EZEKIELI 4:9 - Bibilia Kui Mdedie fo Kimochi

⁹ “Nahong'u nochiira Ngano, shayiri, mahaṟaki, choṟoko, mtama, na uwele, noshiwike safurienyi nusungusie nasho mkate. Mkate fo nyi fochiwa kelya kyapfo kiheri kyo kyose ulee na ora lumu mfiri mahana haṟaṟu na makumi kenda (390).

EZEKIELI 4:9 ပူးပေါင်းရင်းမြစ်များ

MAWOOKIONYI 25:34

Yakobo kainenga Esau mkate na kelya kya soma, nao kalya, kawenyo, kiidima kakure kakuhendia. Ko ikyo Esau kaisalucha na ipiṟa wusumhanyi woke wo mana mmbe.

IWUKA 9:32

Kyaindi Ngano na shifananyi nayo shilekapo pfo; kyamba shiwemeoṟepfo.”

YESAYA 28:25

Kamemarisa ikapakapa teri yake-le, ekeṟeheṟa soko na iweda kiheri kewaya, na mbeu ya Ngano kui mbaṟi yatso na ikumba kulya terinyi chandu kiwaṟi?

EZEKIELI 4:13

Kindo ki nyi kyaloṟa chandu Waisraeli wechilya mkate yawo injifanyitse ilimandi wechidao wusingenyi kiidi kya njoruka njihenu.”

EZEKIELI 4:16

Nalyo kanjiwiase, “Iyo mndu, ambuya njechiende njaa ya kelya iya Yerusalemu. Wandu wechiheshio mkate walye ko wuwowu, na iheshio mṟinga wai wasukie.