AMOSI 5:20 - Bibilia Kui Mdedie fo Kimochi

²⁰ Ngesa mfiri fo Mndumii fochiwa meema, ma chi saapfo? Ee, fuwode mema puti, ma kuwode ngeela-pfo.

AMOSI 5:20 ပူးပေါင်းရင်းမြစ်များ

YESAYA 13:10

Kipfa nyenyeri tsose tsa ruwehu na shiende saa shechiwuta ngeela yashopfo; mnengeṟi fochihaluka mema kiheri fodo, na meri fochiwaapfo.

YESAYA 8:22

nawo wechiambuya oruka, luichuo wukiwa na meema; kuwode isambuka-pfo kipfa kya wukiwa, nawo wechifuno na idichia memenyi fung'anyi.

EZEKIELI 34:12

Ambuya, chando mlisi ekepfula machondi hake harahanyikie, nyi na wudo njechipfula machondi hako ipfo kundu hawerahanyikie kiidi kya mtiima na meema fung'anyi.

YOELI 2:2

Mkonu fo nyi fo mema na isumkia; nyi mkonu fo mapuchi na mtima. Mbahanyi ing'anyi ya nzihe ikeri kufui, ikeri cha isulia lya mema liliale mafumvunyi. Kindo cha iki kilemeutike male-pfo, ma kechikaa kiutike se marika hose haicha-pfo.

OBADIA 1:15

Kipfa mkonu fo Mndumii fui hafui ko wandu wa mkambo wose; chando kulewuta, nyi wudo ochiwutio; wueri wopfo wochikuwuya wuche huya mdo fopfo iyo kumonyi.

NAHUMU 1:8

Kyaindi nechitoromisha wakituwa wake na mfu fung'anyi na iwafunyia meemenyi.

SEFANIA 1:15

Mkonu fulya nyi mkonu fo nyashi, mkonu fo kiwi, mkonu fo inyamaṟo na iliso wukiwa, mkonu fo meema rambatanyi, mkonu fo mapuchi na mema fushinge,

MATAYO 22:13

Naho mangi kawia walya wepfuṟu-kanyiaho, ‘Kempfungenyi madende-ho na mawokoho. Mumkumbe ipfo meemenyi fushingie ipfo nja. Napfo nyi kochika-pfo ifihiṟa na imadya ngamru.

MATAYO 24:29

“Indi kombona shiwiira shilya sha mafiri halya shamiida kukae handu hatutu nalyo mnengeṟi fuhaluke meema na meeri fulechikiloṟa-se ngela yafo na nyenyeri tsioloke tsiwuke ipfo ruwehu. Na pfinya tsi tsiirye alya ruwehu tsiwekupaya-paya.

YUDA 1:13

Wakeri cha masinanu ha ipalyipalyi hechipongika-pongika na idaitsaho shindo shiendie iṟenze. Wai cha nyenyeri tseṟaha-ṟaha, iwo Ruwa alemewateseheṟia ruwe ya meema fulechisia.

OTAMBAHALUO LO YOHANE 16:10

Na malaika chu o katanu kapusuya kitela kyake ipfo loṟike-hu lo indo lilya, wumangi wolyo wukaruwyo n nruwe ya meema puti wakakuimada njolimi tsawo kui kinangananga.