ESTA 4:16 - Bibilia Kui Mdedie fo Kimochi

¹⁶ “Henda usanyie Wayuda wose wai kunu mṟinyi fo Susa handu hamu. Kuotoenyi, mulalye ma inyo komfiri iṟaṟu, kio na mfiri, kipfa kyako. Inyi na shisinga shako nlochiwuta cha nyo. Kiidima njihende ko mangi ma chandu kulawode momu, kokoya nyi iwoho njiwoho.”

ESTA 4:16 ပူးပေါင်းရင်းမြစ်များ

MAWOOKIONYI 18:19

Ote, kyamba njimwichi ke nechiwawasa wana wake, na wa kanyi koke wechimwituma wawade njia ya Mndumii-Ruwa, wawute sha wusumhanyi, na wuhoṟotsu, kundu Mndumii-Ruwa nao naawutsie Abrahamu shiasa shake.”

MAWOOKIONYI 43:14

Ruwa Menyi wuitori namuinenge osaṟio oshangunyi lo mnducho, kundu namupfunguye mano mayanu icho ungi, na Benyameni. Na inyi kokoya ngapfiiyo nyi wana wako, ngapfiiyo.

2SAMWELI 10:12

“Kyaindi makulaowuo! Lukaapane kisoṟo kundu lukiṟe wandu wadu na mṟi i ya Ruwa iladao. Na Mndumii-Ruwa naluwutie shilya shimchihiṟie.”

2WAMANGI 7:4

Lukaahamba, luide na mṟinyi, mṟinyi kuwode njaa naso lochipfiiaho lukakaa iya, lochipfa da. Kyasia luhende isahiya wandu wa mbahanyi wa Washami, wakalusaṟia lukie moo, wakaluwaha lochipfa tupu.”

2MBONYI TSA MAHERI 20:3

Kyasia, Yehoshafati kawado nyi wuowu, katerewa Mndumii-Ruwa, wulaanyi. Kawawasa ke, wandu wose orukenyi lo Yuda wakuotoye walalye kelya ma inyo mṟinga.

EZRA 8:21

Ngawawasa lukuotoye alya medenyi fo Ahara, lochikunyiiṟa oshangunyi lo Ruwa lochimterewa naluringe na ilusongoya kiidi kya kyaṟo kyadu hamu na wana wadu na masaa hadu.

ESTA 4:15

Esta kadikia Mordekai kechihaluo kudi,

ESTA 4:17

Kyasia Mordekai kahenda kawuta chandu Esta alembia.

ESTA 4:3

Kiidima ko orio isanga iwawaso lya mangi lyamewuto, Wayuda wose wawei cha wandu wawapfiie. Walekuotoya, wakafihiṟa na ikuinadia, wafoi wakalaa ifunyi waṟee makunyia.

ESTA 5:1

Kyasia mkonu, fo kaṟaṟu fo kuotoya, Esta kaṟaa nguwo tsake tsa mkamangi kahenda kahoṟoka kiidi kya osa lo kyamba lo mba ya mangi luambuyanyi na handu hekumbuhana. Mangi nawei mba loṟikehu loke lo wuitoṟi kaambuya kya mongo fo mba ya mangi.

ESTA 9:31

na iwaitika wo na shishari shawo iindia mfiri iya ya Purimu kui kiheri kyawo, chandu wo wekekumbuo mfiri iya yekuotoya kiheri kya wukiwa. Wuwawaso wu wulewuto nyi Mordekai Myuda, hamu na mkamangi Esta.

YESAYA 22:12

Mkonu fo Mndumii, Mndumii menyi Matorito, kalaha wandu wache wafihiṟe na ikapa kilio, na ioda njui tsawo, na iṟaa nguwo tsa masaṟa.

YEREMIA 36:9

Nahong'u maka fo katanu fo wuchili wo Yehoyakimu, mana o Yosia, mangi ya Yuda, kiidi kya meri fo kenda, wenyi wose wa Yerusalemu na wandu wose waleshika Yerusalemu wawuka mṟinyi ya Yuda, walehamba mfiri fo ikuotoya oshangunyi lo Mndumii-Ruwa.

DANIELI 2:18

kundu waterewe osaṟio ko Ruwa o ruwehu kya kiṟike ki kundu Danieli na wanawamae walawone wechiarisika kimu na waṟango wa Wakalidayo.

MATAYO 12:40

Cha kipfa Yona chando awekeri kulya ndewunyi ya mkunga fulya handu ha mfiri iṟaṟu na shio shiṟaṟu, na Manomndu na wudo echikaa wusunyi wo oruka handu ha mfiri iṟaṟu na shio shiṟaṟu.

LUKA 9:24

Kipfa ichu akundi iletsa moo foke nyi echifudetsa; na ichu echidetsa moo foke kipfa kyako inyi, nyi echifukiṟa.

YOHANE 19:22

Pilato kahalwo, “Kindo ngamṟehya kyo ngamṟehya.”

MAWUTO HA WASU 10:7

Malaika ulya aweideda nao kekikuhendya Kornelio kalaha waṟundi wake wa kanyi koke wawi na msikari umu ai mhendeli o walya wawekemfuṟukanya.

MAWUTO HA WASU 20:24

Kya indi njiiringa moo foko fuwembiia mlodopfo. Kilya njiiringa nyi kingi, nyi kundu njekaa njikumarisye ohendo loko lo kipfuṟukanyo kilya njii mdambikye nyi Mndumii Yesu kyeṟingishya ndumi njicha ya wutonga wo Ruwa.”

MAWUTO HA WASU 21:13

Paulo kahaluo, “Muiwika muda, ifuha na injifunya ngoo? Kyamba inyi njikuteseheṟye kya ipfungo na njiwekuṟeheṟye ma ihenda iwoho kyewikya rina lya Mndumii Yesu wuindi.”

MAWUTO HA WASU 27:33

Napfo koikishika itambaṟuka Paulo kawawasa wose walye shelya kehamba, “Inu nyi mkonu fo ikumi na kaana mochiweda na ikuotoya mulalya kindo ma kitutu.

MAWUTO HA WASU 9:9

Kakaa-pfo mkonu iṟaṟu a mpfu meso, ma alalya kindo ma inyo.

WAROMA 16:4

Nyiwo sa wareke moo yawo wawenyi kyeletsa moo foko, ma chi inyi njimwaana mmonyi tupupfo sile nyiso na siṟi tsa mkambo iya mhenu tsose.

WAFILIPI 2:30

Cha kipfa nyi alekoyana na opfu echipfuṟukanya Kristo kakumba moo kundu naengeṟye-ho kilya kilewuṟika-se ipfo maikanyenyi mulenjiikanya naho.

YOSHUA 24:15

Kokoya mlakundi iindia Mndumii-Ruwa, kyasia sambuṟenyi inu tichi nyiu mukundi imṟundiya ngesa nyi maruwa halya ha wongo wameku wanu walehaindia kulya mollolya fo meda fo Efrate, ang'u maruwa halya ha Waamori iwa mukeri kiidi kyawo. Kyaindi inyi na mba yako nyi lochiṟundia Mndumii-Ruwa.”

1SAMWELI 19:5

Nalereka moo foke kiheri alehenda iwaaha Mfilisti ulya Goliati, nao Mndumii-Ruwa kainenga Waisraeli wuwinzi wung'anyi. Ilyi iyo kulewona kudo nulechihiyo. Nki ili ukundi iwuta wunyamaṟi; ipusuo samu ko iwaha Dawidi alawode kitewe?”