ESTA 3:12 - Bibilia Kui Mdedie fo Kimochi

¹² Kyasia, mkonu fo ikumi na kaṟaṟu fo meri fo kuwoka Hamani kalaha waṟehi wose wa mangi, kawainenga mbonyi iwaṟi isungusio kui mdedie fo orio umu na kui mṟeho kiidi kya wumangi wo nduma kudiko ndumi tso tsiṟehie kose ko wachili wa isanga na isanga shose, na ko wanene wa shishari shose, tsiwode shishomo shose shekededo. Mbonyi tsi tsinjiwute kui rina lya Mangi Ahasuero na ikapo ofano loke lui nyi rachi yake.

ESTA 3:12 ပူးပေါင်းရင်းမြစ်များ

1WAMANGI 21:8

Kyasia, mka ulya Yezebeli kaṟehia paruo ko rina lya Ahabu, katsiwikia mhuri yake, kaduma paruo tsilya ko wameku na ko wandu wawode pfinya wawei kiidi kya mṟi foke wawei kufui na Nabothi.

EZRA 8:36

Wakawewainengia maṟeho halya mangi aweṟehie ko wachili na wanene walya wose wa kulya ora lo kyukanyi lo meda fo Eufrate, na wanene walya wakawatarama wandu hamu na irundi lya hekalu lilya.

ESTA 1:22

Nahong'u kaduma paruo ko orio isanga na isanga kui mdedie yawo na mṟeho imanyikie kowo; ke orio mndu msoṟo nawe mndumii o mba yake, na ionguo mbonyi kui kishomo kya wandu wake.

ESTA 3:11

Kiidima kawia Hamani, “Numwinenge wandu wose na fesa yo ṟunda nayo chandu ukundi.”

ESTA 8:2

Mangi kawuta rachi yake ya ofano, iya awesokie Hamani kainengia Mordekai. Esta kainenga Mordekai naitoṟie masaa hose ha Hamani.

ESTA 9:27

Wayuda walehaluo nyi iwawaso ko kishari kyawo kose na ko orio ulya awekulunga nawo. Ke, kiheri kilyiwe kya mdawao orio maka, kulawode deko, mkonu yo iwi ing'anyisho kihendesanyi na wuwawaso wo Mordekai.

DANIELI 3:10

Iyo Mangi nolewuta iwawaso ke orio mndu oose echiicho iranda na mtoṟiṟo na shinanda na njonyi tsikapo kiwawaṟi ioloka wanda na kyaamu na iindia sanamu iya uleihoṟotsa ya sahabu;

DANIELI 6:12

Wakahenda ko Mangi na imdaaya mbonyi tsilya tsa kishingo wakambia: “Iyo mangi chi kulewika kishingo kiwode na kichano kyapfo ke kusie mkonu makumi haṟaṟu (30) kulawode momu mndu ose nalaterewe ruwa ma uhya ma uhya shile kopfo iyo mangi na mndu motehya nechikumbo ṟungunyi lya miiso?” Mangi kahaluo kahamba, “Ee da chandu wuwawaso wo Wamedi na Waajemi wulechiwa iilacha.”

DANIELI 6:15

Wandu walya wakawada chila lya kawi wechiwia mangi - mmanye nyi idedo lilechiwa iilacha kui wuwawaso wo Wamedi na Waajemi kishingo nyi kishingo na iwawaso lya mangi liindio.

DANIELI 6:25

Kyasia Mangi Dario kaṟehia wandu wa mbaṟi tsose na mkambo fo wandu ko mdedie yawo, wandu wai na moo: “Ofoṟo luengeṟeke konu.

DANIELI 6:8

Wulalu iyo mangi wika iwawaso lyo nowewikaho na mṟeho fo kichano kulawode miilacho chando kisumuhanyie so Wamedi na Waajemi kilailachike.”