AMOSI 8:14 - Bibilia Kui Mdedie fo Kimochi

¹⁴ Na iwo wekelya nyamu kui wunyamaṟi wo Samaria, na ihamba So Ruwa opfo ai na moo iyo Dani na so njia yapfo iyo Beer-sheba, nawo wechioloka, walechiidima se ikure.”

AMOSI 8:14 ပူးပေါင်းရင်းမြစ်များ

1WAMANGI 12:32

Yeroboamu kawawasa iwada mfiri mnene meri fo nyanya 8 mkonu fo ikumi na katanu fo meri ifananyi na mkonu mnene iwei kiidi kya Yuda. Kado huye kundu nahendie rasio. Kawewika ado kiidi kya Betheli kechiwuta mwano mba tsilya alesungusia, kawika makohanyi walya handu ha huye ha Betheli.

1WAMANGI 14:16

Nao nechilekana na Israeli kipfa kya madeko ha Yeroboamu, aledetsa naho Israeli.

1WAMANGI 16:24

Kiidima kahuṟa kifumvu kya Samaria ko Shemeri wueri wo kilo 70 tsa fesa, kawika mba huya kifumvu kilya, kalaha mṟi fulya alewika, Samaria, kundu naichike rina lilya lya Shemeri, menyi kifumvu kilya.

2WAMANGI 10:29

Kyaindi kaweosha wunyamaṟi wo Yeroboamu mana o Nebati wuletewa Waisraeli wawute wunyamaṟi. Nalewika sanamu tsa mahache ha sahabu ipfo Betheli na Dani.

2MBONYI TSA MAHERI 36:16

Kyaindi wo walekapa mang'ang'o waikimbi walya wa Mndumii-Ruwa, na isalucha madedo hake, na iseka waikimbi wake mṟasa nyashi ya Mndumii-Ruwa ikaaka kihadi na wandu wake, ma kulawadese ma chandu wechidima iashuka.

SHIIMBO SHA DAWIDI 140:10

Okaa lo modo luwaolokie, wakumbo modonyi, maṟungunyi, walaidime ihoṟokase.

SHIIMBO SHA DAWIDI 36:12

Ipfo mpfo kundo waleoloka wewuta mawicho; Wawaolotse wanda walaidime ihoṟoka.

MFANANO 24:16

Kipfa mndu o wusumhanyi nechiomboka kamfungade kakurese Indi walai na wusumhanyi wekeimo nyi mawicho.

MFANANO 29:1

Motutumo kafoi nao kaumiṟa mrima; Nechifunjika na limu, alechiwona mdi.

YESAYA 24:20

Wuyana wui ruika cha mndu mnanzi, nawo wui iwila cha kitaṟa kya mndu mrohiye; na mhanda fo wunyamaṟi fowurohiya; nawo wochioloka manya wochikuresepfo.

YESAYA 43:17

kiheri njilekapa wandu wa mbahanyi wawode magari ha shida na frasi; ngawaarisia wanda wechiidima kindopfo, wakaruma cha kimui.

YEREMIA 25:27

Na iyo nochiwawia kudi Mndumii menyi Matorito, Ruwa o Israeli nahamba adi, “Nyonyi munango na idaika, na iomboka mulakurese kipfa kya oshu njechidika konu.

YEREMIA 51:64

‘Nyi wudo mṟi fo Babeli fochisoṟowia ma fochikure sepfo, kipfa kya mawicho ho Mndumii-Ruwa aifuendie.’” Mtsitsionyi fo madedo ha Yeremia.

HOSEA 10:5

Wasamaria nyi waihenda idedema kipfa kya ihache lyo lya Betheli, wandu wake nyi wechisumukia kipfa kya ihachelyo, wakohanyi wekemwindia nyi wechimfihiṟia, kyamba kiṟumi kya ihache lyo kyawutoho, nyi kyasia.

