ESTA 7:4 - Bibilia Kui Mdedie fo Kimochi

⁴ Kipfa inyi na wandu wako luiwakumbe mbuchenyi ye woho, irumatso na isenekia kuchu. Kokoya luwekumbo luwe masinga na isingia wandu njiwekutsiia sau, ma njiwekulisa wukiwa pfo. Ma lukarumatso kuwode mkituwa echiidima iichuṟa wufafa wu wo mangi pfo.”

ESTA 7:4 ပူးပေါင်းရင်းမြစ်များ

NEHEMIA 5:5

Kekusaṟewo, mbihu yadu nyi ifananyi na mbihu ya wana wa wama wadu, na wana wadu nyi wawefananyi na wana wawo da, kyaindi lomemaa ihaluo wana wadu masinga. Wana wadu wa kika nyi masinga wulalu. Kuwode chandu lochiidima iwihiṟa kindo ki numa pfo, kyamba madema hadu na msabibu yadu ilemmaa idao nyi wandu wengi ko pfinya.”

ESTA 3:13

Weduo mbonyi wakaduo paruo tso ko orio isanga kya wumangi wo. Mbonyi yo ihambie ke mfiri fumu tupu, mkonu fo ikumi na kaṟaṟu fo meri fo ikumi na kawi folaho nyi Adari, Wayuda wose, wanake ko waku, waka na wana wose wawaṟi iwoho, warumatso na iarisika piu na masaa hawo hadao.

ESTA 3:9

Iyo mangi kokunda wuta iwawaso wandu wa wawoho na nyi ngawika kyasa ke kowuta kudo, njechitaa fesa talanta shiku ikumi shiwiko kisenyi kya mangi.”

ESTA 7:5

Kyasia mangi Ahasuero kawesa mkamangi Esta, “Nyiu ichu na nyiku akeri, ichu mrima foke fokaria iwuta adi?”

ESTA 7:6

Esta kahamba, “Nyi mnesi, na mkituwa, nyi Hamani mndu mbicho nakamu.” Nalyo lyiyenyi Hamani kawodo nyi wuowu wung'anyi mnu oshangunyi lo mangi na Mkamangi.

ESTA 8:11

Kwi parua tsi mangi kainenga Wayuda momu fokoyana kiidi kya mṟi iringa moo yawo. Wakainengo momu fo nyamaṟa, iwaha, kulawode sonu na irumatsa orio ichekeṟo lya wandu ang'u isanga, lechiwachea na shisha kimu na waka wa wana wawo, na iwada masaa hawo.

ESTA 8:6

Nyi wuda njechikarishia iwona wandu wako wechirumatso na wandu wako wechiwoho?”

ESTA 9:25

Kyaindi Esta kiheri alehendia Mangi, nao mangi kawuta iwawaso kui mṟeho ke mtambo fulya Hamani awewode fowaha Wayuda fumkoye o amonyi, na ke o na wana wake wawoho wechimaso ikidihu lyewahia.

DANIELI 6:2

Na huyawo kawika wasongoru wanene waṟaṟu Danieli ai umu owo; kundu wachili waende mbonyi tsawo ko wasongoruwa mangi nalawone kechisuka.

YOELI 3:6

Muleduo wandu wa Yuda na Yerusalemu kuleshe na oruka lowo na iwakumba ko Wagiriki.

AMOSI 2:6

Iha nyiho Mndumii ahamba; Kwi madeko haṟaṟu ha Israeli, ee, kipfa kya haana, njechiima nyashi yako ilechimhoyapfo; kipfa walekumba walya wasumhanyi kwi fesa, na wahuṟi kwi mṟaaye fumu fo shaadu;

LUKA 12:45

Kyaindi msoṟo ulya kawuya ikusaṟa ipfo mrimenyi foke, mndumii oko nyi akeleo icha, kawooka ikapa wodoe wa kyumi na wa kika, na ilya na inyo na inango.

NGUMBUO YA MAWAWASO 28:68

Mndumii-Ruwa nechimuwihiṟa na Misri kui ngalawa ing'anyi kyaṟo aleteṟia ke echimuwihiṟase na Misripfo mpfo kundu mochiheṟia ikukumba ko wakituwa wanu muwe masinga, kyaindi kuwode mndu echimuhuṟapfo.’”

YOSHUA 9:23

Ambuya, nyo nyi mui wasese na wandu wanu maata nyi wechiwa masinga hesana ngu na idahiya mṟinga fo mba ya Mndumii-Ruwa oko.”

1SAMWELI 22:23

Iyo kaa handu hamu na inyi, manya kulaowuo. Cha kipfa Sauli nakundi injiwaaha inyi na iyo; kyaindi kui na inyi nochikaa kipuo.”