AMOSI 9:11 - Bibilia Kui Mdedie fo Kimochi

¹¹ Mandi ho njechiira se kiwanja kya Dawidi kilya kiolokie na iṟundya handu halya hawewundukye; na inyi njiiriye njomombo tsilya tsake tsiwehoye njitsilauo cha kuwooka;

AMOSI 9:11 ပူးပေါင်းရင်းမြစ်များ

YOBU 1:10

Akale kimanyikie na pata chandu iyo umringie njora tsose hamu na wa kanyi koke na orio kindo awode? Iyo kowembikia ona na masaa hake hakaengeṟeka orukenyi.

SHIIMBO SHA DAWIDI 143:5

Njilekumbuo mfiri ya ili mbooko, njileweṟuwetsa mawuto hapfo hose, njikusaṟa kya maṟunda ha mawoko hapfo.

SHIIMBO SHA DAWIDI 80:12

Nki ili kulewunduo njomombo tsake? Wakahaa wose weida njia?

SHIIMBO SHA DAWIDI 89:40

Kulewunduo mamfiṟiha hake hose, kohaluo mamfiṟiha hake cha mamrapu.

YESAYA 16:5

Na loṟika lo wuitoṟi lochiwanga kui isaṟia; na nechidamia ho kui wulohi, kiidi kya mba ya Dawidi; kechianduo, kechikunda shilya sha wusumhanyi, ai mwangu ikapanyia wusumhanyi.

YESAYA 5:5

Kyakusia, wulalu njimuwia, chando njechitana mdemi fo msabibu; njechisanja kilya keshikia nafo fochilio; njiwewunduo na omombo lokyo, nalo lochichumochumo;

YESAYA 58:12

Wandu wapfo wechiwika mba handu haile; nochiwika kiidi kya njotende tsa kuwoka; na iyo nochilaho, ‘Aichu mosungusia handu hawundukie; na mowihiṟa handu hekaa.’”

YESAYA 63:11

Nlyo mandi alekumbuo mafiri halya ha kuwoka, kiheri kya Mose na wandu wake kehamba, “Oku ulya alemdosa wuka ipalyipalyinyi hamu na walisi wa ipo lyake? Oku ichu alewika Mumuyo Mwele kiidi kyawo?

YESAYA 65:9

Na inyi njechiende oshari luwukie ko Yakobo na mokioṟa o fumvu lyako wuka ko Yuda; na msambuṟe oko nechioṟa, na waṟundi wako wechikaa pfo.

YEREMIA 18:9

Na kiheri kyose njechionguo mbonyi tsa mkambo na mbonyi tsa wumangi iwaya na iwika.

YEREMIA 30:9

Nawo wechiwa se masinga ha wahenu pfo, indi wechinjiṟundia inyi Mndumii-Ruwa, Ruwa owo, na mangi o kishari kya Dawidi ichu njechiwasambuṟia.

YEREMIA 46:26

Njechiwadambika mawokonyi ha wose wakundi irumatsa moo yawo, ai Nebukadneza mangi ya Babeli na wanene wa wandu. Kiidima oruka lo Misri kuwade wandu cha kuwoka. Inyi Mndumii-Ruwa ngahamba.”

SHILIO 5:21

Keluwihiṟese hoi Mndumii, naso lukuwuye se, keluwihiṟiese kiṟumi kilya kyadu kya kacha.

EZEKIELI 17:24

Nalyong'u mashidi hose ha oruka hahende iwutaho imanya ke inyi Mndumii njekefuiṟa mashidi sa maleshe, ngaweiriya huye mashidi sa mafui, lya ngoseṟa ngaweumiṟa mashidi mawishi, na halya maumu ngawehawishiṟa, nyi inyi Mndumi ngahamba njido.”

EZEKIELI 36:11

Njiwehenda ipfumbutsa wandu hamu na shiuma shehende ifo. Nyo mafumvu njemuhaluo muwe handu hecha hekaa cha kuwoka. Njiwehenda iwawutia sha wucha kota kuwoka. Nlyondi nanyo mochiwutaho imanya ke inyi nyi Mndumii-Ruwa.

HOSEA 3:5

Kyaindi kiheri kechicha mandi wandu wa Israeli wechihaluka na ishiha Mndumii-Ruwa, Ruwa owo, na ishiha mangi owo, o luwa lya mangi Dawidi. Nyilyondi wechiowuo Mndumii-Ruwa, na imkunda, na iambilia mboṟa tsake kiheri kya ifurumia.

OBADIA 1:17

Indi kiidi kya fumvu lya Sioni kochikaapfo sa wechikia, nalyo lyechiwa liele, na mba ya Yakobo wechiikolonyia wuikolonyi wowo.

MIKA 5:2

Ko ikyo Ruwa nechida wandu wake ko wakituwa, mṟasa mndu mka ulya ai mlemo nafee. Numa wanawamae iwo wechitsuhaa wawuye na isanza na Waisraeli wodoyawo.

MIKA 7:11

Mkonu fukeri icha njomombo tsa mṟi fonu fuwiko wuhya. Mkonu fo mṟasa ya oruka lonu yechilandaṟo.

MIKA 7:14

Ruwa, ringa wandu wapfo na olio lopfo, ringa iwo wa po lyapfo kumonyi iwo wai wawenyi, kundu ko ngeṟa wai waṟingichie nyi teri iwode sari. Uwalise na iwaringa chandu ulewuta ili mboko, kiidi kya Bashani na Gileadi.

MIKA 7:8

Ulachihiyo kiheri kya kiwi kyako iyo mkituwa oko. Ngaomboka njechiidima ikurese; Ngakaa memenyi, Mndumii-Ruwa nyi ngela yako.

ZEKARIA 12:7

Indi Mndumii nyechikiṟa mahema ha Yuda kuwoka kundu kiṟumi kya mba ya Dawidi na kiṟumi kya wandu wa Yerusalemu kilang'anye Yuda.

ZEKARIA 14:10

Oruka loose lochifanana na Araba, wuka Geba mṟasa Rimonyi ora lo nuka lo Yerusalemu; nao nyi, wokia kichumi kya Benyamenyi mṟasa kichumi kya kuwoka, mṟasa kichumi kya mbai; na wuka mnaṟa fo Hananeli itane okoya onanda lo Mangi.

ZEKARIA 6:12

Nombie Mndumii Menyi Matorito nahamba adi, Ambuya mndu chu alaho nyi Njana nyio echiwika hekalu lya Mndumii.

MAITALA 24:18

Edomu yechichilio nyio, Seiri yechiwa masaa hake, Israeli yechiinengo iwinza ling'anyi.