AMOSI 8:3 - Bibilia Kui Mdedie fo Kimochi

³ Shiimbo shawo sha Hekalunyi lyako shechiwa kilio maheri halya, Mndumii-Ruwa ahamba, mnying'a yechifo, wechiikumba orio handu, watsie sau.

AMOSI 8:3 ပူးပေါင်းရင်းမြစ်များ

SHIIMBO SHA DAWIDI 39:9

Ngatsia, njetambaṟuo dumbu lyakopfo; Kipfa nyi Iyo ulehatana.

YESAYA 37:36

Kyasia malaika o Mndumii kakure, kawaha wandu shiku ihana na makumi nyanya na watanu (185) handu kuwei cha handu hesia moo ko Waashuru, ngamenyi kiheri walekure otuko, ate iwo wose wawei mnying'a.

YEREMIA 22:18

Kyasia Mndumii nahamba adi, “Kirianyi na Yehoyakimu mana o Yosia mangi ya Yuda, wechikapa kilio wehamba, ‘Wui msacha oko! Ang'u Wui mshiki oko!’ Wechikapa kilio kipfa kyake kehamba, ‘Wui Mndumii oko! Ang'u, wui wuitoṟi!’”

SHILIO 2:10

Wameku wa Sioni nyi wadamie wanda watsie sau, ambuya nyi wakushie kilulyi mdonyi yawo, na maṟao hawo nyi makunyia. Wana wa kika wa Yerusalemu nyi wakuinadie wakasotsia shamu wanda.

YOELI 1:11

Wademi sumukienyi; na nyo waṟundi wa madema ha msabibu fihiṟenyi; kipfa kya ili Ngano na shayiri shanyamaṟika, na shilimu shose sha mademenyi shaṟumatso.

YOELI 1:13

Yoeli awia wandu ṟaenyi makunyia na isumukia nyo makohanyi, fihiṟenyi nyo waṟundi wa kitaṟa kedasia. Hendenyi hekalunyi muṟee makunyia mufuhiye Ruwa kio kyose! Nyo waṟundi wa Ruwa oko. Kipfa shidaso sha shilimu ma sha mfinyo shiendose hekalunyi lya Ruwa pfo.

YOELI 1:5

Nyo wananzi, pang'kenyi na ifihiṟa; kapenyi kelewui nyo wananzi wa mvinyo; kipfa sabibu tsose tsesungusia mvinyo nhya tsaṟumatso.

WALEWI 10:3

Nahong'u Mose kawia Aroni, “Kindoki nyi kilya Mndumii adedie, kehamba, ‘Inyi njechiheṟemtso kiidi kya iwo waitikiria koko, na Inyi njechiichiko oshangunyi lo wanduwo wose.’” Aroni katsia sau.

AMOSI 4:10

Ngamudikya ndaṟe njiwicho ya nda tsa makokoi yelaho “Taunyi” cha taunyi ya Misiri; wanake wanu ngawawaaha na oshu, na frasi tsanu ngatsiduo haleshe; ngadika mdao fo mnying'a njiporu muipfaamye na mbuo tsanu; mulakunde ihaluka munjiwuuye, Mndumii ahamba.

AMOSI 5:16

Kipfa kya isho, Mndumii-Ruwa menyi matorito ahamba ichu ai Mndumii; Kochiwada kifuhiyo kiidi kya njia tsing'anyi tsose, nawo wehenda wechihamba, Ochia! Ochia! Wechilaha mndu mdemi nache nakape kilio, na iwo waichi ifuha wakape kilio.

AMOSI 5:23

Irenyi iya kifahyo kya shiimbo shanu; njilakundi iicho ṟu lya shinanda shanu.

AMOSI 6:4

ochia lonu nyo mukelaa shitaṟenyi shishiwike membe na ikuhoṟoya shitaṟenyi shelaho semadari; nyo mokelya huṟuwi na mahache ha mfiṟihenyi;

AMOSI 6:5

nyo mokeimba shiimbo sha wutondo hamu na maṟu ha shinanda, na isungusia shinanda sha mbaṟi tsiingi cha shinanda sha Dawidi;

AMOSI 6:8

Mndumii nyalelya nyamu yake, so Ruwa Menyi Matorito; Ngamina kiṟumi kya Yakobo, ngasuiṟo nyi mamba hake; kipfa kya ikyo, njechiwutaho mṟi fo hamu na wose waipfo.

AMOSI 8:10

Na inyi Njechihaluo mfiri yanu nnene ya sia iwe ya shilio na shiimbo shanu naawo shiwe kilio; mochiṟaa masaṟa shitsinyi shose, mbewika njohaa huye ya orio mdo; njechiende ishi shose shiwe kilio kipfa mana kimumu na ifurumia cha kiheri kya mawawio.

NAHUMU 3:3

Wekapana wai frasihu na njoshu tseaka-aka na mapfumu maohi; kilula kya walya wawawahe wakawa cha nungu ing'anyi ya mnying'a; itane wandu wakapa mtulia mnying'enyi yawo

SEFANIA 1:7

Tsia sau oshangunyi lo Mndumii-Ruwa; kipfa mkonu fo Ruwa fui hafui; Mndumii nyi ateseheṟie kidaso, Nyi ailyishiye wahenu wake.