ESTA 1:19 - Bibilia Kui Mdedie fo Kimochi

¹⁹ Ko ikyo iyo mangi kokunda - wawasa nakamu ke Vashti nalashike se oshangunyi lopfo. Iwawaso li liṟehiyo kiidi kya mawawaso ha Persia na Media, kundu lilailacho. Kiidima nasoko kidembo kya mkamangi, kiinengio mndumka ungi awaṟi kota.

ESTA 1:19 ပူးပေါင်းရင်းမြစ်များ

ESTA 8:8

Wulalu mochiidima iṟehia Wayuda kyose mukundi. Kake, mochiidima iṟehia na kui rina lyako na ikapa ofano lo mangi kipfa kulawode mndu moilacha mṟeho fui kui rina lya mangi na ofano loke.”

1SAMWELI 15:28

Nlyondi Samweli alewia, “Wokia inu Mndumii-Ruwa ameranduo wumangi wo Waisraeli kuwuka kopfo kawuinengia mndu ungi o ipfo kiidi kya wamṟasa opfo ai mcha kota iyo.

ESTA 8:5

“Kokunda, iyo mangi, na kokoya nokusaṟa kicha kyako, na kokoya kechikuchihiṟa, ngakuterewa hoi, kewuta idedo lyapfo lyefurunja kyama kilya Hamani awewiie wandu ke kiinutsio. Idedo lyawo liwe liliṟehie chandu nao aleṟehia Hamani mana o Hamedata Mwagagi tserumatsa Wayuda kiidi kya masanga hose.

DANIELI 6:17

Likaendo iho likapiṟimitsio o mongo fo mruma fulya; mangi kawikaho teeso yake amonyi na tsa wanene wa wandu kulailachike idedo lyose lya mbonyi tsa Danieli.

ESTA 3:9

Iyo mangi kokunda wuta iwawaso wandu wa wawoho na nyi ngawika kyasa ke kowuta kudo, njechitaa fesa talanta shiku ikumi shiwiko kisenyi kya mangi.”

1WAMANGI 3:28

Waisraeli wose wekiicho mbonyi i na chandu aledumbuo mondufu, wakaowuo Mangi; kipfa walewona ke wuṟango wo Ruwa wuwei kiidi kyake kundu naanduye wandu.

ESTA 1:21

Mangi na wasongoru wake wakachihiṟo mnu kya madedo ha, kaṟunda chandu Memukani aleonguo.

ESTA 1:18

Inu tichi waka wa Persia na Media iwo waicho chando mkamangi Vashti awuta, wechiwia wasongoru wapfo kudo, ko ikyo wuminyi na isuana shechiichuo orio handu.

ESTA 2:1

Kikashika nyashi ya mangi Ahasuero yekihuo kakumbuo Vashti, kakusaṟa kya orikiki na wutimbiṟi woke na chandu mbonyi tsilehenda kipfa kyake.