ESTA 8:11 - Bibilia Kui Mdedie fo Kimochi

¹¹ Kwi parua tsi mangi kainenga Wayuda momu fokoyana kiidi kya mṟi iringa moo yawo. Wakainengo momu fo nyamaṟa, iwaha, kulawode sonu na irumatsa orio ichekeṟo lya wandu ang'u isanga, lechiwachea na shisha kimu na waka wa wana wawo, na iwada masaa hawo.

ESTA 8:11 ပူးပေါင်းရင်းမြစ်များ

ESTA 3:13

Weduo mbonyi wakaduo paruo tso ko orio isanga kya wumangi wo. Mbonyi yo ihambie ke mfiri fumu tupu, mkonu fo ikumi na kaṟaṟu fo meri fo ikumi na kawi folaho nyi Adari, Wayuda wose, wanake ko waku, waka na wana wose wawaṟi iwoho, warumatso na iarisika piu na masaa hawo hadao.

ESTA 9:18

Kyaindi Wayuda wengi wa mṟi fung'anyi fo Susa walewekusanza mfiri fo ikumi na kana kyaindi walesia moo-pfo. Wo nyi walesia moo mfiri fo ikumi na katanu ko sia na mfuho fung'anyi.

SHIIMBO SHA DAWIDI 137:8

Iyo Babeli, ui monyamaṟa, nanga ichu echikutaa mawicho, chandu kulelutaa so mawicho.

SHIIMBO SHA DAWIDI 68:3

Indi wenyi wusumhanyi wekechihiyo, na ifuda oshangunyi lo Ruwa, ee, wekekapa ngululu tsa sia.

YESAYA 10:6

Njechimduma kiidi kya wandu wenyi wuminyi, na inyi njechimnenga mawawaso huya wandu wa nyashi yako, naduo wapfungo nawachumechume cha odoko lo njienyi.

EZEKIELI 39:10

Kyamba wechisanase ngu mademenyipfo, manya wechimanyase mashidipfo, cha kipfa wechihaluo shisha shi shiwe nyi sheatsa modo. Kii kidi nyi wakerihenda isoka masaa walya walewasoka masaa, wawerakuo walya walewarakuo, nyi wudo Mndumii-Ruwa ahamba.