AMOSI 8:10 - Bibilia Kui Mdedie fo Kimochi

¹⁰ Na inyi Njechihaluo mfiri yanu nnene ya sia iwe ya shilio na shiimbo shanu naawo shiwe kilio; mochiṟaa masaṟa shitsinyi shose, mbewika njohaa huye ya orio mdo; njechiende ishi shose shiwe kilio kipfa mana kimumu na ifurumia cha kiheri kya mawawio.

AMOSI 8:10 ပူးပေါင်းရင်းမြစ်များ

MAWOOKIONYI 21:16

Kahenda kakaa handu haleshe cha ha mkumbie fo mfi kemwambuya; kipfa nalehamba, “Ndawone manachu kechipfa;” nao kakaa kechimwambuya, kakoṟoṟoma na ṟu lyake, kafihiṟa.

YOBU 20:23

Chandu echitambahana iihutsa ndeu yake nechikoyana na tuke ya Ruwa impusukie cha kando kake.

YOBU 3:5

Meema fukae huyafo, Ipuchi lyishinge huyafo-da, Mfiri fuwe kio rambatanyi.

YOBU 30:31

Kwi kipfa kio, kinanda kyako kyahaluka kilio na mtoṟiṟo foko fukawa ṟu lya waifihiṟa.

YESAYA 3:24

Nakyo kechiwa miilachiko; handu ha mafuda hepfaama mecha, kochiwada mdao; na hando ha mkanda mcha, kiwoho; handu ha njui tsinjioke necha, ohaa; na handu ha nguo yeṟaa ya huye nyi nguo tsa masaṟa; na ngoru tsa modo kiidi kya mbihu.

YEREMIA 2:19

Wuwicho wopfo wochikuwuuya, madedo hapfo hechikukapa; umanye, kyasia uwone ke nyi kindo kiwicho mnu na kiendie wusutsu ida Mndumii-Ruwa opfo, ma kiidi kya mrima fopfo kuwode injiowuopfo Mndumii ahamba; Mndumii menyi matorito.”

YEREMIA 48:37

Orio mndu naodie ohaa na ngerero tsake, wose wakuwehie wehie mawokonyi na shitsinyi waṟee makunyia.

YEREMIA 6:26

Nyo wandu wako, ṟaenyi nguwo tsa makunyia na idamia kiidi kya mafu na ikapa kilio, cha kilio kya mana kimumu kilio kiwicho mnu, kipfa ichu aleduo wapfungo wa shida naicha huye yadu faṟa.

SHILIO 5:15

Luwodese se sia mrimenyi pfo; temo na maṟingi hadu shikahaluka shilio.

EZEKIELI 7:18

Nawo nyi wechiṟaa maṟao ha makunyia, na iwodo nyi wuowu wung'anyi. Wechikapo sonu njoshangunyi tsawo, na mdo yawo yechiila njohaa pang'a.

EZEKIELI 7:2

“Iyo mndu, Mndumii nahamba ko oruka lu lo Israeli; ifu nyi mtsitsionyi, nyi mtsitsionyi fo njora tsose tsina tsa oruka lu lo Israeli.

HOSEA 2:11

Njechitoromesha wuseṟeṟi woke wose, mfuho yake ya meri okombe na ya sabato, na mfuho yose sa injiwawase.

HOSEA 2:13

Njechimtaa kiṟache kya mkonu iya ya Baali aleiṟumisha, na maheri aledo ikoṟa ubani, na ikuchopa na rachi tsake na shishelo sha maho sha wuhuru wung'anyi, na ihendia wakunde wake, na injihadima inyi. Nyi inyi Mndumii-Ruwa ngadeda.

YOELI 1:8

Fihiṟenyi na isumukia cha mana mkeha aṟee nguo ya ikunyia, aisumkia kya opfu lo msoṟo awekundi imualika.

WALEWI 13:40

“Kokoya njui tsa mndu tsatumka o mdohu foke o nawode ohaa, namheṟemtsu.

AMOSI 5:21

Inyi njisuo mkonu yanu inene, njiiminyie, njimchihiṟe nyi shisanzyo sho shanu sha wuindipfo.

AMOSI 5:23

Irenyi iya kifahyo kya shiimbo shanu; njilakundi iicho ṟu lya shinanda shanu.

AMOSI 8:3

Shiimbo shawo sha Hekalunyi lyako shechiwa kilio maheri halya, Mndumii-Ruwa ahamba, mnying'a yechifo, wechiikumba orio handu, watsie sau.

NAHUMU 1:10

Kipfa kokoya wawa cha msha iwadanyi, na irutsa cha ili wainyo wechikombetso cha makaanjo maumu.

ZEKARIA 12:10

Inyi Mndumii, njechipusuya Mumuyo foko wandu wa mba ya Dawidi na wekaa Yerusalemu wose mumuyo fo osaṟio na iterewa; nawo wechiambuya ulya walemtocha, wo wechihoyo nyi wukiwa na ilia cha ilyi mndu aililia mana oke kimumu nawo wechiicho mawawio kipfa kyake cha mawawio ha mana mmbee ilyi ahoyo nyi wukiwa wuliwe.

NGUMBUO YA MAWAWASO 16:14

Mochisungusia mfuhofo, nyo na wana wanu wa kika na wa kisoṟo, waṟundi wanu, Walewi, Wahenu, Wangoeda na Wakusu wai ipfo mṟinyi yanu.