AMOSI 6:6 - Bibilia Kui Mdedie fo Kimochi

⁶ nyo mokenyo mpfinyo na mamboṟiko, na ikushia mafuda ha opfaamo lui lucha; indi walasokyo mfowa kipfa kya matuuro ha Yosefu?

AMOSI 6:6 ပူးပေါင်းရင်းမြစ်များ

MAWOOKIONYI 49:22

Yosefu nyi ikidi lya oṟuwe liikumbia, ikidi lyitutu likumbia kufui na soka, maṟamba hake hakualie mawandenyi.

2WAMANGI 15:29

Kiheri kya wuitoṟi wo Peka mangi o Israeli, Tiglath-pileseri, mangi o Ashuru, naleduo wapfungo mṟi ya Iyoni, Abel-beth-maka ya Kadeshi na Hazoi na njoruka tsa Gileadi, Galilaya na Naftali na iwaduo wupfungo wandu wawo wose.

ESTA 3:15

Iwawaso lyi lya mangi likawuto kiidi kya mṟi fung'anyi fo Susa, na walya weduo mbonyi wakaonguo kiidi kya isanga shose. Mangi na Hamani wakadamia wanda wanyo mvinyo, kyaindi wandu wa Susa waiṟewe.

YESAYA 28:1

Ochia lo oṟo ya orikiki lo wananzi wa Efraimu, na kiwaṟo kya wucha wo wuitoṟi woke wuinaa, likeri mdohu fo pichi lidoye necha lya iwo walelemo nyi mvinyo.

YESAYA 5:12

Kuwode-pfo, shinanda na shilya sha ndusu na mtoṟiṟo, na mtingo na mvinyo, isho shose shii kiidi kya mfuho yawo; kyaindi waiambuya iṟunda lya Ruwa pfo, ma ikusaṟa mawuto ha mawoko hake.

YEREMIA 30:7

Lohi, mkonu fo nyi fung'anyi, kuwode fungi cha ifo pfo; nyi mkonu fo kiwi ko wandu wa Yakobo; ma kudo wechikiṟo pfo.

EZEKIELI 9:4

Nalyo Mndumii kambia, “Ncho uhende iida ipfo kiidi kya mṟi fu fo Yerusalemu, uṟehiye kitanyio oshangunyi lo orio mndu amsokie nyi fowa kipfa kya mawicho ha haiwutika kiidi kya mṟi fu.”

HOSEA 3:1

Mndumii-Ruwa kanjiwia, “Hendase nokunde mndu mka amkunde nyi wasoṟo wengi sa ai mmeluki. Mkunde chandu inyi Mndumii-Ruwa njikundi Waisraeli, ma chandu wo waihalukia maruwa hengi kipfa wawodo nyi oṟoo lo mandasi ha msabibu njiumu.”

AMOSI 2:8

wo wekelaaya nguo tsilya wandu walesoko, na ipfo rasionyi lya ruwa owo inyo wekyenyo olea luiluhuṟe na fesa tsilya tsilewoneka ipfo kikumbyonyi kya wandu.

AMOSI 4:1

Adanyienyi idedolyi nyo mbe tsa Bashanyi, mokekaa fumvuhu lya Samaria, mukawonyia wakiwa, na ikapa walya wahuṟi; mokewia wasoṟo wawo, Wulalu endenyi, lunyo.

YOHANE 12:3

Naho Maria kawuta kiraryo kya mafuda ha mbaṟi ya Nardo ha wuhuru wung'anyi hashikye ratili imu, kacha ishia Yesu madende kawuya kaangatsa madende halya na njui tsake. Mba iya ikarumbalala opfamo lo mafuda halya.

WAROMA 12:15

Kewechihionyi kimu na iwo wawachihie, muwelia na iwo welia.

1 WAKORINTO 12:26

Na kokoya kiwungo kimu kyahenda iwawyo shingi shose shawayo hamu nakyo; kokoya kuipfo kiwungo kyawikyo mng'ano shahenda ichihio hamu nakyo shose.

1TIMOTEO 5:23

Ulakinyo mṟinga fumenyi, kya indi wada-ho shi-mvinyo shangu kipfa kya haya lyapfo na kya ndaṟe tsilya tsikuhoya kafoi.