AMOSI 6:13 - Bibilia Kui Mdedie fo Kimochi

¹³ Nyo mokechihiṟo nyi mbonyi tsa maai, mokehamba, Ngesa chi lulekuwonyia membe kui pfinya tsadu so luwenyi?

AMOSI 6:13 ပူးပေါင်းရင်းမြစ်များ

2WAMANGI 13:25

Na Yehoashi mana o Yehoahazi, kasoka Ben-hadadi mana o Hazaeli mṟi iya aleduo owokonyi lo Yehoahazi ndee oke shidenyi. Kaṟaṟu kambinga, kawihiṟa mṟi iya ya Israeli.

2WAMANGI 14:25

Kawihiṟa oruka lose luwei lo Israeli, kuwuka Pito lya thamathi mṟasa ipalyipalyi lya Araba. Nyi wudi Mndumii-Ruwa awehambie kui mṟundi oke Yona mana o Amitai mwikimbi, wuka Gath-heferi.

YOBU 31:25

Kokoya njilechihiyo kipfa-kya masaa hako hawefoi, na kipfa owoko loko lulewona shindo shifoi.

YOBU 31:29

Kokoya njilechihiyo kipfa kya osaramayo lo ichu alenjisuo, ang'u ikudosa ili alekoyana na mawicho.

YOBU 8:14

Mkusirie fowo fokefunjikafunjika, na kilya wakusirie nyi orusu lo mbuhu.

YOBU 8:15

Wekekuihetsa na mba yawo indi-ilahoṟoke, wakaishihika ilalae ko mlungana.

SHIIMBO SHA DAWIDI 2:2

Wamangi wa wuyana waikuteseheṟa, Na wanene wawada chila handu hamu, kipfa kya Mndumii, na Mesia oke

SHIIMBO SHA DAWIDI 75:4

Njilewia walekushela, “Mulakushele;” Wandu walai na wulohi, “Mulairie membe tsanu huye.”

SHIIMBO SHA DAWIDI 75:5

“Mlairie membe tsanu huye,” mulachumie na nzingo ya wutimbiri.

KOHELETI 11:9

Iyo manake, chihiyo kipfa nyi ui mkoho, na mrima fopfo fuchihiyo ikeseka kiheri ki, uweosha ohendo lo mrima fopfo, na ipfo kiidi kya isho uwonyi na meso hapfo; kyaindi nowemanya ke kipfa kya isho shose Ruwa nechikuende mengenyi nakuanduye.

YESAYA 7:1

Kikashika maheri ha Ahazi, mana o Yothamu, mana o Uzia, mangi ya Yuda, Resini Mangi ya Shamu, na Peka mana o Remalia mangi o Israeli, wakado wakahenda Yerusalemu kundu wakapane nao indi walaidime imbinga.

YESAYA 7:4

umbie-wai ambuya, notsie, kulaowuo ma kulapfe mrima, kipfa kya mchola ii iwi ya shimunyi shidosa mtsu; kipfa kya nyashi ya Resini na Shamu na mana o Remalia.

YESAYA 8:6

“Kipfa wandu wa waleha mṟinga fo Shiloa fokeida kyomboho, na ichihiyo kipfa kya Resini na manacho o Remalia;

YEREMIA 50:11

“Nyo weduo masaa hako! Ma chandu muichihiyo na ikapa ngululu, mkaitolatola cha taho isusa Ngano, na iana cha pung'a ya frasi,

YEREMIA 9:23

Kyasia Mndumii nahamba, “Mndu mṟango nalakushelie wuṟango woke, manya ulya awode pfinya nalakushele kipfa kya pfinya tsake, manya msuṟi nalakushelie wusuṟi woke,

EZEKIELI 29:3

Mbie kudi, Inyi Mndumii-Ruwa menyi matorito ngahamba njidi: “Inyi njelimbana na iyo mangi o Misri, Iyo nyi kinyau kilee medenyi Nili! Kyamba nuichi ke meda fo Nili nyi fopfo, Ke nyi iyo ufuwikie!

EZEKIELI 29:9

Kyamba nyi ulehamba meda fo Nili nyi fo pfo, ke nyi iyo ulefuwika, kyasiang'u oruka lopfo lo Misri lochiwa lo wulya na ihaluka nuka. Nyi lyondo wandu wechiwutaho imanya ke Inyi nyi Mndumii-Ruwa.

DANIELI 4:27

Kipfa kya ikyo le Mangi, njikuwia kudi; da wunyamaṟi uwute sumuhana na wulohi, da mawicho hapfo uweambuya wakiwa kundu mkonu yapfo ifo-fo na iyo ukae na sia.”

DANIELI 4:30

Mangi kadeda kahamba: “Mṟifu fo Babeli fung'anyi njilefuwika inyi fuwe mṟi fo wumangi, kui pfinya tsako, kundu fuwade kiṟumi kya wuitoṟi woko!”

YONA 4:6

Mndumii-Ruwa kateseheṟa ishenge, likado likawikia Yona iria, liwike maṟinje huya mdo foke; na imtarama nalawone kechikoṟo nyi mu fo mfiri. Kyasia Yona kachihiyo mnu kipfa kya ishenge.

SEFANIA 3:11

Mkonu fulya ochiowesho nyi mawuto halya hapfo uwedekio naho pfo; kipfa njechiwutaho wandu walya walanjiidikie na ikushela, walakae kiidi kyapfo, wuidiki wopfo, wochikaa kiidi kya fumvu-pfo.

ZEKARIA 1:19

Ngawesa Malaika ulya alededa na inyi itsi nyi kiki? Nao kanjihaluo ke itsi nyi membe tsilepaṟatsana wandu wa Yuda, na Israeli, na Yerusalemu.

YOHANE 16:20

Nyi lohi kya lohi ngamuwia, Kye nyo mochifuha na ikapa kilio na wuyana wu wochichihio. Nyo mochisokyo nyi fowa, kya indi fowa tso tsanu tsikae tsechihaluka msiha mwenyi.

YAKOBO 4:16

Na wulalu mokekushela na maseṟeṟi hanu. Orio ikushela lya mbaṟi ii lii liwicho.

OTAMBAHALUO LO YOHANE 11:10

Na wandu wai kunu wuyana wechichihio kya opfu lo iwo wawi na yaala mkonu ya seko na yamtsana na shindo sha nga cha kipfa waikimbi walya wawi walerohya mnu wandu wai kunu wuyana.

WACHILI 9:27

Wakakure wakahenda mademenyi hawo ha msabibu, wakahaa ndunda tsa msabibu wakatsifindika kiidima wakatsikama wakasungusia mvinyo wakawika mfuho. Wakaanga mbenyi ya ruwa owo wakalya na inyo; kiidima wakaruma Abimeleki.

1SAMWELI 4:5

Isanduku lya mma lya Mndumii-Ruwa lyekishitso kiṟaṟonyi Waisraeli wosewalefahia na sia, tane oruka loose lodihina.