AMOSI 5:21 - Bibilia Kui Mdedie fo Kimochi

²¹ Inyi njisuo mkonu yanu inene, njiiminyie, njimchihiṟe nyi shisanzyo sho shanu sha wuindipfo.

AMOSI 5:21 ပူးပေါင်းရင်းမြစ်များ

MAWOOKIONYI 8:21

Mndumii-Ruwa kaicho opfamo lumchihiṟie, kahamba mrimenyi, “Njechisesa-se oruka numa ya ishi kipfa kya mndu o wandu-pfo kipfa mahio ha mrimenyi fo mndu o wandu, nyi hamawicho wokia wurika woke, manya njechikapa-se numa ya ishi orio kindo kii na moo chando njilewuta-pfo.

MFANANO 15:8

Mwano fo mndu mbicho fuwichuṟye Mndumii; Indi shiterewo sha mndu mhoṟotsu nyi sia yake.

MFANANO 21:27

Kyaano kya walai wecha nyi kiwichuṟiye Kii kiwicho-wicho ili mandi alasumhanyi aende.

MFANANO 28:9

Ichu moindutsa kudu koke nalaadanyie wuwawaso, Ma kiterewo koke nyi kindo kiwicho,

YESAYA 66:3

Ichu moshinja mbe na cha ichu awaha mndu; na ichu awuta kidaso kya ichondi nyi kimu na ichu afunja nzingo ya kite; na ichu awuta mwano foke nyi cha ichu awuta samu ya nguwe; na ichu mopfaamiṟa nyi cha ichu mowikia sanamu ona; ee, wasambuṟa njia tsawo wawenyi, na mbihu yawo ikachihiṟo nyi mawuto mawicho.

YEREMIA 14:12

Manya wakakuotoya njechiicho kiterewo kyawo-pfo, wakawuta mwano na shidaso shemaya madonyi hamu na shilimu njechiambilia-pfo, njechiwarumatsa kui oshu, na njaa na ndaṟe ya makokoi.”

YEREMIA 6:20

Nkya iki njiendio mpfamiṟo fuwukie Sheba, na msanzo fofo fuwukie oruka lo kuleshe? Mwano yanu yemaya modonyi yaidikiopfo, Ma shidaso shanu shinjichihiriye-pfo.

EZEKIELI 23:18

Kiheri aleengeṟa wumeluki wu woke na pata, inyi ko ora loko ngamda chando njileda manomae.

HOSEA 2:11

Njechitoromesha wuseṟeṟi woke wose, mfuho yake ya meri okombe na ya sabato, na mfuho yose sa injiwawase.

HOSEA 5:6

Ambuya nyi wechihenda na mapo hawo ha mbe na machondi; wechishiha Mndumii-Ruwa; kyaindi wechiidima imbona pfo, kyamba amekuletsana nawo.

HOSEA 8:13

Ambuya wo nyi wakundi iwuta mwano na shidaso, nyi wekewuta shidaso wakawelya nyama tso, kyaindi inyi Mndumii-Ruwa shekenjichihiṟapfo, Inyi njihenda ikumbuo njonyamaṟo tsawo, njihenda iwakapa kipfa kya madeko hawo, ambuya nyi njihenda iwawihiṟa wusingenyi kulya Misri.

WALEWI 26:31

Mṟi yanu njechiirumatsa, handu hanu haele njechihahaluo nuka ilawode mṟinga na njopfamo tsanu njicha tsa mwano yanu njechitsiidikia mantapfo.

AMOSI 4:4

Njonyi Beteli, muwute wunyamaṟi njonyi Gilgali, muengeṟe? Einyamaṟa endenyi shidaso shanu orio ngamenyi, na mwano yanu orio mfiri fo kaṟaṟu,

AMOSI 4:5

wutenyi shaano shanu, ya kilya kikiwikye mtarang'ao; muonguo mwano mulewuta kui ikunda lyanu na ihamba kyatso; kipfa ikyo kimuchihiṟye nyo, lanye wana wa Israeli, Mndumii-Ruwa ahamba.

AMOSI 6:8

Mndumii nyalelya nyamu yake, so Ruwa Menyi Matorito; Ngamina kiṟumi kya Yakobo, ngasuiṟo nyi mamba hake; kipfa kya ikyo, njechiwutaho mṟi fo hamu na wose waipfo.

AMOSI 8:10

Na inyi Njechihaluo mfiri yanu nnene ya sia iwe ya shilio na shiimbo shanu naawo shiwe kilio; mochiṟaa masaṟa shitsinyi shose, mbewika njohaa huye ya orio mdo; njechiende ishi shose shiwe kilio kipfa mana kimumu na ifurumia cha kiheri kya mawawio.

MATAYO 23:13

“Ochia lonu nyo walosha wa mawawaso na Wafarisayo mui makulembetseṟe. Nyi ilindi mokepfunga mongo fo wumangi wo ruwehu sumhana na oshangunyi lo wandu. Nanyo ma mlechiida napfo ma wandu wawechiida napfo mlawalekye waide napfo. [

WAEFESO 5:2

Muchumie mhendo fuu mchilie nyi ikunda, chando nao Kristo awelukundi kahenda ikudambikya Ruwa hando helukaya-pfo so kambiia odambiko na kidaso sha opfamo sa lolo da.

WAFILIPI 4:18

Na ngambona shose shamba sha mfeṟa. Nyi njilemsuṟyo njido iliindi ngamwambya osano lonu lomendo nyi Epafrodito. Lo opuo lopfama mnu necha, nyilo odambiko lukundikye luchihiana na Ruwa.