AMOSI 6:8 - Bibilia Kui Mdedie fo Kimochi

⁸ Mndumii nyalelya nyamu yake, so Ruwa Menyi Matorito; Ngamina kiṟumi kya Yakobo, ngasuiṟo nyi mamba hake; kipfa kya ikyo, njechiwutaho mṟi fo hamu na wose waipfo.

AMOSI 6:8 ပူးပေါင်းရင်းမြစ်များ

MAWOOKIONYI 22:16

kahamba, “Ngalya nyamu kui mrima foko Mndumii nahamba, ‘Kipfa kya ili owuta iki, manya kulanjiiime manachu opfo, mana opfo kimumu mfi,

SHIIMBO SHA DAWIDI 106:40

Nyashi ya Mndumii ikaaka huya wandu wake, kasuo kyoṟa kyake.

SHIIMBO SHA DAWIDI 47:4

Nyi echilusambuṟia kyoṟa kyadu, wulole wo Yakobo ichu alemkunda.

SHIIMBO SHA DAWIDI 50:12

Kokoya mbewado nyi njaa mbechikuwia pfo, kipfa wuyana wose nyi woko, na shiwuichuṟie.

SHIIMBO SHA DAWIDI 78:59

Ruwa kaicho, karihinyika, kaleha Israeli nakamu.

MFANANO 8:13

Iindia Mndumii nyi isuo wuwicho, Orikiki na ikushela; na njia njiwicho; Na dumbu lya wulemeshi nalyo njilisuo.

YESAYA 28:1

Ochia lo oṟo ya orikiki lo wananzi wa Efraimu, na kiwaṟo kya wucha wo wuitoṟi woke wuinaa, likeri mdohu fo pichi lidoye necha lya iwo walelemo nyi mvinyo.

YEREMIA 12:8

Kyoṟa kyako kyahaluka mwiso, kiidi kya ngeṟa kikaringona nkyo kitewe ngamsuo.

YEREMIA 22:14

Mohamba, ‘Njechiwika mba yako njilandari na shiṟiha shilandari nao kawewika matiṟisha, mawanda hamashikie nyi mashidi mecha, na ishiyo fana ya kimande.

YEREMIA 22:5

Kyaindi kokoya mulakundi iicho madedo ha, inyi ngalya nyamu yako Mndumii ahamba, ‘Mba i yechiwa ya wukiwa.’

YEREMIA 44:26

Kyaindi adanyienyi idedo lyako inyi Mndumii-Ruwa, nyo wandu wose wa Yuda mui orukenyi lo Misri. Inyi Mndumii-Ruwa ngahamba njidi: ‘Ngalya nyamu ko rina lyako ling'anyi ke kuwode mndu oose o Yuda ai orukenyi lo Misri echisenda rina lyako na ilya nalyo nyamu kechihamba: So Mdumii Ruwa ai na moo!’

YEREMIA 49:13

Kipfa ngalya nyamu yako ke mṟi fo Bosra fochiwa kiṟihisho na kindo kesetsa, fochiwa mnyamaṟe na oseso; shihongo shose shechiwa mrapu mandi hose. Nyi inyi Mndumii-Ruwa ngahamba.”

YEREMIA 51:14

Mndumii-Ruwa o matorito nalya nyamu yake. Na kya lohi njikuichuṟia wandu wapfo wa mbahanyi cha nzihe, nawo wechikapa mṟoṟo fo wuwinzi huye yapfo.

SHILIO 2:5

Mndumii-Ruwa nyi alehaluka mkituwa, Kyamba nyi alerumatsa wandu wa Israeli; Kawewunduo mba tsake tsose, kawewunduo njotiṟiwa tsake, Kaweengeṟia wana wa Yuda kilio na shilio.

EZEKIELI 24:21

Wia mba ya Israeli, nyi wudi Mndumii-Ruwa ahamba; ambuya njihenda ifanyitsa haele hako, mba yo ikeri kiṟumi kyapfo na pfinya yapfo, nayo nyi ichihiṟie mesonyi hapfo. Kyamba wana wanu wa kiumi na wa kika mulewada nduma wechiwoho ko oshu.

HOSEA 11:6

Oshu nyi luhenda isokia mṟinyi yawo, luwehenda ifunja funja mongo yawo, luwewarumatsa ipfo njomombonyi tsawo.

WALEWI 26:11

Njechiwika handu hako hekaa ipfo konu, manya njechimudapfo.

WALEWI 26:30

Na Inyi Njechinyamaṟa handu hanu ha mwindie mafumvuhu, njechiwunduo rasio tsanu tsedutsia ubani, njechikumba mnying'a yanu huya masanamu ha maruwa hanu. Mrima foko fochimusuo mnu nakamu.

AMOSI 3:10

Kipfa waichi iwuta shilya shisumhanyipfo, Mndumii ahamba iwo wawikiye kisa kya wusoki na wulang'a ipfo mmbenyi tsawo.

AMOSI 3:11

Kyasia, iha nyiho Mndumii-Ruwa ahamba; kochiwada mkituwa natengetie oruka njora tsose; nao nechisoṟowitsya wanda pfinya tsapfo tsose tsikuwuke na mamba hapfo hechiwado shidenyi.

AMOSI 4:2

Mndumii-Ruwa nalya nyamu ya Wuele woke ke, ambuyenyi kochicha mkonu muwuto na kimenya kileme cha kedeha makunga kiidi kya oruka, walya watsuhaa wamaso na menya yedeha ikunga.

AMOSI 5:21

Inyi njisuo mkonu yanu inene, njiiminyie, njimchihiṟe nyi shisanzyo sho shanu sha wuindipfo.

AMOSI 8:3

Shiimbo shawo sha Hekalunyi lyako shechiwa kilio maheri halya, Mndumii-Ruwa ahamba, mnying'a yechifo, wechiikumba orio handu, watsie sau.

AMOSI 8:7

Mndumii nyalya nyamu kui kiṟumi kya Yakobo, Nyi kya lohi njechihadima iṟunda lyawo ma limupfo.

ZEKARIA 11:8

Kyasia ngawaaha walisi waṟaṟu kiidi kya meri fumu, kipfa mrima foko fulelehela kipfa kyawo, nawo wawenjisuo.

NGUMBUO YA MAWAWASO 32:19

“Mndumii-Ruwa kekiwona ado kasuo, kaleha wana wake wa kisoṟo na wa kika.