ESTA 6:11 - Bibilia Kui Mdedie fo Kimochi

¹¹ Nalyo Hamani kaira maṟao halya na frasi kaṟika Mordekai maṟao halya kamdosia huya frasi kamtengetsa mṟinyi na njia njinene kakapa ombe oshangunyi loke, “Nyi wudi echiwutio mndu ulya mangi akunda imṟumisha.”

ESTA 6:11 ပူးပေါင်းရင်းမြစ်များ

EZRA 6:13

Tatenai ulya awei mchili o kulya mbelya meda na Shethar-bozenai, na wanene wodoyawo wakaawutsia wuwawaso wulya wuwewukie ko Mangi Dario.

ESTA 6:10

Nahong'u mangi kawia adi Hamani, “Owinyi faṟa ira maṟao na frasi chandu ohamba uhende iwutia kudi Mordekai, Myuda, ekedamia mongonyi ko mangi, kulade ma idedo limu kiidi kya iho ohamba.”

ESTA 6:12

Kyasia Mordekai kawuya na alya kichuminyi kya mba ya mangi. Indi Hamani kadicha na kanyi koke amsokie nyi fowa, kaweshikia na mdo foke.

ESTA 8:15

Mordekai kekiwuka mbenyi ya mangi naweṟee maṟao ha ki wumangi ha fana ya opuko na njiili, naweṟee oṟo ing'anyi ya sahapu, na ikonya lya kitanyi njicha ya fana ya sambarao. Mṟi fose fo Susa wakairia maṟu hawo wechichihiyo wakakapa mṟoṟo ya sia.

ESTA 9:3

Wachili wa isanga na wasongoru na wanene wa wandu na walya wawekeṟunda ko mangi; waletarama Wayuda; kipfa keowuo Mordekai.

MFANANO 27:18

Moringa mkuyu nechilya ndunda tsafo; Na ichu mopfuṟukanya mndumii oke nechimwiindiya.

YESAYA 60:14

Wana wa wandu walya walekulisa wukiwa, Wechicha na kopfo wakuolokie; Walya wose walekupiṟa Wechioloka washike madendenyi hapfo; nawo wechikulaha, “Mṟi fo Mndumii,” Sioni o Mwele o Israeli.

LUKA 1:52

Nyi akumbalye waapfinya ipfo maloṟike-hu hawo; kadosya-ho wafafa.

OTAMBAHALUO LO YOHANE 3:9

Ambuya, njechiende wa siṟi ya Satana, nyi iwa wakuhamba wawenyi ke Wayuda nawo walai Wayuda indi wakutana wadi wongo. Ee daa, keweambuya-wo njechiwaende wache wapfire ndi wanda ipfo madendenyi hapfo wakuwutye-ho imanya ke nkya lohi njikukundi iyo.