AMOSI 9:13 - Bibilia Kui Mdedie fo Kimochi

¹³ Ambuyenyi, kukaa kuche kiheri, Mndumii ahamba, sa icho modema nakooye ichu mosambuo, mokama zabibu nakooye mowaaya mbeu; na mafumvu hetonyitsa mvinyo foeloda, na shitoṟomoso shesalaa.

AMOSI 9:13 ပူးပေါင်းရင်းမြစ်များ

MAWOOKIONYI 49:11

Nechipfunga nzoi yake kidinyi kya msabibu, Na ihache lyake lya nzoi kidinyi kya msabibu mcha. Nasanjie nguo tsake na mpfinyo, Na maṟao hake na samu ya msabibu.

SHIIMBO SHA DAWIDI 97:5

Mafumvu halesalaa cha muo oshangunyi lo Mndumii, oshangunyi lo Mndumii o wuyana wose.

YESAYA 16:10

Sia yamewutoho, na ifuda lilecha mademenyi kipfa halekumbia mnupfo. na wulalu kuwode-se iimba kiidi kya msabibu-pfo, manya ṟu lya sia; mochumachuma kundu nakame mvinyo kuwode-sepfo; nyi ngatirimisha ṟu lya sia lya mokama mvinyo.

YESAYA 55:13

Handu ha msha kochido opanyi, handu mbeche tsetocha, mboha. Kindo ki kechiendie Mndumii rina, Kechiwa kichano kya mlungana, Kilechiwa ikumba kuleshe.”

EZEKIELI 28:26

Wechihenda ikaa pfo na ofoṟo, nawo wechihenda iwika mba na ioṟisha mashidi ha msabibu. Nawo nyi wechihenda ikaapfo walawode wuowu, kyamba wandu walya wa mṟasa yawo wawekewatuura inyi njikeri ihenda iwakapa. Kipfa kya ikyo wechiwutaho imanya ke Inyi nyi Mndumii-Ruwa, Ruwa owo.”

EZEKIELI 36:35

Nalyo wandu wechihamba, “Orukalu luei nuka ya msanga nyi lowa cha mdeminyi iya ya Edeni, na mṟiyo iwei wulya, iwei njisame na iwunduyo, ambuya wulalu wandu wakeripfo, iwewode na njomombo!

YOELI 2:24

Handu hehuya hechiichuo shelya, na mapipa hanu hechiichuo mvinyo na mafuda.

YOELI 3:18

“Kiheri kyo, mafumvu hechioṟa madema ha msabibu nhya, na mapo hammbe hechiwono shitonyohunyi hesotsa maruwa. Soka tsose tsa Yuda tsechisotsa mṟinga fufoi; soka yechiwuka hekalunyi lya Mndumii-Ruwa, na inosa pichi lya shitimu .

YOELI 3:20

Kyaindi Yuda yechioṟa mlungana, na Yerusalemu yechikaa marika hose.

WALEWI 26:5

Wechiweha mbeke tane wahaa msabibu; wechihaa msabibu tane kiheri kewaya mbeu. Mochiwada kelya kiingiki na ikaa kipuo orukenyi lonu.

AMOSI 9:5

Kipfa Mndumii-Ruwa menyi matorito nyio ekepaaya oruka, lukasalaa, iwo waipfo wakakapa kilio; nalo lochikure loose cha Meda lochiekase cha Meda fo Nili fo Misri.

YOHANE 4:35

Nyo chi mokehamba, ke leka kusie meri iina kushike kiheri kyesambwo. Keambuyenyi-wo, inyi ngambia, ke-iryenyi meso hanu muambuye madema ha, shilimu nyi shesambuo.

WACHILI 5:5

Mafumvu haledihina oshangunyi lopfo, Mndumii-Ruwa, ee da, fumvu lya Sinai oshangunyi lopfo Mndumii-Ruwa, Ruwa o Israeli.