AMOSI 5:8 - Bibilia Kui Mdedie fo Kimochi

⁸ shihenyi ulya awikie Kilimia na Orioni, na ihalutsa kiṟinje kya opfu iwa ngamenyi, na ihaluo mfiri fuwe meema fuwe kio; ichu aidima ilaha mṟinga fo ipalyipalyi, na ifuletsia wanda terinyi; Mndumii nlyo rina lyake;

AMOSI 5:8 ပူးပေါင်းရင်းမြစ်များ

YOBU 12:22

Nekeshikuo njoṟoo tsa meema, kairia huye ko sa shilya shii meemenyi.

YOBU 37:13

Ruwa nekeinutsia shilya aṟeheṟie wuyanenyi, kiwe ni ihoṟuo wandu, ang'u iloṟa ikunda lyake.

YOBU 38:34

“Ngesa nochiidima ilaha na ṟu ling'anyi na iwawasa mapuchi hashinge chandu mvuo yasoka?

YOBU 9:9

Nyio alewika nyenyeri ipfo nginehu, na nyenyeri tsa nuka.

SHIIMBO SHA DAWIDI 104:20

Iyo nokewika meema, kukawa kio, nlyondi orio indo lya ngeṟenyi lyekechumia.

SHIIMBO SHA DAWIDI 105:28

Naleduma meema, kukawada meema orukenyi, manya waletehia madedo hakepfo.

YESAYA 42:16

Njechiende shipfupfuṟe wacheye njia walaiichi; okondo walaluichi nyipfo njechiwateteṟa; njechihaluo meema fuwe saa oshangunyi lowo; na handu haolokie njechiichuṟa isho shose njechishiwuta, manya njechimudapfo.

YESAYA 59:10

Lukaeri iwada-wada omombolu cha kipfupfuṟe, luiwada-wada cha wandu walawode meso; luikapa mtulia kiheri kya mfiri cha ili kuwode mtima fo ngamenyi; kiidi kya walya wang'anyi kui mbihu lui cha wapfu.

YEREMIA 16:21

Ko ikyo Mndumii-Ruwa ahamba, “Mandi ha njechiwalosha wamanye necha na pata pfinya tsako na wuidimi woko nawo wemanya ke rina lyako nyi Mndumii-Ruwa.”

YEREMIA 33:2

Mndumii-Ruwa ichu alewumba wuyana. Mndumii-Ruwa aleṟundia na iikara wuyana ichu rina lyake nyi Mndumii-Ruwa nalenjiwia,

AMOSI 4:13

Kipfa, ambuya, icho awikye mafumvu na iumba otanu, na iinenga mndu o wandu makusaṟo hake, awikie mfiri na kio, kawechuma wuyanawu handu hakuiriye; Mndumii, Ruwa menyi matorito nlyo rina lyake.

AMOSI 8:9

Na Mkonufo Mndumii-Ruwa nahamba njechihaluo mnengeṟi fuolokie mfiri makidi hawi, na njechikumbia meema kiheri kya ngeela ya mfiri.

AMOSI 9:6

Nyio akewika shiṟiha shayo ruwehu na isuma otende lo mlemeko wuyana; nyio ekelaha mṟinga fo ipalyipalyi, na ifuletsya wuyana. Mndumii nlyo rina lyake.

MATAYO 4:16

Wandu wadamie memenyi wawona ngeela ing'anyi, na walya wadamie orukenyi lo maṟishe ha opfu, wawonekio nyi ngeela.”

LUKA 1:79

Hahende waaya walya wadamie meemenyi na maṟishenyi ha opfu; kundu madende hadu hahende isumuhantsyo ipfo njiehu ya ofoṟo.”