EZEKIELI 7:4 - Bibilia Kui Mdedie fo Kimochi

⁴ Ambuya njechikudapfo, manya ikuwonyia wukiwapfo, nyi kipfa njihenda ikukapa kya mawicho hose hakeri kiidi kyapfo, na nyilyo mandi mochimanya ke inyi nyi Mndumii.

EZEKIELI 7:4 ပူးပေါင်းရင်းမြစ်များ

EZEKIELI 6:7

Iwo wose wechiwoho nyi wechioloka kiidi kyanu kundu muidime imanya ke inyi nyi Mndumii.

EZEKIELI 11:21

Kyaindi walya wose wachumia njia tsilai sungusihu na weosha maruwa hengi, njechiwakapa.’” Nyi wudo Mndumii-Ruwa ahamba.

EZEKIELI 5:11

Mndumii-Ruwa chu ai na moo, ichu ulefanyitsa hekalu lyake na mawuto hapfo hafanyi na mchumie fopfo mbicho nechikukapa manya riso lyake lyechikulilia ma ikusaṟia pfo.

HOSEA 12:2

Mndumii-Ruwa nyi awode mondu na Yuda; ambuya nyi ahenda ikapa Yakobo sumuhana na madeko hawo, na iwataa sumhana na mawuto hawo.

HOSEA 9:7

Mfiri ya ngapo yameafukia, na mfiri yetaa kiṟache yameafukiada, Waisraeli kimbaṟi mumanye mkonu fo; ambuya nyi mokehamba miikimbi nyi tondo, na ichu asongoyo nyi mumuyo nyi msuko; nyi mokehamba mudo kifpa kya mawicho hanu hang'anyi, na kipfa kya kituwa kyanu king'anyi.

EZEKIELI 16:43

Ambuya nulehadima wucha wose njilekuwutia kiheri kya uwanake wopfo kohenda iwuta mawicho ha hose halenjisuiṟa, kipfa kya ikyo njechikutaa kiṟache kya isho shose ulewuta, nyi wudo Mndumii-Ruwa ahamba, nowehenda idumbuya na mkao fopfo fo wuseṟeṟi.

EZEKIELI 9:10

Kyaindi inyi njewaichio wukiwa ma iwasaṟiapfo, njechiwataa kya isho shose walewuta.”

EZEKIELI 7:27

Koikyo mangi nyi echifihiṟa, na manomangi nawuṟe mkusirie, wandu wose wechidedema na iowuo, kyamba njechimukapa kya mawicho hanu hose muwewutie. Njiwehenda imwanduya chandu muleanduya wodoyanu. Ikyo kihende imuinenga imanya ke Inyi nyi Mndumii-Ruwa.”

EZEKIELI 6:14

Ambuya njechihoṟuo owoko loko huye yawo, njechinyamaṟa oruka lowo luwe mai na mai, kuwokia ora lo huye na lo nuka, kuwokia handu kuwode wandu na kuwokia ipfo nuka mṟasa mṟi fo Ribla, na nyilyo mandi wechimanya ke inyi nyi Mndumii.”

WAEBRANIA 10:30

Kyamba luichi ichu ahambie, “Idehelya mndu lyankoya inyi, nyio inyi njechitaa kiṟache.” Kukawehambo lingi, “Mndumii echidedya mkambo foke.”

ZEKARIA 11:6

Kipfa inyi njechisaṟia-se wenyi oruka lu pfo, Mndumii ahamba, indi njechiwika orio mndu mawokonyi ha manomae na mawokonyi ha mangi, wechikapa oruka lo, manya njechiwawuta mawokonyi hawo pfo.”

EZEKIELI 24:14

Ambuya nyi Inyi Mndumii-Ruwa ngahamba, ‘Njechihenda iawutsia kindo ki, njechiwuta kindo, njechiambuya ndumapfo, nyi njechikukapa sumuhana na mkao fopfo na mawuto hapfo, nyi wudo Mndumii-Ruwa ahamba.’”

EZEKIELI 23:49

Nanyo Ohola na Oholiba muhenda ikapo kipfa kya wumeluki wonu na wunyamaṟi woindiya maruwa ha wongo, nanyo mochiwutaho imanya ke Inyi nyi Mndumii-Ruwa.”

EZEKIELI 23:31

Kyamba nuleosha njia ya manomayo, njechikurutsa kikombe kilya kilya alenyoya.

EZEKIELI 22:31

Koikyo njilewapusuya nyashi yako na iwakombetsa ko modo fo nyashi yako sumhana na mawuto hawo. Nyi wudo ngahamba Inyi Mndumii-Ruwa menyi matorito.’”

EZEKIELI 12:20

Mṟi yo yawo iweichuo wandu yechiwa wulya na oruka lo lochiwa wukiwa, nanyo mochiwutaho imanya ke inyi nyi Mndumii.”

EZEKIELI 8:18

Ko kipfa kya ikyo, nyashi yako yechiwasokia, manya riso lyako lyechiwaliliapfo, manya njechiwasaṟia pfo ma kokoya wechicha ifihiṟia madunyi hako, njechiwaadanyiapfo.”

EZEKIELI 7:9

Ambuya riso lyako lyechikukiṟapfo manya njechikusaṟia pfo, njechikukapa sumuhana na njia tsapfo kyamba wuwicho wopfo wukeri kiidi kyapfo. Nahong'u mumanye ke inyi nyi Mndumii na njekekapa (njekewuwuya wanyamaṟi).

YEREMIA 25:14

Kipfa wandu wafoi wa mkambo na wamangi wanene wechiwatuura, nawudo njechiwataa kiṟinganyi na mawuto hawo na maṟunda ha mawoko hawo.’”

YEREMIA 16:18

Njechitaa kiṟache ka ikumi, kipfa kya njonyamaṟo tsawo na madeko hawo kipfa wafanyitsa ngafu oruka loko, kui mnying'a ya maruwa hawo hasuiṟie, wakaichuṟa oruka lu loko isuiṟa lyawo.”

YEREMIA 13:14

Njechiamtsa kiletsano kya mndu na odoe, ee nde o wandu, wana na wafee handu hamu. Mndumii ahamba; njechiwasaṟia-pfo ma ihoṟia ma iwaichio wukiwa njide njilawarumatsa.’”

EZEKIELI 7:3

Mtsitsionyi fu nyi fokuhoya, kipfa nyashi yako yechikuhoya, ambuya njechikuanduya sumhana na mawuto hapfo na njechikuwuwuya sumhana na wuwicho wopfo wose.

AMOSI 7:8

Mndumii kanjiwia, Amosi, kiki kuwonyi? Ngahamba, Njiwonyi kipiṟinyi. Nlyo Mndumii kahamba, Ambuya njechiwika kipiṟinyi na orusu kiidi kya wandu wa, njechiwada-se manyalepfo;

EZEKIELI 33:29

Kiherikyo njechihaluo oruka lo lowo luwe nuka ya msanga kipfa kya njonyamaṟo tsawo walewuta, nyi lyo mandi wechiwutaho imanya ke Inyi nyi Mndumii-Ruwa.”