ESTA 3:2 - Bibilia Kui Mdedie fo Kimochi

² Na waṟundi wose wa mangi wawekelya mongonyi ko mangi wakahongoma na iindia Hamani, kipfa nyi wudo mangi awewawasie ko mbonyi tsake. Indi Mordekai alehongoma ma iindiapfo.

ESTA 3:2 ပူးပေါင်းရင်းမြစ်များ

MAWOOKIONYI 41:43

Kamdosia ikarinyi lyake lya kawi awei nalyo. Na wandu wakawika kitohio mbele yake, “Pfirenyi ndi.” Ko ikyo kammbika huya oruka lose lo Misri.

ESTA 2:19

Kyasia kiheri wakeha walekusanza lya kawi, Mordekai nawedamie mongonyi fo mangi.

ESTA 2:21

Kikashika kiheri Mordekai awekedamia mongonyi fo mangi, wandu wawi kiidi kya matsenge nyi Bigtana na Tereshi wawei weringa mongo wakapfuluko mnu wakakunda iwaha mangi.

ESTA 2:5

Kiidi kya mṟi fo Susa kuwewode mndu umu o Kiyuda, rina lyake nyi Mordekai, mana o Yairo mana o Shimei o kishari kya Benyamini.

ESTA 3:1

Kyasia numa ya mbonyi tso mangi Ahasuero kadosa Hamani mana o Hamedata, Mwagagi kambika huye ya wachili wose wawei nao.

ESTA 3:3

Waṟundi wa mangi wawedamie mongonyi ko mangi wakawesa Mordekai, “Nki ilyi iyo uifunja wuwawaso wo mangi?”

ESTA 3:5

Hamani kekiwona ke Mordekai ahongoma ma imuindiapfo kanyashiko mnu na kamu.

ESTA 5:9

Hamani kawuka choongenyi aichuo sia na msiha na mrima foke fukafuda. Kyaindi kekiwona Mordekai alya kichuminyi kya mba ya mangi alahoṟoka ma imuindia amuiindiapfo Hamani kaaka nyashi.

SHIIMBO SHA DAWIDI 15:4

Oshangunyi lo mndu alawaṟi nyekesuka, Indi waowoye Ruwa nekewaindia. Ma kokoya alelya nyamu yemtewa nauṟe, Echiilacha madedo hake pfo.

IWUKA 17:14

Mndumii-Ruwa kawia Mose, “Ṟehia mbonyitsi kitapunyi iwe ngumbuo, ionguo madunyi ha Yoshua; ke njechiangatsa ngumbuo ya Waamaleki nakamu, ilakaese wuyanenyi.”

IWUKA 17:16

Kahamba, “Mndumii-Ruwa nalya nyamu; Mndumii-Ruwa nechiamtsa shida na Waamaleki kishari numa ya kishari.”

DANIELI 2:49

Kake Danieli katerewa mangi ke Shadraki, Meshaki na Abednego wo wawe wachili wa Babeli; nao Danieli kakudamia o mongo fo mba ya Mangi.

NGUMBUO YA MAWAWASO 25:19

Ko ikyo ili Mndumii-Ruwa, Ruwa onu echimuinenga isia moo kipfa kya isaṟikio nyi wakituwa wanu wose wamuṟingichie ipfo orukenyi alemuinenga mukaepfo, kimuwaṟi murumatse Waamaleki wose.”

WAFILIPI 2:10

Kundu orio ndi tsikuleme kui rina lya Yesu na tsa waruwehu na tsa wawanda ii na tsa wai shi.

1SAMWELI 15:3

Wulalu, henda wasaṟikie na ikombetsa shindo shawo shose. Kulawade wakae na moo, wawaahe wose: womi na waka, wana watutu na waionga; mmbe, machondi, ngamia na nzoi.’”