AMOSI 7:17 - Bibilia Kui Mdedie fo Kimochi

¹⁷ Ko ikyo Mndumii nyi ahamba adi, Mka opfo nyechiwa mmeluki na mṟuhui mṟinyi, wana wapfo wa kika na wa kiumi wechiwooho nyi oshu, na dema lyapfo lyechihawo kui shiwoho-kyahu kui kyahu; na iyo kumonyi nyi ochipfa orukenyi lo ngafu; na kya lohi Israeli nyechidao kuleshe ai mpfungo awuka orukenyi loke.”

AMOSI 7:17 ပူးပေါင်းရင်းမြစ်များ

2WAMANGI 17:6

Kiidi kya maka fo kenda fo wumangi wo Hoshea, mangi o Ashuru kaduo Samaria, kaduo wandu wa Israeli wapfungo mṟasa Ashuru, wandu maata kawawika mṟinyi fo Hala, na wengi afui na meda Habori, meda Gozani na wengi mṟi ya Media.

SHIIMBO SHA DAWIDI 78:55

Kafuna mkambo mhenu oshangunyi lowo, kawaheshia kyoṟa na mrewa, kadamiṟa mbaṟi tsa Waisraeli mahemenyi hawo.

YESAYA 13:16

Wana watutu wechipoṟipotso mesonyi hawo, mba tsawo tsewado wupfungo, na waka wawo wawutio kinyala.

YESAYA 22:18

Nyi kya lohi nechikulema na ikukumba cha mpiṟa, itane oruka lo kuleshe, napfondo ochipfiia, na magari ha kiṟumi kyapfo napfo hechekaa hai sonu ya mba ya mndumii opfo.

YEREMIA 14:16

Kiidima na iwo waleambia wuikimbi-wo wo wongo wechikumbo nja ipfo mṟinyi fo Yerusalemu njienyi tsing'anyi wai mnying'a kipfa kya oshu na njaa kulechiwoneka mowaṟika. Isho shewakoya wo wawenyi, waka wawo, wana wawo wa kika na kiumi, kipfa nyi njechiwaletsia wuwicho wowo wawenyi.

YEREMIA 20:6

Na iyo Pashuri na wandu wose wa mba yapfo, mochihenda wusingenyi na iyo nochishika Babeli, napfo ochipfia na iṟiko, iyo na mbuya tsapfo ulewaikimbia madedo ha wongo.”

YEREMIA 28:12

Idedo lya Mndumii likachea Yeremia lyehamba kyaituma Hanania mwikimbi ipfunja shipfungo shilya shiwei nzingonyi ya Yeremia kahamba,

YEREMIA 28:16

Mndumii nahamba adi, “Ngakuduma uwuke huya ya oruka maka fu nyi ochipfa kipfa nyi ulededa madedo mawicho huya ya Mndumii.”

YEREMIA 29:21

Mndumii-Ruwa Menyi matorito, Ruwa o Israeli nahamba adi ko Ahabu, mana o Kolaya, na kya Zedekia mana o Maasea, walemuikimbia wongo ko rina lyake. “Njechimudambika mawokonyi ha Nebukadneza, mangi ya Babiloni, nao nechimuwaha mochiwona na meso hanu muwenyi.

YEREMIA 29:25

Mndumii-Ruwa Menyi Matorito nahamba adi: “Nodika paruo ko rina lyapfo ko wandu wose wa Yerusalemu na ko mkohanyi Sefania mana o Maaseia na ko wakohanyi wengi wose kiidi kya paruo yo nyi wudi kulewia Sefania:

SHILIO 5:11

Ambuya nyi walelaa na waka wadu ko pfinya ipfo mṟinyi fo Sioni, na wana wadu wa kika ipfo shihongohu sha Yuda.

EZEKIELI 4:13

Kindo ki nyi kyaloṟa chandu Waisraeli wechilya mkate yawo injifanyitse ilimandi wechidao wusingenyi kiidi kya njoruka njihenu.”

HOSEA 9:3

Ambuya wechikaa orukenyi lo Mndumii-Ruwapfo, Ee wana wa Efraimu nyi wechiwuya wusingenyi kulya Misri, wechihenda ilya shelya sha ngafu kulya Ashuru.

AMOSI 6:7

Wulalu kipfa kya isho wulalu wechihenda wusingenyi hamu na walya wa kuwooka wechihenda wusingenyi, na kifahiyo kya temo kya iwo walekuhoṟwo kechitsitsa.

AMOSI 7:11

Kipfa Amosi nahamba adi, Yeroboamu nechipfa ko oshu, nankya lohi Israeli nechidao ampfunge lang'u, nawuto orukenyi loke.

AMOSI 8:1

Ishi nsho alenjiloṟa Mndumii-Ruwa; ambuya kikunja kya ndunda tsa kuari.

AMOSI 9:1

Njilewona Mndumii ahoṟoki kufui na kitaṟa kyedasya, kahamba, kapa mdo ya ngo itane ngiṟi tsadihina; nowefunja mdo ya ngiṟi tso shiteeno shiteeno; inyi njechiwaaha mndu owo mfurumi kui oshu, kuwode ma umu owo echidicha ang'u umu owo echikiapfo.

AMOSI 9:8

Ambuyenyi meso ha Mndumii-Ruwa haiambuya wumangi wuwode wunyamaṟi, na inyi njechiwurumatsa wuuke oshangunyi lo wuyana, kya indi njechirumatsa piu mba ya Yakobopfo.” Mndumii ahamba.

MIKA 1:16

Nanyo wandu wa Yuda, odenyi ohaa, ifihiṟia wana wanu wakunde, landaṟenyi ohaa lonu lulandae cha lo owishi, kipfa wana wanu wadao wusingenyi kuleshe.

ZEKARIA 14:2

Mndumii-Ruwa nyi echisanyia wandu wa masanga kundu wakape mṟi fu fo Yerusalemu. Mṟi fu fochidao wapfungo, mba tsanu tsiwewado, waka wanu wateṟefutso. Kyeenga kya wandu wa mṟi wasamiṟo, indi kenga kingi kechipayopfo ma idao nja ya mṟi pfo.