HOSEA 13:16

Kikiwaṟi Samaria Wakoṟo yo kipfa kya injileha, Wandu wake wechipfia shidenyi; Wakoku wawo wechipfa; Waka wakapikie wechiranduyo ndeu tsawa.”

HOSEA 13:2

Waefraimu wakaengeṟa ideko, wakasungusia sanamu tsa aṟeṟa, sanamu tsilesungusio ko mawoko hawo, tsilesungusio nyi Waaria wakahamba: “Aitsi, tsiindiyenyi.” Wasoṟo wakahekia momu ihache!

HOSEA 4:15

Kya lohi nyo Waisraeli mui wamelukimeluki! Kyaindi mulatewe wandu wa Yuda wawade mti! Ma mulahende handu haele ipfo Gilgali, manya mulahende kulya Beth-aweni. Manya mulalye nyamu mochihamba, Chandu Mndumii-Ruwa ai na moo!

AMOSI 5:1

Adanyienyi idedo lyi njikeri ilihamba liwe kifuhiyo na imsotsia fowa, nyo mba ya Israeli,

AMOSI 5:2

Mkeha o Israeli naomboka; echiidima ikure-sepfo; Naombotso kiidi kya oruka loke; kuwode mndu momiiriapfo.

AMOSI 5:5

manya mlashihe Betheli; ma mulaide Giligali manya mlaide Beeri-sheba, kipfa Giligali kii lohi yechidao wusingenyi, na Beteli yechiwa wulya.

MIKA 1:5

Ishi shose shechihoya, kipfa kya madeko ha oshari lo Israeli. Ngesa, deko lya Yakobo lyawono hanga? Kiidi kya mṟi foke fung'anyi Samaria. Ngesa, deko lya Yuda lyawono hanga? Kiidi kya Yerusalemu kwenyi?

SEFANIA 1:5

na walya weindia kulya ruwehu wai kai ka mba na iwo weterewa, na ilya nyamu ya Mndumii na ilya nyamu ko Malkamu;

MAWUTO HA WASU 18:25

Mndu chu awei mloshe njia ya Mndumii, nao ili aakye adi mumuyonyi foke kahenda ideda na ilosha kui osaṟe mbonyi tsa Yesu. Nao nyi aweichi wupatiso wo Yohane tupu.

MAWUTO HA WASU 19:23

Nahong'u matika nalyo kukaamka kipfupfulu sa kinene kimaduma kya mbonyi tsa njia ii.

MAWUTO HA WASU 19:9

Kya indi ili wandu maata walekuumiṟya mrima wechileha iidikya na isutsa njia ii oshangunyi lo kisanzyo kya wandu kalekana nawo kasanza wa kiloshyonyi kyanya kawa moonguo ipfo kisomyonyi kya mndu ewio rina nyi Tirano mkonu yose.

MAWUTO HA WASU 24:14

Kya indi ngahamba na pata aa oshangunyi lopfo ke njikeri iwikya Ruwa chu o waku wadu wauindi njechichumia njia ii wekeilaha ya siṟi ikuwikye kyanya kui idikya ishi shose shiidikyanyi na wuwawaso na isho shii shiṟehye nyi waikimbi.

MAWUTO HA WASU 9:2

Kambesa paruo tsehenda kulya Damasiko tsa kulya sinagogenyi, kundu, kakokya-pfo wandu wa njia ii wai womi ang'u waka, nawapfunge na iwaende na Yerusalemu.

NGUMBUO YA MAWAWASO 33:11

Hoi Mndumii-Ruwa, wikia mboṟa pfinya tsawo, noidikie maṟunda ha mawoko hawo norumatsie kuleshe pfinya tsa wakituwa wawo, pfinya tsa iwo wawasuo, walakuiriese.”

NGUMBUO YA MAWAWASO 9:21

Kindo kilya kiwicho, ihache lilya mulekusungusia, njileliira, ngalirumatsia modonyi, ngalipochapocha na ilisa likawa cha kiluli kya kimamile; kiidima ngaokumba kilulyikyo kiidi kya kimeda kiwesokie kulya fumvuhu.