ESTA 6:12 - Bibilia Kui Mdedie fo Kimochi

¹² Kyasia Mordekai kawuya na alya kichuminyi kya mba ya mangi. Indi Hamani kadicha na kanyi koke amsokie nyi fowa, kaweshikia na mdo foke.

ESTA 6:12 ပူးပေါင်းရင်းမြစ်များ

2SAMWELI 15:30

Kyasia, Dawidi kado fumvu lya msinefu, kechichumia ko madende alaṟee shadu, kafihiṟa ashikie mdo foke. Wandu walya wose wawerianyi na Dawidi nawo wakado nao wechifihiṟa, na mdo yawo injishikie.

2SAMWELI 17:23

Kyasia Ahithofeli kawado nyi sonu ing'anyi mnu kipfa kya ili Absalomu aleha wulaanyi woke; kaala njonyi huye ya nzoi yake, kaidoya kahenda mṟinyi foke, kakuotsuo kapfa, kaṟiko shipfunyi hando ndeye awemṟike.

1WAMANGI 20:43

Mangi o Israeli kahenda kanyi koke na mrima mlemeri, aichuo nyashi, kahenda kanyi koke Samaria.

1WAMANGI 21:4

Kyasia Ahabu kahenda kanyi koke, ai na mrima mlemeri, aichuo nyashi, kipfa kya idedo lilya Nabothi Myezreli alemmbia ke “Njechikuinenga kyoṟa kya wandee wako pfo.” Kalaa kitaṟenyi kyake kahalutsa kyaamu kyake kaleha ilya.

1WAMANGI 21:6

Kamhaluo, “Kipfa ngadeda na Nabothi Myezreeli, ngambia, ‘Unjinenge dema lyapfo lya msabibu kui fesa ang'u kokunda, njikunenge dema lyingi lya msabibu handu ha ilyo kyaindi o kaleha,’ kanjiwia, ‘Njechikuinenga idema li lyako la msabibu pfo.’”

2MBONYI TSA MAHERI 26:20

Kyasia, Azariya mkohanyi mnene, na wakohanyi walya wengi, wakamwambuya, nduma wakakambiṟa imuwuta na nja; ma o amonyi nalekukambiṟa iwuka nja, kipfa awemkape nyi Mndumii-Ruwa.

ESTA 2:19

Kyasia kiheri wakeha walekusanza lya kawi, Mordekai nawedamie mongonyi fo mangi.

ESTA 6:11

Nalyo Hamani kaira maṟao halya na frasi kaṟika Mordekai maṟao halya kamdosia huya frasi kamtengetsa mṟinyi na njia njinene kakapa ombe oshangunyi loke, “Nyi wudi echiwutio mndu ulya mangi akunda imṟumisha.”

ESTA 7:8

Nalyo mangi kawuya na alya kilyiionyi kya choonga awuka alya otiṟiwenyi. Hamani nawekukumbie kitaṟenyi handu Esta awei. Mangi kahamba na ṟu lying'anyi, “Nyi kiki mndu chu akundi iwuta, nakaria iwada mkamangi ko pfinya iya oshangunyi loko kanyi koko?” Mangi alamemaa ideda wakashikia Hamani kyamu kyake.

YOBU 20:5

mnyamaṟi nechiwona nawinga ko meeke mwangu tupu, sia ya mndu alai sumhana na Ruwa nyi ya oweṟe

YOBU 9:24

Oruka lukawada wandu wawicho, wuitoṟinyi wo wawicho. Ruwa nekeshinga meso na weanduo mondu kokoya alai o nyiu ekewuta ado?

1SAMWELI 3:15

Samweli kalaaho mṟasa ili lya ngama ngamenyi, kiidima kakure kaṟuhuo mongo ya mba ya Mndumii-Ruwa. Kyaindi Samweli naleowuo iwia Eli mawonesioho.