EZRA 1:7 - Bibilia Kui Mdedie fo Kimochi

⁷ Mangi Koreshi kawawihiṟia shindo shilya mangi Nebukadneza awewutie kulya hekalunyi lya Mndunii Ruwa lya Yerusalemu na ishiwika kulya mahekalunyi ha maruwa hengi.

EZRA 1:7 ပူးပေါင်းရင်းမြစ်များ

2WAMANGI 24:13

Na wudo da chandu Mndumii-Ruwa awehambie, Nebukadneza naleduo masaa hose hawei mbenyi ii ya Mndumii-Ruwa na mbenyi ya Mangi. Nalemanyamanya shihia shose sha sahabu shilya shilesungusio na Solomoni mangi o Israeli. Shihia sho shiwei mbenyi ya Mndumii-Ruwa.

2MBONYI TSA MAHERI 36:10

Maka fumu fukaida, mangi Nebukadneza kaduma waṟundi wake waduo Yehoyakini mdeho mṟasa Babuloni, nawo wakamduo handu hamu na masaa ha wuhuru wung'anyi kuwuka mba ya Mndumii-Ruwa. Kyasia, Nebukadneza kawika Sedekia manomayo o Yehoyakini nawe mangi o Yuda na Yerusalemu handu hake.

2MBONYI TSA MAHERI 36:18

Mangi o Babuloni kaira shihia shose sa shiwei kulya hekalnyi lya Mndumii-Ruwa, na masaa ha hekalunyi, na masaa ha mangi na hawasongoru wake, kaduo shoshe mṟasa Babuloni.

2MBONYI TSA MAHERI 36:7

Nebukadneza kaira maata ha shihia sha mba ya Mndumii-Ruwa, kashiduo mṟasa Babuloni, na ishiwika mbenyi yake ya wumangi.

EZRA 5:14

Kawewihiṟa shindo shilya sha sahabu na fesa shilya mangi Nebukadneza awewutie kulya hekalunyi lya Yerusalemu kashiwika hekalunyi lya Babeli. Shindoshi kashiwihiṟa kui owoko lo Sheshbaza ulya awemsambuṟie nawe mchili o Yuda.

EZRA 6:5

Shindo shilya shose sha sahabu na fesa shilya mangi Nebukadneza aweshiwutie kulya mba ya Ruwa ya Yerusalemu kashiende na kunu Babeli shihende iwihiṟio kulya hekalunyi lya Yerusalemu na orio kindo kiwihiṟio alyando kiwekekaa.

YEREMIA 51:44

Njechihoṟuo ruwa Beli ipfo Babeli, njechimtana nawute ikyo ameṟie, mkambo yechilungana se imhendia pfo. Omombo lo Babeli lowunduka.

DANIELI 1:2

Mndumii-Ruwa kawika mangi Yehoyakimu mangi ya Yuda mawokonyi hake, hamu na shindo maata sha mba ya Ruwa sa aleshiwada mdeho, kashiduo mṟasa oruka lo Shinari, kashiṟika kulya mmbenyi ya ruwa oke.

DANIELI 5:23

Kokuirinyisha oshangunyi lo Mndumii-Ruwa o ruwehu; mkaende shombo shilya shele shikaendo na mmbenyi yapfo mukanyo nasho iyo na wanene wa mkambo, na waka wapfo na shitonga shapfo, mokiidima mukaṟumisha maruwa hanu ha wongo ha sahabu na fesa na aṟeṟa, na ha mashidi na ha maho; halekewona manya iicho, na halaichi idedo lyose na Ruwa ulya mṟufu fopfo fui kuwokohu koke na njia tsapfo nyi tsake ulakunde imṟumisha.