ESTA 5:2 - Bibilia Kui Mdedie fo Kimochi

² Kiheri mangi alewona Esta ahoṟoki osehu kachihiṟo nyio, kamleshia ndichi iya ya sahabu iwei kuwokonyi koke, Esta kasembelia kapaya mdo fo ndichi iya.

ESTA 5:2 ပူးပေါင်းရင်းမြစ်များ

MAWOOKIONYI 32:28

Kammbia, “Rina lyapfo ochilahose nyi Yakobopfo indi nyi Israeli, kyamba noheshana na Ruwa, na wandu, na iyo kowawinga.”

NEHEMIA 1:11

Hoi Mndumii, keadanyiawo kiterewo ki kyako na kya waṟundi wapfo wekechihiyo ikuindia iyo. Kyamba nyi njikuterewa njihende iidikio na iwona osaṟio oshangunyi lo Mndumii oko. Kyasia inyi njiwei mheṟi o mvinyo o mangi.’”

ESTA 2:9

Hegai kachihiṟo nyi Esta mṟasa kamkundia kundia kainenga Esta mafuda na kelya kya kyaanya. Kamiira alya awekekaa, kamduo handu hecha ngoseṟa kiidi kya mba ya waka, kamsambuṟia shisinga mfungade wawuka mbenyi ko mangi wampfuṟukanyie.

ESTA 4:11

“Waṟundi wose wa mangi na wandu wake wa orio isanga waichi ke kuwode momu fohenda ko mangi shile akulahapfo, na mndu kahenda alalaho ipfo nyi echipfa. Msa echikia nyi ulya mangi echimhoṟoya ndichi yake ya sahabu kundu nakie. Ate inyi njimlahepfo na wulalu nyi meri fumu tapa foida!”

ESTA 8:4

Mangi kaleshia Esta ndichi yake ya sahabu, na Esta kahoṟoka kahamba,

SHIIMBO SHA DAWIDI 116:1

Haleluya. Njikundi Mndumii kyamba nekyeadanyia Ṟu lyako na shieṟeṟo shako.

MFANANO 21:1

Mrima fo mangi fukeri owokonyi lo Mndumii; cha mfongo ya mṟinga fokehaluo kose ukundi.

MAWUTO HA WASU 10:4

Nao kamwambuya a mṟihie kaowuo kahamba, “Nkyo iki kindo ki Mndumii?” Kambia “Shiterewo shapfo na shilewekudooya shikashika kikumbuyonyi kya ipfo oshangunyi lo Ruwa na shisaṟyo shapfo.

MAWUTO HA WASU 7:10

kambuta mawukiwenyi hake hose kamkundishya Farao ulya mangi ya Misiri kechimsumba wuṟango. Nao kambika mokalya Misiri yose na mba yake yose.