ESTA 1:3 - Bibilia Kui Mdedie fo Kimochi

³ Maka fo kaṟaṟu fo wumangi woke, mangi Ahasuero kasungusia mfuho fung'anyi, kalaha wasongoru na waṟundi wa isanga lyake, wanene wa mamiingi fo Persia na Media, wandu wawode kiṟumi na wachili wa isanga.

ESTA 1:3 ပူးပေါင်းရင်းမြစ်များ

MAWOOKIONYI 40:20

Nahong'u mkonu fo kaṟaṟu, mkonu fo ifeo lya Farao, kasungusia mfuho ko masinga hake hose; kapfunguo mnene o werutsa mangi mvinyo, na mnene o wekahaṟa mkate kawawika oshangunyi lo waṟundi wake.

1WAMANGI 3:15

Naho Solomoni kakure, ate nyi ndodo. Kahenda Yerusalemu, kahoṟoka sumuhana na isanduku lya mkundana lya Mndumii; kawika kidaso kemaya modonyi, na mwano ya ofoṟo; kasungusia waṟundi wake mfuho.

EZRA 1:2

“Ilyi nyi iwawaso lya mangi Koreshi mangi o Uajemi, Mndumii-Ruwa o ipfo Ruwehu, nyio alenjiwika inyi njiwe mangi o wuyanawu wose, kawenjinengase iṟunda lyemmbikia hekalu lyake kulya Yerusalemu ya Wayuda.

ESTA 1:14

Wandu wo nyi Karshena, Sheltari, Admata, Tarshishi, Maresi, Marsena na Memukani; wasongoru mfungade wa Persia na Media wawei wandu wa kiṟumi kya huye kya wumangi woke.

ESTA 1:4

Mangi kawaloṟa wusuṟi woke wo wuitoṟi handu ha meri iṟandaṟu.

ESTA 2:18

Mangi kasungusia mfuho fung'anyi kalaha wachili wake wose na waṟundi wake, nyi mfuho fo Esta, kawuta shindo sha nnga shifoi na ihoṟia wandu (chandu kiwei mbuka kiheri kya mkonu mnene), kiidi kya isanga shose.

ESTA 3:7

Nahong'u koikishika meri fo kuwoka, nyifo fo Nisani, maka fo ikumi na kawi fo wumangi wo Ahasuero wakawika Puri, nyi kuṟu kuhya kundu kumanyike mkonu na meri fo Hamani iinutsia kilya akuṟeheṟie ikiwuta mṟasa meri fo ikumi na kawi nyi fo meri fo Adari.

YESAYA 21:2

Ngaloṟo mawonesio maumu; mowuta kui mtambo nawuta mtambo, mnyamaṟi nanyamaṟa. Do huye iyo Elamu; lekia iyo Umedi; Inyi ngatoromesha kifuhio kya mkuinadie foke fose.

YEREMIA 51:11

Mndumii-Ruwa nasuwia mrima ya wamangi wa Mede, kipfa nakusaṟie irumatsa Babeli. Ee da, ikyo nyi kyo kiṟache kya Mndumii-Ruwa, nataa kiṟache kipfa kya hekalu lyake. Nuonyi mfi yanu! Irenyi ngawo.

DANIELI 5:1

Mangi Belshaza kasungusia mfuho fo walya wose wawewode wuchili, kanyo mvinyo oshangunyi lowo.

DANIELI 5:28

PERESI, wumangi wopfo wohawukana, wukainengo, Wamedi na Waajemi.

DANIELI 6:1

Kilechihiṟa mangi Dario iwika wachili ihana na makumi hawi (120) kiidi kya wumangi woke wose.

DANIELI 8:20

Suwa iya ulewona, iwode membe tsiwi, nyi wamangi wa Umedi na Uajemi.

MARIKO 6:21

Nahong'u kukacha mfiri fokumbuo ifeo lya Herode, Herode kasungusia mfuho kalaha wanjama wake, na wasoṟo wa shidenyi na wanene walya wa Galilaya mfiri fokumbwo ifeo lyake.