkyo kimwitike muwuke ipfo kiidi kyawo mulekane nawo, lyo nyilyo Mndumii ahambye. Na kindo kifanyi ngafu ma mulakuwashe nakyo; na inyi njechimuambya koko.

WAKOLOSE 1:10

Kudo mochiidima ichumia mchumie fuchihianyi na Mndumii na iwuta mecha hamchihiṟie kiheri kyose. Moo yanu yechikumbia ndunda njicha. Cha ikidi liwikie ndunda mualuke na ipfumbuka mochimanya Ruwa.

WAEBRANIA 13:21

Ruwa chu namsumbe pfinya ya orio kii kicha kyose muwe mowuta shilya akundi. Nao nyio ai-msanze nanyo echiwa mowuta kilya kichihianyi nao kikawa kui Yesu Kristo. Nyio nawe mowikyo mng'ano maheri hose halunganyi. Amenyi.

YOSHUA 7:19

Nalyo Yoshua kawia Akani, “Mana oko ṟumisha Mndumii-Ruwa, Ruwa o Israeli, mṟumishe, numa unjiwie shilya uwutie manya kulanjiṟike.”