ESTA 9:3 - Bibilia Kui Mdedie fo Kimochi

³ Wachili wa isanga na wasongoru na wanene wa wandu na walya wawekeṟunda ko mangi; waletarama Wayuda; kipfa keowuo Mordekai.

ESTA 9:3 ပူးပေါင်းရင်းမြစ်များ

EZRA 2:2

Wasongoru wawo nyi Zerubabeli, Yeshua, Nehemia, Seraya, Reelaya, Mordekai, Bilshani, Mispari, Bigwai, Rehumu na Baana. Ili nyilyo itala lya Waisraeli sa walewuya iwuka wusamiṟonyi.

EZRA 8:36

Wakawewainengia maṟeho halya mangi aweṟehie ko wachili na wanene walya wose wa kulya ora lo kyukanyi lo meda fo Eufrate, na wanene walya wakawatarama wandu hamu na irundi lya hekalu lilya.

ESTA 3:12

Kyasia, mkonu fo ikumi na kaṟaṟu fo meri fo kuwoka Hamani kalaha waṟehi wose wa mangi, kawainenga mbonyi iwaṟi isungusio kui mdedie fo orio umu na kui mṟeho kiidi kya wumangi wo nduma kudiko ndumi tso tsiṟehie kose ko wachili wa isanga na isanga shose, na ko wanene wa shishari shose, tsiwode shishomo shose shekededo. Mbonyi tsi tsinjiwute kui rina lya Mangi Ahasuero na ikapo ofano loke lui nyi rachi yake.

ESTA 8:17

Kiidi kya orio isanga lyose leshikio iwawaso lya mangi na paruo ii, Wayuda wakachihiyo mnu wakawada mfiri mnene fuichuo mfuho. Wandu wengi walawei Wayuda, wakakuhaluo Wayuda kipfa kya wuowu woowuo Wayuda.

ESTA 8:5

“Kokunda, iyo mangi, na kokoya nokusaṟa kicha kyako, na kokoya kechikuchihiṟa, ngakuterewa hoi, kewuta idedo lyapfo lyefurunja kyama kilya Hamani awewiie wandu ke kiinutsio. Idedo lyawo liwe liliṟehie chandu nao aleṟehia Hamani mana o Hamedata Mwagagi tserumatsa Wayuda kiidi kya masanga hose.

ESTA 8:9

Kyasia waṟehi wa mangi wakalaho mkonu fo makumi hawi na kaṟaṟu (23) meri fo kaṟaṟu folaho nyi Siwani, na chandu Mordekai alewawasa, Wayuda wakaṟehio hamu na wachili, na wanene wa masanga, na wanene wa mkambo wokia Uhindi itane Ethiopia, isanga ihana na makumi hawi na mfungade (127), orio isanga kui mṟeho fowo na orio isanga na kishomo kyawo, na Wayuda, kui mṟeho fowo na kishomo kyawo.

DANIELI 3:2

Nalyo Nebukadneza kaduma wandu wasanyie wandu wose wawode iṟunda kiidi kya isanga lyose wache ishimbuo sanamu iya aleisungusia.