EZRA 1:3 - Bibilia Kui Mdedie fo Kimochi

³ Mndumii-Ruwa nakae hamu nanyo mose nyo mui wandu wake. Nyi kimbaṟi nyo mutsuhee se wuhenunyi mui wandu wake muhende Yerusalemu, muhende iwika wuhya Hekalu lya Mndumii-Ruwa o Waisraeli, Ruwa nekeindiyo kulya Yerusalemu.

EZRA 1:3 ပူးပေါင်းရင်းမြစ်များ

1WAMANGI 18:39

Wandu wose wekiwona chandu kyawa, wakaoloka wanda na kyamu wakahamba, “Mndumii nyio Ruwa, Mndumii nyi Ruwa.”

1WAMANGI 8:23

Kahamba, “Hoi Mndumii-Ruwa o Israeli, kulawode Ruwa cha iyo, huye ruwehu ang'u orukenyi, ekekumbuo shasa na iloṟa ikunda lyake ko shisinga shake walya wemuosha kui mrima yawo yose.

1MBONYI TSA MAHERI 28:20

Kyasia, Dawidi kawia mana oke o Solomoni, “Kutumuhaṟe, nowade mrima mtumuhari, nuṟunde kudo; makulaowuo ma ikangaṟika, cha kipfa Mndumii-Ruwa, Ruwa oko, nakeri hamu na iyo. Echikuda kumonyi pfo, nechiwa na iyo mṟasa iṟunda lyose lyesungusia hekalu lya Mndumii-Ruwa lisie.

EZRA 1:4

Koikyo mndu oose Myuda akeri wusingenyi akundi iwuya nataramo iwuya na walya wai kufui nao nataramo kui fesa, na sahabu, shichoṟe shingi, na shuma na shidaso shemayo modonyi shehenda idasa kulya hekalunyi lya Yerusalemu.”

EZRA 4:3

Zerubabeli, Yeshua na wanene walya wa shishari wakawahaluo, “Lukaundi mulatarame iwikia Mndumii chu ai Ruwa odu mba-pfo! Lochiwika so luwenyi chando Mangi Koreshi o Uajemi aleluwawasa.”

EZRA 5:13

“Kyaindi maka fo kuwoka fo wumangi wo Koreshi mangi o Babeli, nyio alewuta momu fowikase hekalu li ko wuhya.

EZRA 5:3

Kiheri kikaida Tatenai mchili o ora lo kyukanyi lo meda fo Eufrate, Shelthar-bozenai, wakacha Yerusalemu hamu na wanene wengi wakawesa, “Nyiu alemuinenga momu fo wika hekalu li na imarisia omombo lu.”

EZRA 6:7

Ma mlakuwashe ang'u iima iṟundalyo lyewika hekalu, lekenyi mchili cho o Yuda na wanene wo wa Wayuda wawike mba yo ya Ruwa alya hando iwei kuwoka.

SHIIMBO SHA DAWIDI 132:13

Kyamba Mndumii nalesambura Sioni, naleilanga nakae kiidi kyake.

SHIIMBO SHA DAWIDI 83:18

Wamanye ke iyo, okelaho rina lyapfo Mndumii-Ruwa, nyi iyo kumonyi ui huye, huye ya wuyana wose.

YESAYA 37:16

“Hoi Mndumii menyi Matorito, Ruwa o Israeli, ukeri huya makerubi, iyo da iyo kumonyi nyi iyo Ruwa o wamangi wose wa wuyana. Nyi iyo ulewika ruwehu na oruka.

YESAYA 44:28

inyi njekewia Koreshi, mlisi oko na icho mowuta shilya njikundi; mṟasa nadedie Yerusalemu, nochiwiko; na hekalu lyo, otende lopfo lochiwiko.”

YESAYA 45:5

Inyi nyi Mndumii ma kuwode ungipfo; ngoseṟa yako kuwode Ruwapfo; njechikupfunga na okowa ma chandu ulawenjiichi,

YEREMIA 10:10

Kyaindi Mndumii nyi Ruwa o lohi, nyi Ruwa menyi moo o mlungana, nyashi yake yededemisha wuyana, wandu wa mkambo, wechiidima ikarishia nyashi yake pfo.”

DANIELI 2:47

Mangi kahaluo Danieli kambia, “Nyi kya lohi Ruwa chu onu nyi Ruwa kota maruwa hengi, nyi Mndumii-Ruwa o Wamangi aichi iloṟa shiṟike na ishihaluo pata - kipfa iyo noleidima iloṟa kiṟike ki.”

DANIELI 6:26

Inyi ngawika iwawaso kiidi kya wumangi woko ke: Wandu wose waowuo Ruwa chu o Danieli: ‘Kipfa o nyi Ruwa menyi moo mokaa mlungana, wumangi woke wulamanda wuitoṟi woke wo mlungana.

MATAYO 28:20

Mbewalosha wakae na mbonyi tsilya njimbawasye tsose. Nahong'u ambuyenyi njii nanyo mafiri hose na kuwede kushike ili masiyonyi ha wuyana.”

MAWUTO HA WASU 10:36

Aii ndumi aidikye wana wa Israeli wose echionguo ofoṟo luiwiko nyi Yesu Kristo. Nao nyio ai Mndumii o wandu wose.

NGUMBUO YA MAWAWASO 32:31

Ma wakituwa wadu wawenyi, waṟingishia napata ruwa owo awode pfinya cha Ruwa o Waisraelipfo.

YOSHUA 1:9

Ambuya, nyi inyi Mndumii-Ruwa opfo njikeri ikuwawasa uwade ngoo njikari uwewa ngohoda, manya ulaowuo ma ipfiiyo nyi mdo kyamba njikeri handu hamu na iyo handu hose ochiida.”