ESTA 4:14 - Bibilia Kui Mdedie fo Kimochi

¹⁴ Kotsia sau kiheri cha iki, ndarama yechichea Wayuda ko njia ingi, nawo wechikiṟo, kyaindi iyo nochipfa na mba ya ndeo yechiarisika. Nyiu aichi ke nolewa mkamangi kya kiheri cha iki!”

ESTA 4:14 ပူးပေါင်းရင်းမြစ်များ

MAWOOKIONYI 22:14

Abrahamu kadumbuya rina handu halya Yehova-Yire, chandu wandu wekehamba mṟasa inu, “Ipfo fumvuhu lya Mndumii-Ruwa kochiwoneka.”

2WAMANGI 13:5

(Mndumii kaendie Israeli mkiṟa, wakawuka mawokonyi ha Washami. Wana wa Israeli wakakukaya mahemenyi hawo cha kuwoka;

2WAMANGI 19:3

Nawo wakawia Yesaya, “Hezekia nahamba adi, ‘Inu nyi mkonu fo fowa, fo idedio na imino. So nyi lui cha mndu mka akundi iendio mana kyaindi alawode pfinya yefee.

EZRA 9:9

Ma chandu luwei masinga, Ruwa odu alekunda iluda luengeṟe iwa masingapfo. Kyaindi naleluloṟa ikunda lyake kodu oshangunyi lo wamangi walya wa Persia iwa walelulekia lukacha iwika mba i ya Ruwa odu na iachikia kulyando iwewundukie. Lukaowewona oringo loke iya Yuda na Yerusalemu.”

NEHEMIA 6:11

Na inyi ngakuwesa mrimenyi foko, “Ngesa mndu cha inyi na kinjiwaṟi idicha? Ngesa mndu cha inyi na kiwaṟi idichia mba ya Ruwa kundu njikae na moo? Ambuya njechiida na hekalunyi manya le pfo.”

ESTA 2:15

Nahong'u kekishika kamba lya Esta mana o Abihaili ichu aledao nyi Mordekai washidie kamhaluo mana oke, kundu naide na mba ko mangi alekunda kindopfo, shile na shilya shiweishiteṟie nyi Hegai, mokalia mangi, na iringa waka. Esta kakundika oshangunyi lo wose walemmbona.

ESTA 2:17

Mangi kakunda Esta kota waka wose, nao kawona osaṟio na ikundika kota waka wose, kamṟika oṟo ya wumangi mdohu koke kamhaluo mkamangi handu ha Vashti.

ESTA 2:7

Mordekai nawewode mana o washidie alemtoṟisha wafee wake wamepfa kamduo cha mana oke, rina lyake nyi Esta kyaindi rina lyake Kiebrania liwei Hadasa.

ESTA 4:13

Adi faṟa kamtukia kechimbia “Ulakusaṟe ke kyapfo ikaa mbenyi ya mangi nyi ui mcha wyoo kota Wayuda wengi wose.

ESTA 4:15

Esta kadikia Mordekai kechihaluo kudi,

YOBU 9:18

Anjileka njidose moo-pfo, ohendo loko lo moo naluichuṟie mawawio.

KOHELETI 3:7

Kiheri keranduo, na kiheri kepfuma kiheri ketsia, na kiheri kededa

YESAYA 49:23

Wamangi wechiwa wandee wapfo welela, na wakamangi wawo, wamayo wapfo welela; wechihongoma na iho wanda na kyamu oshangunyi lopfo, wakombe kiluli kii madendenyi hapfo, na iyo nomanye ke inyi nyi Mndumii, na walya wenjiwedia wechisonu-pfo.

YESAYA 54:17

Orio kisha kechiteseheṟo huye yapfo kechiawukia-pfo, na orio olimi lochideda kyapfo nochiluanduya madeko. Iki nyi kyooṟa kya waṟundi wa Ruwa, na wusumhanyi wuwukie koko inyi, nyi wudo Mndumii ahamba.”

YEREMIA 30:11

Kipfa inyi njikeri hamu na iyo njikukiṟe. Inyi Mndumii-Ruwa ngahamba. Njechirumatsa piu mkambo yose, njilekurahanyitsa koyo; indi iyo njechirumatsa pfo. Njechikuhoṟuo chandu kikuwaṟi njechikuda uhende njilakuhoṟuopfo; Nyi inyi Mndumii-Ruwa ngahamba.’

YEREMIA 46:28

kulaowuo iyo mṟundi oko Yakobo, kipfa inyi njii kimu na iyo. Njechirumatsa mkambo yose ya wandu walekunyanyaṟitsa kiidi kyawo, indi iyo njechikurumatsa-pfo. Nechikulachuo chandu uwaṟi, njechida njilakuhoṟuo-pfo.”

WALEWI 26:42

nahong'u njechikumbuo mkundana foko na Abrahamu, Isaki na Yakobo, na ikumbuo oruka lulya njilewawikia kyasa.

MATAYO 16:18

Kyasia na inyi ngakuwia, “Iyo nyi Petro (mndu ai iho) na iho nyilyo njechilihekya siṟi yako. Nayo na shichumi sha Gehena shechiidima ifoyapfo.

MATAYO 24:22

Na mafiri halya nokoe halawechiwihiṟowihiṟo numa hanyienyie, ma orio kindo kii na mbihu kyose kiwechiwona-se handu kechikiṟyopfo. Kyaindi nyi kipfa kya iwo wai wasambuṟe nyi kyondo mafiri halya hechiwihiṟyo-wihiṟiyo numa.”

NGUMBUO YA MAWAWASO 32:36

“Mndumii-Ruwa nechikapanyia wandu wake na iichio waṟundi wake makulili, ili echiwona pfinya tsawo tsawasiia, manya kuipfo mndu atsuhaapfo, mpfungo ang'u alai mpfungo.

WACHILI 15:6

Wafilisti kiheri wawekundi imanya ichu alewuta adi wakawio, “Nyi Samsoni cho mii o mana o Mtimna, nawuta ado kipfa ndeye o mka naleduo mana cho kamwalikia mkaṟa o Samsoni mbuya yake ya walyi.” Kyasia Wafilisti wakakoṟa modo mka ulya na ndeye oke.

1SAMWELI 12:22

Kui kiṟumi kya rina lyake inene, Mndumii-Ruwa echikumba wandu wakepfo kyamba nalekunda imutana nyo muwe wandu wake.

1SAMWELI 17:29

Dawidi kamhaluo kambia, “Nkiki ngawuta wulalu? Njiwode momu fowesa mndu kindo?”