AMOSI 7:12 - Bibilia Kui Mdedie fo Kimochi

¹² Na Amazia kawia Amosi, O iyo malya wona, kure aa, dichia oruka lo Yuda, ulyiiepfo mkate, uhende iduopfo wuikimbi;

AMOSI 7:12 ပူးပေါင်းရင်းမြစ်များ

2MBONYI TSA MAHERI 16:10

Madedo ha haletewa mangi Asa kasuo mnu Hanani, tane ambika kipfungonyi kya mnyonyoṟo. Kiheri na ikyo, Asa kawoka maturo hang'anyi ko wandu maata.

YESAYA 30:10

Wekewia walya waloṟi, mulawone; na waikimbi, ma mulaikimbe kindo kii lohi, luwienyi madedo mahoo, onguonyi madedo helemba;

YESAYA 56:11

Shite sho shiwode wuumu, shekeihudapfo, na iwo nyi walisi walechiidima imanya idedo; wose piu wahalukie kihadi, waoshe njia tsawo wawenyi, orio umu kui kiira kyake, wuka njora tsose.

EZEKIELI 13:19

Mulewuṟa wuindi oshangunyi loko na lo wandu wako mukatewo nyi ohi lo Ngano na shipeṟengu shifunjo sha mkate. Mukawaha wandu walawewaṟi ipfa mochiwia wandu wako wongo nawo wakawemuindia.”

AMOSI 2:12

Indi muleinenga walya waele watengo mvinyo wanyo; mukawia waikimbi walya, mlawone moihamba shisuku.

AMOSI 7:11

Kipfa Amosi nahamba adi, Yeroboamu nechipfa ko oshu, nankya lohi Israeli nechidao ampfunge lang'u, nawuto orukenyi loke.

MALAKI 1:10

“Nanga kokoya kuwewode mndu moshinga mongo; mulache iatsa modo fo wulya kitaṟenyi kyako kedasia! Njimchihie kyanupfo, manya shidaso shawuka mawokonyi hanupfo, Mndumii Menyi Matoṟito ahamba.

MATAYO 8:34

Naho kudi awalya wandu wakakure mṟi fulya fose, wakahenda kumbuhana Yesu. Wamembona wakamterewa nawuke kulya mṟasenyi kowo.

LUKA 13:31

Oweṟe lulya tichi Wafarisayo maata wakacha na alyando aweei wakambia, “Wuka iya nohende, kipfa Herode nyi akundi ikuwaaha.”

MAWUTO HA WASU 16:39

Wakacha wakawalembalemba wakawaduo na nja, wakawaterewa wawuke kulya mṟinyi fulya.

WAROMA 16:18

Kyamba iwo wai wadichi, Mndumii odu Kristo waimṟundyapfo, kya indi nyi wekeṟundya ndewu tsawo wakalemba ngoo tsa wandu wai malala wechideda madedo mecha na sumu tseloda.

1 WAKORINTO 2:14

Indi mndu o mhendeshye fo kiwandu ekeambyana na shilya shii sha Mumuyo o Ruwapfo, kyamba shembiia wutondo nalaidime ishimanya, kipfa shekewa itichyo kui njia ya Mumuyo tupu.

1PETRO 5:2

Ngawatutuma, ke lisiṟenyi poo lilya lya Ruwa lii konu chi cha ili mui-waitike-pfo kya indi kui macha ha Ruwa, mulapfule-ho mbucha indi muliwade na kuimbeṟe.

1SAMWELI 2:36

Icho oose echitsuhaa kiidi kya wa mba yapfo nechihendia mkohanyicho, na imterewa pesa ang'u kipeṟengu kya mkate, na immbia, ‘Ngakuterewa kyekunjiwikie handu kuwode maanya fose fo wukohanyi, kundu kulako njechikuwonyiaho kipeṟengu kya mkate.’”

1SAMWELI 9:9

(Ilyi mawokioonyi kulya ko Waisraeli kokoya mndu akundi iterewa Ruwa kindo, nawekehamba, “Kenjonyi luhende ko mndu ekewona.” Kyamba mwikimbi o wulalu nawekelaho nyi mndu ekewona).