ESTA 4:3 - Bibilia Kui Mdedie fo Kimochi

³ Kiidima ko orio isanga iwawaso lya mangi lyamewuto, Wayuda wose wawei cha wandu wawapfiie. Walekuotoya, wakafihiṟa na ikuinadia, wafoi wakalaa ifunyi waṟee makunyia.

ESTA 4:3 ပူးပေါင်းရင်းမြစ်များ

ESTA 1:1

Mangi Ahasuero nalewada wumangi, wumangi wu wuwewode masanga ihana limu makumi hawi na mfungade (127), wokia India mṟasa Ethiopia.

ESTA 3:12

Kyasia, mkonu fo ikumi na kaṟaṟu fo meri fo kuwoka Hamani kalaha waṟehi wose wa mangi, kawainenga mbonyi iwaṟi isungusio kui mdedie fo orio umu na kui mṟeho kiidi kya wumangi wo nduma kudiko ndumi tso tsiṟehie kose ko wachili wa isanga na isanga shose, na ko wanene wa shishari shose, tsiwode shishomo shose shekededo. Mbonyi tsi tsinjiwute kui rina lya Mangi Ahasuero na ikapo ofano loke lui nyi rachi yake.

ESTA 4:16

“Henda usanyie Wayuda wose wai kunu mṟinyi fo Susa handu hamu. Kuotoenyi, mulalye ma inyo komfiri iṟaṟu, kio na mfiri, kipfa kyako. Inyi na shisinga shako nlochiwuta cha nyo. Kiidima njihende ko mangi ma chandu kulawode momu, kokoya nyi iwoho njiwoho.”

ESTA 4:2

Kahenda mṟasa kichuminyi kya mba ya mangi, kyaindi aleidima iida napfopfo nyi kipfa kilasumhanyi mndu iida na mba ya mangi aṟee ikunyia.

ESTA 4:4

Mkamangi Esta kekiwio mbonyi tsi na wanzenge na shisinga shake kya Mordekai katsileha pichu.

ESTA 9:31

na iwaitika wo na shishari shawo iindia mfiri iya ya Purimu kui kiheri kyawo, chandu wo wekekumbuo mfiri iya yekuotoya kiheri kya wukiwa. Wuwawaso wu wulewuto nyi Mordekai Myuda, hamu na mkamangi Esta.

YOBU 2:8

Katana awada kyoko kakusuwa nakyo; kadamia ifunyi.

YESAYA 22:12

Mkonu fo Mndumii, Mndumii menyi Matorito, kalaha wandu wache wafihiṟe na ikapa kilio, na ioda njui tsawo, na iṟaa nguwo tsa masaṟa.

YESAYA 22:4

Kui kipfa ikyo ngahamba, “Haluo kyamu kyapfo nonjiambuye, njiidime ifihiṟa kui mawawio; kulapfuṟukane injiwihiṟia moo; kipfa kya inyamaṟika lya mana oko o waka.”

YESAYA 58:5

Ngesa ikuotoya lya mbaṟi i njiwesambuṟie? Ngesa nyi mndu ikulisa wukiwa wo mbihu foke? Nyi ihongomitsa mdo cha iṟa lya msuki, na ikuwaṟahiya nguwo tsa masaṟa na ifu? Ngesa nochihamba nyi ikuotoya na Mndumii naweidikia?

EZEKIELI 27:30

Wechikuichio makulili hang'anyi kipfa kyapfo, wechifihiṟa ko wukiwa wung'anyi mnu, Nyi wechikuolia kiluli mdonyi yawo, na ikuturunja mafunyi.

DANIELI 9:3

Ngaindutsia Mndumii-Ruwa kyamu kyako, kundu njiidime iterewa, na ikuotoya na iṟaa nguo tsa masaṟa na ikaa ifunyi.

YONA 3:6

Mbonyi tsikashikia Mangi ya Niniwe, nao kawuka loṟikehu loke lo wuitoṟi, kaatuo ṟao lyake, kaṟaa masaṟa, na makunyia, kadamya ifunyi.

MATAYO 13:42

Wahende iwakumba kulya nungunyi ya modo Napfo kukae-pfo nyi ifihiṟa na imadya ngamru.

MATAYO 22:13

Naho mangi kawia walya wepfuṟu-kanyiaho, ‘Kempfungenyi madende-ho na mawokoho. Mumkumbe ipfo meemenyi fushingie ipfo nja. Napfo nyi kochika-pfo ifihiṟa na imadya ngamru.

MATAYO 25:30

Na isinga li lya maai likumbenyi ipfo meemenyi fushingye ipfo nja. Napfo kukae-pfo ifihiṟa na imadya ngamru.”

YOSHUA 7:6

Kyasia Yoshua handu hamu na wanene wa Israeli wakaranduo maṟao hawo. Kiidima wakakuhutsa wanda ya isanduku lilya lya mkundana lya Mndumii-Ruwa, wakawekushia kiluli mdonyi yawo.

1SAMWELI 11:4

Wadume walya kiheri waleshika mṟinyi fo Gibea, kundu Sauli awekekaa, wakaonguo mbonyitso na wandu wose wakawooka ifihiṟa na ipoṟohoṟa.