ESTA 6:1 - Bibilia Kui Mdedie fo Kimochi

¹ Kio kilya mangi aleidima ilaa madopfo, kawawasa naendio kitapu kya mbonyi tsiwenjiṟehie tsa ngumbuo, nakyo kikasomo oshangunyi lo mangi.

ESTA 6:1 ပူးပေါင်းရင်းမြစ်များ

MAWOOKIONYI 22:14

Abrahamu kadumbuya rina handu halya Yehova-Yire, chandu wandu wekehamba mṟasa inu, “Ipfo fumvuhu lya Mndumii-Ruwa kochiwoneka.”

ESTA 10:2

Mawuto hake hose, na ngata tsake hamu na shihano shake, chando aledosa Mordekai kamnenga kiṟumi king'anyi, shose shishiṟehie kitapunyi kya ngumbuo tsa Wamangi na Media na Persia.

ESTA 2:21

Kikashika kiheri Mordekai awekedamia mongonyi fo mangi, wandu wawi kiidi kya matsenge nyi Bigtana na Tereshi wawei weringa mongo wakapfuluko mnu wakakunda iwaha mangi.

ESTA 2:22

Mordekai kamanya mbonyi i njiwicho, kaongoya Esta, mkamangi, na Esta kawia mangi mbonyi kui rina lya Mordekai.

ESTA 2:23

Kiheri walesoṟa mbonyi i na iwada wulohi woyo, iwa wawi wakamaso ikidihu. Isho da shikaṟehio kiidi kya kitapu kya mbonyi oshangunyi lo Mangi.

ESTA 5:8

Kokoya ngawona osaṟio kopfo iyo mangi, koidikia kiterewo kyako, kyasia ngaterewa iyo na Hamani mche ngama kiidi kya choonga ingi njechiiṟeheṟa. Mandi ho njechihamba kiterewo kyako.”

YESAYA 41:17

“Mkiwa na ulya ahuṟi washiha mṟinga, ma kudo kuwodepfo; njolimi tsawo tsinjihadutsu kipfa kya wuangari; inyi Mndumii njechiwaicho, inyi Ruwa o Israeli kya lohi njechiwadapfo.

DANIELI 2:1

Kikashika maka fo kawi fo mangi iya, Nebukadneza kalodia ndodo kio alee; kaeweṟo mnu nakamu, mado hakamdekia.

DANIELI 6:18

Kiidima mangi kakuhendia kanyi koke kalaa dembo taṟaṟaa, nalakunde ma ilya - shinanda shikadeo; katuṟa mado tusu.

MALAKI 3:16

Nahong'u walya waindie Mndumii wakawiana wo wenyi na wenyi. Na Mndumii kaadanyia, kaicho; na kitapu kya ngumbuo kikaendo na iṟehio kipfa kya walya waindie Mndumii na ikusaṟa kya rina lyake.

WAROMA 11:33

Apa wuleshe wo wusuṟi wo Ruwa na wo wuṟango woke na wulaanyi. Mdumbuye yake yedumbwo mondu chando shilechiwa isonjokoṟa chando tsilechiwa ihesho chandu kuikuṟehie.