AMOSI 9:15 - Bibilia Kui Mdedie fo Kimochi

¹⁵ Na inyi njechiwawikya ona na kuwode kewapaaya sepfo, wechikaa oruka lulya lowo ndewainenga nyi Inyi Mndumii-Ruwa opfo ngahamba.

AMOSI 9:15 ပူးပေါင်းရင်းမြစ်များ

SHIIMBO SHA DAWIDI 44:2

Kui owoko lopfo nyi ulewingia wandu wa mkambo, Kowawika-pfo handu hawo. Iyo kulelyisa wandu-wo wukiwa, kopfumbutsa waku wadu.

SHIIMBO SHA DAWIDI 80:8

Kuleende msabibu kuwuka Misri, kofuna wa mkambo kofudonga.

YESAYA 60:21

Wandu wapfo wechiwa wenyi wusumhanyi wose, Nawo wechioṟa oruka mlungana; Njana njileiwaya inyi njimonyi, Nyi iṟunda lyako inyi njimonyi, Kundu njiṟumisho.

YEREMIA 16:15

Indi wechilya nyamu na ihamba, ‘So Mndumii-Ruwa menyi moo, alewuta Waisraeli orukenyi lo mtsudu na wuka njoruka tsose alewafunyia pfo kipfa njechiwawihiṟa wawuye orukenyi lowo njiweinengie waku wawo.’”

YEREMIA 23:8

Kyaindi, “So Mndumii ai na moo” alewadosa kasongoya mba ya Israeli wuka oruka lo mtsudu na wuka njoruka tsilya njilewafunyia; wo wechikaa orukenyi lowo wa wenyi.

YEREMIA 24:6

Njechiwaringa kitsitsi na iwawihiṟa kiidi kya oruka lu. Njechiwahoṟotsa, njechiwalekia wahopfo, njechiwadonga ma chi iwakuṟuopfo.

YEREMIA 3:18

Mafiri halya mba ya Yuda wechicha kimu, wuka oruka lo mtsudu mṟasa oruka lulya njileinenga wandeanyu luwe kyoṟa kyawo.

YEREMIA 32:15

Kipfa Mndumii-Ruwa Menyi Matorito, Ruwa o Israeli, nahamba adi: ‘Mba na madema, hamu na madema ha msabibu kiidi kya oruka lu hechihuṟo se.’”

YEREMIA 32:37

Njechisanyia wandu wawuke kiidi kya njoruka tsose ipfo kundu walerahanyika kipfa kya nyashi yako na isuo, njiwawihiṟe se handu ha wakae kipuo.

YEREMIA 32:41

Njechichihio iwawutia mecha, njechiwadonga kiidi kya orukalu na iwawutia kya sumhana.

YEREMIA 33:7

Njechiinenga wandu wa Yuda oru na wandu wa Israeli wechiwanga chandu wawei ili mbooko.

EZEKIELI 34:28

Kyamba kuwodese mkambo ya wandu wechihenda iwatengetiapfo. Manya mando ha ngeṟenyi hechiidimase iwawaha na iwalyapfo. Kii kidi nyi wechihenda ikaa na ofoṟo kulawodese kindo kechiwaowesha.

EZEKIELI 37:21

Uhende uwawia Inyi Mndumii-Ruwa ngahamba njidi: Nyi njihenda iwuta Waisraeli wuka mkambonyi ya wandu wawerahanyikie, njiwehenda iwasanyiasanyia wuka njora tsose njiwawihiṟe orukenyi lowo.

EZEKIELI 37:25

Nawo nyi wechihenda ikaa orukenyi lo waku wawo ilu njiweinengie Yakobo. Kyamba wana wawo na wachuku wawo nyi wechihenda ikaapfo mlungana.

YOELI 3:20

Kyaindi Yuda yechioṟa mlungana, na Yerusalemu yechikaa marika hose.

MIKA 4:4

Orio mndu nechikukaya kwi olele wanda ya mashidi ha msabibu yake, alechiowesho nyi mndu oose. Mndumii-Ruwa ahamba isho amonyi.