AMOSI 5:4 - Bibilia Kui Mdedie fo Kimochi

⁴ Kipfa Mndumii nawia adi wandu wa Israeli, Njishihenyi inyi, nanyo mochikaa na moo;

AMOSI 5:4 ပူးပေါင်းရင်းမြစ်များ

2WAMANGI 20:3

“Hoi Mndumii-Ruwa ngakuterewa ukumbuo chandu njilekuṟundia kui wuhendeli wose na kui mrima foko fose na iwuta chandu uwekundi sumuhana na iyo.” Hezekia kafihiṟa amsokie nyi fowa.

1MBONYI TSA MAHERI 28:9

“Na iyo Solomoni mana oko, manya mnu Mndumii-Ruwa o ndeyo, nomṟundie ko mrima fumsalari, na mahiyo ha mwidikie; cha kipfa Mndumii-Ruwa, nekesauṟa mrima ya wandu yose, na imanya mahiyo na lango tsawo tsose, komshiha nochimbona; kyaindi kulamemshihe, nechikuda mlungana.

2MBONYI TSA MAHERI 15:2

nao kakure kahenda ioshana na mangi Asa, kambia, “Njiadanyia, ee mangi Asa na wandu wose wa Yuda na Benyamini! Mndumii-Ruwa, nakeri hamu nanyo, kokoya nyo mukeri hamu nao. Mukoshiha Ruwa, mochimbona, kyaindi mukamda nao nechimuda.

2MBONYI TSA MAHERI 20:3

Kyasia, Yehoshafati kawado nyi wuowu, katerewa Mndumii-Ruwa, wulaanyi. Kawawasa ke, wandu wose orukenyi lo Yuda wakuotoye walalye kelya ma inyo mṟinga.

2MBONYI TSA MAHERI 20:4

Wandu wakacha Yerusalemu wawuka mṟinyi yose ya Yuda, wakakusanyia handu hamu kundu waterewe Mndumii-Ruwa nawatarame.

2MBONYI TSA MAHERI 34:3

Kiidi kya maka fo kaana fo wuotoṟi woke, mangi Yosia akeri mana mtutu, nalewoka iadapfuma Ruwa o sahuye o Dawidi. Na kiheri aleshika maka ikumi na iwi, kawoka isanja Yuda na Yerusalemu, kechirumatsa rasio tsose tseindia maruwa hengi, sanamu tsa Ashera, na sanamu tsingi tsose tsetsana na tsilya tsijisungusie ko isalaṟa menya.

SHIIMBO SHA DAWIDI 14:2

Kuwuka Ruwehu, Mndumii kaimehya wandu, Nawonepfo kokoya kuipfo mndu mṟango, Moshiha Ruwa.

SHIIMBO SHA DAWIDI 22:26

Wahoo wechilya na iihuda, Weosha Mndumii wechimṟumisha Mrima yanu ikae na moo mlungana.

SHIIMBO SHA DAWIDI 27:8

Lyilya mandi kulehamba, pfulenyi kyamu kyako Mrima foko fulekuwia, Mndumii, kyamu kyapfo njechikishiha.

SHIIMBO SHA DAWIDI 69:32

Walya walewonyo ili wechiwona wechichihiyo; nyo muishiha Mndumii, mrima yanu ilaluke.

SHIIMBO SHA DAWIDI 69:33

Kipfa Ruwa nekeicho iwo wahuṟi, manya echimina walya wekuotoya-pfo.

YESAYA 31:1

Ochia lo walya waisoka wechihenda Misri wawone ngaya, wechikusiria frasi; wechikusiria magari kipfa nyi hafoi, na wehenda na frasi kipfa nyi wai ngohoda; kyaindi wakeri iambuya ichu ai Mwele o Israeli-pfo, ma wakeri ishiha Mndumii pfo!

YESAYA 55:3

Dehenyi madu hanu, na injichea; Njiadanyienyi nanyo mochiwada moo; Inyi njechiwika mkundana fo mlungana, ee, osaṟiyo lo Dawidi luwanzi.

YEREMIA 38:20

Yeremia kambia, “Ochidambiko kowopfo. Wulalu iyo india iki Mndumii-Ruwa ahamba, chandu njikuwia, na mbonyi tsapfo tsechichia na moo fopfo fochikia.

EZEKIELI 18:9

mndu cha icho kawa moosha mawawaso hako na muanduye foko, icho nyi akeri o wusumuhanyi nao nyi echikaa na moo.” Nyi wudo Inyi Mndumii-Ruwa ngahamba.

HOSEA 10:12

Wayenyi wucha ko kiira kyanu, ambuya nyi mochisambuo ikunda; demenyi madema ho hake hasiie moo, kyamba kiheri kyenjipfula inyi Mndumii-Ruwa kyameshika. Na inyi njechiwaletsia mboṟa.

AMOSI 5:6

Shihenyi Mndumii nanyo mochikaa na moo; nalawone kechiaka cha modo ipfo kanyi ko Yosefu, modo fukarumatsa, kulechikaapfo mndu echiidima ifurumisha ipfo Beteli.

SEFANIA 2:3

Shihenyi Mndumii, nyo mose mkunyiiṟie oshangunyi loke, mokewuta shilya shichihiṟie Mndumii; shihenyi wukiilohi na wusumhanyi, shihenyi ikunyiiṟa; kofia muowisho mkonu fulya fo nyashi ya Mndumii.

MATAYO 7:8

Kifa moterewa nyi einengo, na mopfula kawewona, na mokapakapa mongo kawepfunguyo.

NGUMBUO YA MAWAWASO 32:46

nalewawia, “Wikenyi mrimenyi yanu madedoha hose njimuinengia inu. Kimuwaṟi mututume wana wanu kundu wawade na iawutsia kui wuhendeli madedoha hose ha chilatsi.

NGUMBUO YA MAWAWASO 32:47

Cha kipfa wuikimbiwu chi madedo ha wulyapfo indi nyi moo fonu; kui wuikimbiwu mochiwada moo mleshe ipfo orukenyi kundu muihenda ikaa, mataya ya meda fo Yordani.”

NGUMBUO YA MAWAWASO 4:29

Numa mui ipfo-ipfo orukenyi mochimmbona kokoya mompfula na mrima fose na ngoo yose.