AMOSI 6:1 - Bibilia Kui Mdedie fo Kimochi

¹ Ochia lowo iwo wakeri ikyeseka na ichihiyo kiidi kya Sioni na iwa wakeri olelenyi ipfo fumvunyi lya Samaria, wandu wang'anyi kiidi kya oshari lo wandu wa mbooko iwo mba ya Israeli yekewahendia.

AMOSI 6:1 ပူးပေါင်းရင်းမြစ်များ

1WAMANGI 16:24

Kiidima kahuṟa kifumvu kya Samaria ko Shemeri wueri wo kilo 70 tsa fesa, kawika mba huya kifumvu kilya, kalaha mṟi fulya alewika, Samaria, kundu naichike rina lilya lya Shemeri, menyi kifumvu kilya.

SHIIMBO SHA DAWIDI 123:4

Mrima yadu ileihuda temo tsa iwo wawode sia. Na pirisi ya iwo wawode wutimbiri.

MFANANO 1:32

Kipfa iwuya numa lyawo matondo kochiwawaaha, Na iṟimiṟa lya masembo kochiwarumatsa.

YESAYA 33:14

Wanyamaṟi wai kiidi kya Sioni waowuo; kidedemo kyawada walya walaidikie Ruwa; “Nyiu o kodu echiidima ikaa na modo fochilya; nyiu o kodu echiidima ikaa na modo fochirumatsa mlungana?”

YEREMIA 2:3

Israeli wawei waele wa Mndumii; Shilimu sha kuwooka sha oshari loke; iwo wechimlya wechihutsio owingo; ngataṟa tsechiwachea Mndumii ahamba.’”

YEREMIA 48:11

“Moabu nasie moo wokia wurika woke, nakutsie cha mvinyo kirahunyi, Ameletso awuka Kihia-ki mṟasa kihia-ki pfo, ale medao osamiṟonyi-pfo, nawekeri na mlodo foke, mpfaamo foke mcha fulemeilachike-pfo.

YEREMIA 49:31

Kure nohende isaṟikia mkambo fusiie moo, mkambo fui handu ha olele. Nyi inyi Mndumii-Ruwa ngahamba. Mkambo fo fuwode shichumi ma kai lya menya pfo; nyi mkambo fui kyaanya kyafo.

YEREMIA 5:5

Njechihendiya wandu wang'anyi, njechideda nawo, kipfa waichi njia ya Mndumii na, mwaanduye fo Ruwa owo. Indi iwa kui mahiyo hawo walehiye, kusanza kimu na idumbuo shipfunga shimu na Mndumii owo.

YEREMIA 7:4

Mulakusirie mhambo ya wongo ili walehamba, ‘Hekalu lya Mndumii, hekalu lya Mndumii, Ee hekalu lya Mndumii.’”

SHILIO 1:1

Ambuya nyi kiṟiha kya mṟi fuweichuo wandu, wulalu nyi fukeri wulya! Nyi mṟi fuwewode mng'ano kiidi kya wandu wa mkambo; indi wulalu nyi fukeri cha mndu mka mkusu. Kiidi kya mṟi ingi nyi fuwei cha mana o kika o mangi; kyaindi wulalu nyi fukeri isinga lya wandu wengi.

AMOSI 3:2

Nyi nyo tupu njilemumanya kiidi kya wandu wa mkambo ya wuyanenyi kose; kwi kipfa ikyo, njechimuwuwuya manyamaṟo hanu hose.

AMOSI 3:9

Onguonyi mbonyi kiidi kya mamba ha Ashdodi, na kiidi kya mamba ha oruka lo Misiri, muhambe, Kuwumbyenyi huye ya mafumvu ha Samaria, ambuyenyi nyi mtiṟi ing'anyi cha iki iipfo, na mawicho hang'anyi cha kiki hafoipfo.

AMOSI 4:1

Adanyienyi idedolyi nyo mbe tsa Bashanyi, mokekaa fumvuhu lya Samaria, mukawonyia wakiwa, na ikapa walya wahuṟi; mokewia wasoṟo wawo, Wulalu endenyi, lunyo.

AMOSI 5:27

Kui kipfa ikyo njechimsamiṟa mui wapfungo, muhende kuleshi muide Damesiki, Mndumii ahamba, ichu elaho nyi Ruwa menyi matorito.

AMOSI 8:14

Na iwo wekelya nyamu kui wunyamaṟi wo Samaria, na ihamba So Ruwa opfo ai na moo iyo Dani na so njia yapfo iyo Beer-sheba, nawo wechioloka, walechiidima se ikure.”

AMOSI 9:10

Wandu wose wanyamaṟi kiidi kya wandu wako wechipfa kui oshu, iwo wekehamba ke kuwode kindo kiwicho kechilukooya numa manya kusonguopfo.

MIKA 3:1

Wulalu adanyienyi nyo wanene wa oshari lo Yakobo! Adanyienyi nyo wa oshari lo Israeli! Nyi kimuwaṟi nyo imanya mbonyi tsa wusumhanyi.

SEFANIA 1:12

Numa ya maheri ho njechiweṟuwetsa Yerusalemu na kimui keaka; njechihoṟwo iwo wai makusaṟonyi hawo wehamba ipfo mhionyi yawo, Mndumii echiwuta mecha ang'u mawicho - pfo.

YAKOBO 1:18

Nyio alekunda kalufee so kui idedo lya kii-lohi kundu lukae-pfo lui odambiko lulya lo wuwee lusongoe mawumbe hake.

YAKOBO 5:5

Nyo momepfokya ipfo orukenyi na ikusetsa owicho na wusuṟi wose mukawelisiṟa ngoo tsanu mkonu fo kishinjo.

1PETRO 5:7

Mumdambikye mawina hanu hose kipfa nyi kimbode o kipfa kyanu.

WACHILI 18:7

Kyasia wandu wo watanu wakakure wakahenda Laishi. Walewona wandu wekekaa pfo, na chandu wekekaa ko ofoṟo cha wandu walya wa Sidoni. Wawei wandu wahoo walasaṟie kindo ma wahuṟi kindo pfo ma kya oruka lowo. Wawei kuleshe na wandu wa Sidoni, ma wawewode kita kyose na wandu wengi pfo.