ESTA 8:5 - Bibilia Kui Mdedie fo Kimochi

⁵ “Kokunda, iyo mangi, na kokoya nokusaṟa kicha kyako, na kokoya kechikuchihiṟa, ngakuterewa hoi, kewuta idedo lyapfo lyefurunja kyama kilya Hamani awewiie wandu ke kiinutsio. Idedo lyawo liwe liliṟehie chandu nao aleṟehia Hamani mana o Hamedata Mwagagi tserumatsa Wayuda kiidi kya masanga hose.

ESTA 8:5 ပူးပေါင်းရင်းမြစ်များ

ESTA 2:17

Mangi kakunda Esta kota waka wose, nao kawona osaṟio na ikundika kota waka wose, kamṟika oṟo ya wumangi mdohu koke kamhaluo mkamangi handu ha Vashti.

ESTA 2:4

Ulya echikuchihia ngoseṟa nawe nyi mkamangi handu ha Vashti.” Mangi kawona oloho nyi salucha, kawuta ado.

ESTA 3:1

Kyasia numa ya mbonyi tso mangi Ahasuero kadosa Hamani mana o Hamedata, Mwagagi kambika huye ya wachili wose wawei nao.

ESTA 5:8

Kokoya ngawona osaṟio kopfo iyo mangi, koidikia kiterewo kyako, kyasia ngaterewa iyo na Hamani mche ngama kiidi kya choonga ingi njechiiṟeheṟa. Mandi ho njechihamba kiterewo kyako.”

ESTA 7:3

Mkamangi Esta kahaluo, “Kokoya ngawona osu kopfo iyo mangi, na kokukundia injiinutsia kiterewo kyako, nyi inyi njikukae na moo na wandu wako.

IWUKA 33:13

Kyasiang'u, wulalu ngakuterewa, kokoya njilewona osaṟio oshangunyi lopfo, kenjiloṟa njia tsapfo, njiidime ikumanya na ikuṟundia necha. Ke kumbuo ke mkambo fu nyi iyo kulefusambuṟa fuwe fopfo.

IWUKA 33:16

Kokoya ulahenda na inyi na wandu wako, kechimanyika kuda ke njilewona osaṟio kyamunyi kyapfo, inyi na wandu wako? Kipfa kohenda naso, wandu wechimanya ke lufananyi na wandu wengi wa wuyana pfo.”

1SAMWELI 20:29

Nalenjiwia, ‘Njinenga momu njihende ko wana wa wama wako, cha kipfa wakeri iwika kidaso ipfo mṟinyi, na mana o wama nakundi njikaeho. Ko ikyo kokoya kyakuchihia nenga momu njihende ko wana wa wama wako.’ Nkyo kitewe alakeri iya shelyenyi hamu naso.”