ESTA 9:1 - Bibilia Kui Mdedie fo Kimochi

¹ Kiheri kuleshika meri fo ikumi na kawi meri fo Adari fo mkonu fo ikumi na kaṟaṟu iwawaso lya mangi na ole loke luteṟie iinutsio, fuwei nyi mkonu fo wakituwa wa Wayuda wawekusirie iwaitoṟia, kyaindi kikailachika, Wayuda wakaitoṟia walya wawewasuo.

ESTA 9:1 ပူးပေါင်းရင်းမြစ်များ

2SAMWELI 22:41

Nyi iyo uletewa watoaṟi wako wakadicha, na inyi ngarumatsa walya wawenjisuo.

ESTA 3:13

Weduo mbonyi wakaduo paruo tso ko orio isanga kya wumangi wo. Mbonyi yo ihambie ke mfiri fumu tupu, mkonu fo ikumi na kaṟaṟu fo meri fo ikumi na kawi folaho nyi Adari, Wayuda wose, wanake ko waku, waka na wana wose wawaṟi iwoho, warumatso na iarisika piu na masaa hawo hadao.

ESTA 3:7

Nahong'u koikishika meri fo kuwoka, nyifo fo Nisani, maka fo ikumi na kawi fo wumangi wo Ahasuero wakawika Puri, nyi kuṟu kuhya kundu kumanyike mkonu na meri fo Hamani iinutsia kilya akuṟeheṟie ikiwuta mṟasa meri fo ikumi na kawi nyi fo meri fo Adari.

ESTA 8:12

Kindo ki kiwechiwutika masanganyi hose ha mangi Ahasuero, mkonu fo ikumi na kaṟaṟu meri fo ikumi na kawi nyifo Adari.

ESTA 8:6

Nyi wuda njechikarishia iwona wandu wako wechirumatso na wandu wako wechiwoho?”

ESTA 9:17

Ifo nyi mbe mkonu fo kaṟaṟu merifo Adari. Mkonu fuleituma fo ikumi na kana walesia moo. Wakafutana mkonu mnene fo mfuho.

SHIIMBO SHA DAWIDI 18:40

Ee kotana wakituwa wako wanjikumbe mhongo, Na walya walenjisuo njilewamamiṟa.

SHIIMBO SHA DAWIDI 30:11

Mkonu fo iawuka lyako kolihaluo lyatemo; Konjiwuta masaṟa, konjiṟika sia.

MAWUTO HA WASU 12:11

Nahong'u Petro kekikupang'kyaho necha kahamba, “Wulalu ngamekumanyang'u kya lohi ke Mndumii nyio amduma malaika oke kanjiletsa owokony lo Herode na owedo lo wandu Wayuda lose.”

NGUMBUO YA MAWAWASO 32:36

“Mndumii-Ruwa nechikapanyia wandu wake na iichio waṟundi wake makulili, ili echiwona pfinya tsawo tsawasiia, manya kuipfo mndu atsuhaapfo, mpfungo ang'u alai mpfungo.

OTAMBAHALUO LO YOHANE 11:18

Mkambo ya wandu ikarihinyika kukacha nyashi yapfo na kiheri kyeanduya wapfu. Na yenengya masinga hapfo wuṟundi nyiwo waikimbi wapfo; na waele na weowuo rina lyapfo walya watutu na walya wang'anyi, nkyo kiheri kyerumatsa warumatsi walya wa wuyana wu.”