AMOSI 7:15 - Bibilia Kui Mdedie fo Kimochi

¹⁵ Nao Mndumii kanjilaha ngaidikya ndaho yake kanjiwia, “Henda ikimbia wandu wako Israeli.

AMOSI 7:15 ပူးပေါင်းရင်းမြစ်များ

2SAMWELI 7:8

Wia Dawidi mṟundi oko ke inyi Ruwa o Ruwehu njilemuuta wulisinyi wo machondi kulya patenyi kundu nawe msongoru o wandu wako wa Israeli.

1WAMANGI 19:19

Elia kakure, kakoya Elisha, mana o Shafati, kedema. Handu ho kuwewode mmbe tsiwetsipfunge tsiwi tsiwi ngamba ikumi na tsiwi, na okamba lulya lumu luwei na Elisha luwei numa ya tsose. Kyasia Elia kawuta ikonya lyake kamkumbia.

YEREMIA 1:7

Kya indi Mndumii-Ruwa kanjiwia, “Ulahambe inyi njii mana mtutu. Kipfa nyi ochihenda ko orio mndu njechikuduma koke, na iyo nochihamba orio idedo njechikuwawasa.

YEREMIA 26:12

Nlyo Yeremia kawia wanene wose na wandu wose kehamba, “Mndumii nyio alenjiduma njimuongoe kya mba i, na kya mṟi madedo hose mohaicho.

AMOSI 3:8

Miiso fompoṟohoṟa, nyiu alechiowuo? Mndumii-Ruwa amededa nyiu aidima ideda shile nyi ihamba kisuku?

MATAYO 9:9

Kyasia Yesu amewuka alya kaida mbele kawona mndu adamye alya kisanyonyi kya okamba, ewio nyi Matayo. Nao kambia, “Kenjo nooshane na inyi!” Nao kakure kahenda oshana nao.

MAWUTO HA WASU 1:8

Kya indi nyo mochiambya pfinya ili Mumuyo Mwele echimsokya. Nanyo nyi mochiwa waṟingishi wako ipfo Yerusalemu na Yudaya kose na Samaria itane mokoya mtsitsionyi fo masanga.”

MAWUTO HA WASU 4:20

Kyamba so lochiidima ida luladeda ikyo lulewona na iichopfo.”

MAWUTO HA WASU 5:20

“Hendenyi muhoṟoke hekalunyi muwie wandu madedo ha hose ha moo fu.”

1SAMWELI 10:11

Wandu waweichi Sauli ipfo mawookionyi, wekimmbona kechihamba kisuku, wakawesana, “Nki ki kyawada mana o Kishi Ngesa, nao Sauli na umu o waikimbi.”