AMOSI 9:14 - Bibilia Kui Mdedie fo Kimochi

¹⁴ Na inyi njechiwuya iwihiṟa wandu wako Israeli walya walesamiṟo, Walawuo mṟi iya iledeo mrapu na idema-se madema halya ha msabibu na inyo mvinyo, wechisungusia shyahu na iwaaya ndunda tselio.

AMOSI 9:14 ပူးပေါင်းရင်းမြစ်များ

SHIIMBO SHA DAWIDI 107:37

Wakawaaya mbeu mademenyi, na iwikapfo misabibu ilekumbia ndunda tsayo.

SHIIMBO SHA DAWIDI 53:6

Samanya okiṟo lo Israeli luwuke ipfo Sioni! Nyi Ruwa kechiwihiṟa wapfungo wa wandu wake; Yakobo naweitola kya sia, Israeli nechifuda.

YESAYA 60:4

Iria meso hapfo noambuye njora tsose; Wose wakuwumbia, wakuchea iyo; Wana wapfo waicha wawuka kuleshe. Na wana wapfo wa kika wario kihodonyi.

YESAYA 61:4

Nawo wechiwika mba handu ha kuwoka handu hanyamaṟe, wechiira handu haweolokie na ihadimo ili mboko, wechisungusia mṟi iya iwewundukie, handu kuwei kude kishari numa ya kishari.

YESAYA 65:21

Nawo wechiwika mba wakaepfo; nawo wechiwaya msabibu, na ilya ndunda tsayo.

YEREMIA 12:15

Kechiwa ngamewawutapfo njiwuye iwasaṟia, numa njiwaendese orio mndu naide na kyoṟenyi kyake na orio mndu naide na orukenyi loke.

YEREMIA 16:15

Indi wechilya nyamu na ihamba, ‘So Mndumii-Ruwa menyi moo, alewuta Waisraeli orukenyi lo mtsudu na wuka njoruka tsose alewafunyia pfo kipfa njechiwawihiṟa wawuye orukenyi lowo njiweinengie waku wawo.’”

YEREMIA 23:8

Kyaindi, “So Mndumii ai na moo” alewadosa kasongoya mba ya Israeli wuka oruka lo mtsudu na wuka njoruka tsilya njilewafunyia; wo wechikaa orukenyi lowo wa wenyi.

YEREMIA 24:6

Njechiwaringa kitsitsi na iwawihiṟa kiidi kya oruka lu. Njechiwahoṟotsa, njechiwalekia wahopfo, njechiwadonga ma chi iwakuṟuopfo.

YEREMIA 29:14

Mochinjiwona inyi njechimuwihiṟia moo na imusanyia kiidi kya mkambo iya ya wandu njilemuwingia napfo. Njechimuwihiṟa na handu halya njilemuwuta ho, ngamuduo osamiṟonyi. Nyi Mndumii-Ruwa ngadeda.

YEREMIA 30:18

“Mndumii-Ruwa nahamba adi: Njechiwihiṟa se sia tsa kanyi ko Yakobo, na isaṟia kanyi koke; mṟi fochiwiko wuhya huye ya handu hawunduo, na mṟi fo mangi fochihoṟoka alya handu fuwei.

YEREMIA 30:3

Kipfa kuwode mkonu ikeri icha njimuwihiṟie sia nyo wandu wako Israeli na Yuda na imuwihiṟa se kiidi kya oruka lulya njileinenga waku wanu, nawo waluoṟe. Inyi Mndumii-Ruwa ngahamba.”

YEREMIA 31:23

Mndumii-Ruwa menyi Matorito, Ruwa o Israeli, nahamba adi, “Kiheri-kyo njechimuinenga-se mboṟa nyo wandu wa Israeli, wo wechionguo-se kiidi kya oruka lo Yuda na kiidi kya mṟi yake wechihamba: “Mndumii-Ruwa nakuwikie ona iyo oruka lusumhanyi, nakuwikie ona iyo fumvu lyele!”

YEREMIA 31:28

Chandu mbeimuambuya necha, iwakuṟuo, iwawunduo, iwaolotsa, iwanyamaṟa na iwalisa wukiwa nyi wudo njechiwaambuya necha iwawaaya na iwawika.

YEREMIA 31:5

Nochiwaya se msabibu, huye ya mafumvu ha Samaria, wademi wechiwaya mbeu, na ichihiṟo nyi shilimu shayo.

YEREMIA 32:15

Kipfa Mndumii-Ruwa Menyi Matorito, Ruwa o Israeli, nahamba adi: ‘Mba na madema, hamu na madema ha msabibu kiidi kya oruka lu hechihuṟo se.’”

YEREMIA 32:37

Njechisanyia wandu wawuke kiidi kya njoruka tsose ipfo kundu walerahanyika kipfa kya nyashi yako na isuo, njiwawihiṟe se handu ha wakae kipuo.

YEREMIA 33:11

maṟu ha wali na sia, maṟu ha waimbi kiheri waiende mwano yeana kiidi kya mba ya Mndumii-Ruwa: ‘Anenyi Mndumii-Ruwa menyi matorito, kipfa Mndumii-Ruwa nai mcha kipfa woloru woke wokaa mlungana.’ Njechiwihiṟia orukalu mboṟa iya yake ya mboko. Inyi Mndumii-Ruwa ngahamba.”

YEREMIA 33:7

Njechiinenga wandu wa Yuda oru na wandu wa Israeli wechiwanga chandu wawei ili mbooko.

EZEKIELI 16:53

Mndumii kawia Yerusalemu, “Ambuya njikeri henda iira Sodoma na Gomora hamu na wana wawo. Na wudo njiwehenda ikuira iyo kiidi kyawo,

EZEKIELI 28:26

Wechihenda ikaa pfo na ofoṟo, nawo wechihenda iwika mba na ioṟisha mashidi ha msabibu. Nawo nyi wechihenda ikaapfo walawode wuowu, kyamba wandu walya wa mṟasa yawo wawekewatuura inyi njikeri ihenda iwakapa. Kipfa kya ikyo wechiwutaho imanya ke Inyi nyi Mndumii-Ruwa, Ruwa owo.”

EZEKIELI 37:21

Uhende uwawia Inyi Mndumii-Ruwa ngahamba njidi: Nyi njihenda iwuta Waisraeli wuka mkambonyi ya wandu wawerahanyikie, njiwehenda iwasanyiasanyia wuka njora tsose njiwawihiṟe orukenyi lowo.

EZEKIELI 39:25

“Nyi wudo Inyi Mndumii-Ruwa njikeri ihamba, njikeri ihenda isaṟia Waisraeli wai nyi wana wa Yakobo njiwewawihiṟia se mboṟa yawo, kundu rina lyako liele liidime se iindio.

AMOSI 5:11

Kyasia kipfa kya ili mokewonyia mkiwa, na imsoka ngano yake; nyo muwikie mba tsa maho matsane, indi mochikaapfo-pfo; mudemiye madema mecha ha msabibu, indi mochinyo mvinyo fo fopfo.

SEFANIA 1:13

Na wusuṟi wowo wochidao wusingenyi, mba tsawo tsechiwa njisame, wechiwika mba indi walechikaapfo; wechiwaaya ndunda tsa msabibu indi wechinyo mvinyopfo.

SEFANIA 2:7

Na oruka lo lo wambaṟa lochiwa oruka lo wandu wa mba ya Yuda watsihee; wechilisa mapo hawo ipfo; wechilaa kiidi kya mba tsa Ashkeloni kiheri kya kiukanyi; kipfa Mndumii-Ruwa owo, nyi nechiwachea na iwihiṟa wapfungo wawo.